بلوچستان میں سیکیورٹی فورسز کی کارروائیاں: 41 دہشت گرد ہلاک، بڑی مقدار میں اسلحہ اور بارودی مواد برآمد
اشاعت کی تاریخ: 30th, January 2026 GMT
آئی ایس پی آر کے مطابق سیکیورٹی فورسز نے بلوچستان میں دو مختلف کارروائیوں میں فتنہ الخوارج اور بھارتی سپانسرڈ دہشت گردوں کو نشانہ بنایا، جس کے نتیجے میں مجموعی طور پر 41 دہشت گرد ہلاک ہوئے۔
ہرنائی میں انٹیلی جنس بیسڈ آپریشن کے دوران سیکیورٹی فورسز کو فتنہ الخوارج کے دہشت گردوں کی موجودگی کی اطلاع ملی، جس کے بعد شدید فائرنگ کے تبادلے کے بعد 30 خارجی دہشت گرد ہلاک ہوئے۔ ہلاک شدگان کے قبضے سے بڑی مقدار میں ایمونیشن اور بارودی مواد برآمد ہوا، جو فوری طور پر موقع پر تباہ کر دیا گیا۔
دوسری کارروائی پنجگور میں کی گئی، جہاں سیکیورٹی فورسز نے ایک خفیہ دہشت گرد ٹھکانہ بے نقاب کیا اور 11 بھارتی اسپانسرڈ دہشت گرد ہلاک کیے۔ اس کارروائی میں دہشت گردوں کے قبضے سے اسلحہ، گولہ بارود کے ساتھ ساتھ 15 دسمبر 2025 کی بینک ڈکیتی سے لوٹی گئی رقم بھی برآمد کی گئی۔ ہلاک دہشت گرد ماضی میں متعدد حملوں میں ملوث تھے۔
آئی ایس پی آر کا کہنا ہے کہ علاقے میں مزید دہشت گردوں کے خاتمے کے لیے کلیئرنس اور سینیٹائزیشن آپریشن جاری ہیں۔ پاکستان دشمن عناصر کے خلاف کارروائیاں بغیر کسی وقفے کے جاری رہیں گی، اور نیشنل ایکشن پلان کے تحت دہشت گردی کے خاتمے کے لیے مکمل عملدرآمد کیا جائے گا۔ سیکیورٹی فورسز اور قانون نافذ کرنے والے ادارے غیر ملکی سرپرستی میں ہونے والی دہشت گردی کے مکمل خاتمے کے لیے پُرعزم ہیں۔
ذریعہ
ذریعہ: Daily Mumtaz
کلیدی لفظ: سیکیورٹی فورسز دہشت گرد ہلاک
پڑھیں:
وفاقی کابینہ کا جعلی دواؤں کے خاتمے کیلئے ٹریک اینڈ ٹریس سسٹم کے نفاذ کی منظوری
اسلام آباد (ڈیلی پاکستان آن لائن) ملک بھر میں جعلی دواؤں کا خاتمہ یقینی بنانےکے لیے وفاقی کابینہ نے دواؤں کے ٹریک اینڈ ٹریس سسٹم کے نفاذ کی باضابطہ منظوری دیدی۔
نجی ٹی وی چینل جیو نیوز کے مطابق وفاقی وزیر صحت مصطفیٰ کمال نے اس حوالے سے کہا کہ ڈرگ لیبلنگ اینڈ پیکنگ رولز 1978 میں ضروری ترامیم کی منظوری دے دی گئی ہے، یہ فیصلہ پاکستان میں جعلی دواؤں کے خاتمے کی جانب ایک بڑا اور تاریخی قدم ہے۔
انہوں نے کہا کہ پہلی بار ہر دوا کو ڈیجیٹل طریقے سے ٹریک اور ویریفائی کیا جا سکے گا، اس نظام کے تحت جعلی، غیرمعیاری اور نقلی دواؤں کی نشاندہی اور ان کا خاتمہ ممکن ہوگا، نظام کے نفاذ سے عام صارف بآسانی دوا کی میعاد اور قیمت کی مستند معلومات لے سکےگا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وفاقی وزیر نے کہا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی، نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں، یہ اہم فیصلہ دواوں کی سپلائی چین کو محفوظ اور معیاری بنانے کیلئے کیا ہے۔
مصطفیٰ کمال کا کہنا تھا پاکستان میں دواؤں کے نظام کو جدید خطوط پر استوار کیا جا رہا ہے، ٹریک اینڈ ٹریس سسٹم کے نفاذ سے جعلی دواؤں کے خلاف مضبوط اور مؤثر دیوار قائم ہوگی، پاکستان خطے میں جدید ٹیکنالوجی اپنانے والا نمایاں ملک بن کر سامنے آئے گا، اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گا۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے