فلسطینی ریاست کا قیام اصولی معاملہ ہے، روسی صدر ولادیمیر پیوٹن
اشاعت کی تاریخ: 29th, January 2026 GMT
روسی صدر ولادیمیر پیوٹن نے کہا ہے کہ ایک آزاد اور خودمختار فلسطینی ریاست کا قیام اصولی معاملہ ہے اور روس اسرائیل فلسطین تنازع کے سیاسی حل کی مکمل حمایت کرتا ہے۔
یہ بات انہوں نے متحدہ عرب امارات کے صدر شیخ محمد بن زاید النہیان سے ملاقات کے دوران کہی، جو سرکاری دورے پر ماسکو پہنچے ہیں۔ کریملن کے مطابق ملاقات میں دونوں رہنماؤں نے خطے کی صورتحال اور دوطرفہ تعاون پر تفصیلی گفتگو کی۔
یہ بھی پڑھیں: روسی صدر نے فلسطین اور اسرائیل کے درمیان ثالثی کی پیشکش کر دی
روسی صدر کا کہنا تھا کہ فلسطینی ریاست کا قیام اسرائیل کے ساتھ امن اور سلامتی کے ساتھ بقائے باہمی کی بنیاد پر ہونا چاہیے، جس سے خطے میں پائیدار حل اور طویل المدتی استحکام ممکن ہو سکے گا، انہوں نے غزہ میں انسانی صورتحال بہتر بنانے کے لیے مشترکہ کوششوں پر بھی تبادلہ خیال کیا۔
ایران سے متعلق کشیدگی پر بات کرتے ہوئے ولادیمیر پیوٹن نے کہا کہ امریکا کی جانب سے ممکنہ حملوں کی دھمکیوں کے بعد روس ایران کی صورتحال پر گہری نظر رکھے ہوئے ہے۔
پیوٹن نے یوکرین بحران میں متحدہ عرب امارات کے کردار کو سراہتے ہوئے کہا کہ قیدیوں کے تبادلے اور سفارتی رابطوں کے لیے پلیٹ فارم فراہم کرنا قابلِ تعریف اقدام ہے۔ انہوں نے ابوظبی میں حالیہ سہ فریقی سکیورٹی مذاکرات کے انعقاد پر اماراتی صدر کا خصوصی شکریہ ادا کیا۔
یہ بھی پڑھیں: ڈونلڈ ٹرمپ کی ایران کو دھمکی پر روس کا سخت ردعمل سامنے آگیا
کریملن کے مطابق یوکرین اور روس کے درمیان امریکا کی ثالثی میں مذاکرات کے کئی دور 23 اور 24 جنوری کو ابوظبی میں ہوئے، جن کا مقصد جنگ کے خاتمے کی راہ ہموار کرنا تھا۔
متحدہ عرب امارات کے صدر شیخ محمد بن زاید النہیان نے کہا کہ ان کا ملک روس کے ساتھ دوطرفہ تعلقات کو مزید مضبوط بنانے اور مشترکہ ترقیاتی اہداف کے حصول کے لیے پرعزم ہے۔ انہوں نے سیاسی اور سفارتی حل کی حمایت کرتے ہوئے کہا کہ ایسے اقدامات علاقائی اور عالمی استحکام میں معاون ثابت ہو سکتے ہیں۔
کریملن کے مطابق متحدہ عرب امارات عرب دنیا میں روس کا سب سے بڑا تجارتی شراکت دار ہے اور دونوں ممالک کے تعلقات تقریباً تمام شعبوں میں وسعت اختیار کر رہے ہیں۔ کریملن کے ترجمان دیمتری پیسکوف نے کہا کہ دونوں ممالک تعاون کے فروغ میں گہری دلچسپی رکھتے ہیں اور یہ دن روس اور اماراتی دوستی کی علامت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسرائیل روس فلسطین فلسطینی ریاست متحدہ عرب امارات.
ذریعہ
ذریعہ: WE News
کلیدی لفظ: اسرائیل فلسطین فلسطینی ریاست متحدہ عرب امارات
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار