شہباز شریف نے کاروباری شخصیات کی محنت اور 2025 میں برآمدات بڑھانے والے ایکسپورٹرز کو خراجِ تحسین
اشاعت کی تاریخ: 30th, January 2026 GMT
ملک کے بڑے ایکسپورٹرز اور نمایاں کاروباری شخصیات کے اعزاز میں منعقدہ پروقار تقریب میں وزیراعظم پاکستان شہباز شریف نے قومی معیشت میں اہم کردار ادا کرنے والے ایکسپورٹرز کو ایوارڈز سے نوازا۔ اس موقع پر نائب وزیراعظم اسحاق ڈار اور وفاقی وزرا کی بڑی تعداد بھی موجود تھی، جنہوں نے ملک کی برآمدات اور کاروباری ترقی میں خدمات انجام دینے والے افراد کو خراجِ تحسین پیش کیا۔
تقریب سے خطاب کرتے ہوئے وزیراعظم شہباز شریف نے کہا کہ وہ ہر ایکسپورٹر اور کاروباری شخصیت کی محنت، لگن اور ایجادات کی قدر کرتے ہیں جنہوں نے 2025 میں اپنی شبانہ روز محنت کے ذریعے پاکستان کی برآمدات میں نمایاں اضافہ کیا۔ انہوں نے کہا کہ یہ شخصیات نہ صرف مشکل حالات میں معیشت کو برقرار رکھنے میں کامیاب رہیں بلکہ اربوں ڈالر کی آمدنی کے ذریعے قوم کے لیے قیمتی خدمات انجام دیں۔
وفاقی وزیر تجارت جام کمال نے تقریب سے خطاب کرتے ہوئے کہا کہ آج کا پاکستان ترقی کی منازل طے کر رہا ہے اور موجودہ حکومت ملک کو ترقی کی راہ پر گامزن کرنے کے لیے ہر چیلنج کا مقابلہ کر رہی ہے۔ انہوں نے بتایا کہ حکومت برآمدات پر مبنی معیشت کو فروغ دینے کے لیے عملی اقدامات کر رہی ہے، جس کے مثبت نتائج ظاہر ہو رہے ہیں۔
جام کمال نے مزید کہا کہ وزیراعظم شہباز شریف کی قیادت میں حکومتی ٹیم دن رات کام کر رہی ہے اور کاروباری برادری اور ایکسپورٹرز کو ہر ممکن سہولت فراہم کرنے کے لیے پرعزم ہے تاکہ قومی معیشت مزید مستحکم ہو سکے۔
تقریب میں وزیراعظم نے پاکستان کے مالی بحران، عالمی مالیاتی اداروں کے ساتھ مذاکرات اور 2023 میں پیرس میں ہونے والی بین الاقوامی ملاقاتوں کا بھی ذکر کیا، جن میں پاکستان کی معیشت کو ڈیفالٹ سے بچانے کے اقدامات کی تفصیلات بیان کی گئیں۔ انہوں نے اس بات پر زور دیا کہ ملکی اور بین الاقوامی چیلنجز کے باوجود حکومت نے برآمدات اور قومی معیشت کو مستحکم رکھنے کے لیے بھرپور کوششیں کیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: شہباز شریف معیشت کو کے لیے کہا کہ
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار