علیزے شاہ کی شازیہ منظور پر سخت تنقید:سینیئر ہونے کا مطلب ایمانداری یا حکمت نہیں ہوتا
اشاعت کی تاریخ: 30th, January 2026 GMT
پاکستانی شوبز کی معروف اداکارہ علیزے شاہ نے گلوکارہ شازیہ منظور پر سخت تنقید کی ہے۔ علیزے شاہ اکثر سوشل میڈیا پر تنازعات کے باعث خبروں میں رہتی ہیں، اور ان کے اور شازیہ منظور کے درمیان دسمبر 2021 کے فیشن شو کے جھگڑے نے پھر سے توجہ حاصل کر لی ہے۔
یہ واقعہ فیشن شو کے دوران پیش آیا جب علیزے شاہ ریمپ پر گر گئیں، جس کے بعد شازیہ منظور کے کردار پر سوالات اٹھے۔ حال ہی میں شازیہ منظور نے ایک انٹرویو میں دعویٰ کیا کہ انہوں نے جان بوجھ کر علیزے شاہ کو دھکا نہیں دیا، جس پر تنازعہ دوبارہ سوشل میڈیا پر گردش کرنے لگا۔
علیزے شاہ نے اپنی انسٹا اسٹوری میں لکھا:کسی کے سینئر ہونے کی وجہ سے خلوص کی توقع رکھنا بالکل دیوار سے سر مارنے کے مترادف ہے۔ بزرگی خود بخود حکمت، سلیقہ مندی یا ایمانداری کے برابر نہیں ہوتی۔
اداکارہ نے مزید کہا کہ سینئرز کا اپنے کام کے بجائے تنازعات کے ذریعے شہرت حاصل کرنا واقعی مایوس کن ہے اور شازیہ منظور سے مخاطب ہو کر کہا:میں امید کرتی ہوں کہ آپ ماڈلز اور اداکاروں کو گرانے کی بجائے اپنے کام، موسیقی اور ٹیلنٹ کی وجہ سے وائرل ہوں۔ سچی قدر کو ثابت کرنے کے لیے کسی کو گرانے کی ضرورت نہیں پڑتی۔
یہ بیان واضح کرتا ہے کہ علیزے شاہ اپنے پیشے میں خلوص اور محنت کو ترجیح دیتی ہیں اور غیر ضروری تنازعات کو رد کرتی ہیں۔
ذریعہ
ذریعہ: Daily Mumtaz
کلیدی لفظ: شازیہ منظور علیزے شاہ
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار