بابر اعظم کا شاندار سنگِ میل، ہوم انٹرنیشنل میچوں کی سنچری مکمل
اشاعت کی تاریخ: 30th, January 2026 GMT
data-id="863a0a8" data-element_type="widget" data-widget_type="theme-post-content.default">
قومی کرکٹ ٹیم کے تجربہ کار بلے باز اور سابق کپتان بابر اعظم نے پاکستان میں ہوم انٹرنیشنل میچوں کی سنچری مکمل کر کے اپنے شاندار کیریئر میں ایک اور نمایاں سنگِ میل عبور کر لیا۔
تفصیلات کے مطابق گزشتہ روز قذافی اسٹیڈیم لاہور میں آسٹریلیا کے خلاف کھیلے گئے ٹی 20 میچ کے ساتھ قومی کرکٹ ٹیم کے تجربہ کار بلے باز بابر اعظم نے اپنے کیریئر کا 100 واں ہوم انٹرنیشنل مقابلہ کھیلا۔
اس موقع پر بابر اعظم نے اپنے جذبات کا اظہار کرتے ہوئے کہا کہ اپنے ہی ملک میں، اپنے شائقین کے سامنے اس سطح کا سنگِ میل عبور کرنا ان کے لیے باعثِ فخر اور اعزاز ہے۔
ملک کے مختلف وینیوز پر کھیلی گئی یادگار اننگز کے حوالے سے گفتگو کرتے ہوئے بابر اعظم نے کہا کہ کراچی، لاہور اور دیگر اسٹیڈیمز میں ٹیسٹ کرکٹ کے دوران کھیلیں گئی کئی اننگز دل کے بہت قریب ہیں، ہر میدان کی اپنی ایک یاد اور اپنی اہمیت ہے، اسی لیے کسی ایک اننگ کو باقیوں پر ترجیح دینا مشکل ہے۔
اپنے کرکٹ سفر کے آغاز کو یاد کرتے ہوئے بابر اعظم نے بتایا کہ وہ 2006 یا 2007 میں بطور بال پکر اسی اسٹیڈیم میں موجود تھے، جہاں انہوں نے پاکستان اور جنوبی افریقہ کے درمیان میچ دیکھا تھا، آج اسی میدان میں قومی ٹیم کی نمائندگی کرتے ہوئے 100 واں ہوم انٹرنیشنل میچ کھیلنا کسی خواب کی تعبیر سے کم نہیں۔
شائقین کرکٹ کی سپورٹ پر بات کرتے ہوئے بابر اعظم کا کہنا تھا کہ انہیں پاکستان کے ہر شہر اور ہر اسٹیڈیم میں بھرپور پذیرائی ملی ہے، لاہور ہی نہیں بلکہ ملک بھر میں ملنے والی محبت اور حوصلہ افزائی نے ہمیشہ انہیں مزید بہتر کھیل پیش کرنے کا حوصلہ دیا ہے۔
بابر اعظم نے مزید کہا کہ کرکٹ کی اصل طاقت شائقین ہیں، جن کی محبت انہیں اسٹیڈیم کے اندر، باہر اور سوشل میڈیا پر مسلسل ملتی رہتی ہے۔
انہوں نے کہا کہ یہی سپورٹ ان کے لیے سب سے بڑا سرمایہ ہے اور وہ ہمیشہ کوشش کرتے ہیں کہ اپنی کارکردگی سے شائقین کے چہروں پر خوشی بکھیر سکیں۔
ذریعہ
ذریعہ: Jasarat News
کلیدی لفظ: ہوم انٹرنیشنل کرتے ہوئے کہا کہ
پڑھیں:
بحرین نے اپنے شہریوں کو ایران اور عراق کے سفر سے روک دیا
اپنے ایک جاری بیان میں بحرینی وزارت داخلہ کا کہنا تھا کہ اس حکم کی مخالفت کرنے والوں کیخلاف سخت تادیبی کارروائی انجام دی جائے گی۔ اسلام ٹائمز۔ آج "بحرین" کی وزارت داخلہ نے نام نہاد علاقائی سیکورٹی خدشات کا حوالہ دیتے ہوئے، اپنے شہریوں کو تا حکم ثانوی "ایران" اور "عراق" کے سفر سے روک دیا۔ مذکورہ ملک کی وزارت داخلہ نے کہا کہ اس حکم کی مخالفت کرنے والوں کے خلاف سخت تادیبی کارروائی انجام دی جائے گی۔ بحرین نے الزام لگایا کہ اس نے یہ فیصلہ ایرانی جارحیت کے نتیجے میں پیدا ہونے والی موجودہ سیکیورٹی صورتحال کے پیش نظر کیا۔ جس کا مقصد ملک کی سلامتی کو برقرار رکھنا اور بحرینی شہریوں کی حفاظت کو یقینی بنانا ہے۔ حالانکہ یہ بات روز روشن کی طرح عیاں ہے کہ جنگِ رمضان کے دوران ایران کے خلاف کھلی امریکی و صیہونی جارحیت میں بحرین برابر کا شریک ہے۔ خطے کا سب سے بڑا امریکی اڈہ بھی اسی ملک میں موجود ہے۔ ان اڈوں کے خلاف ایران کی جوابی کاری ضربوں نے بحرین کو شدید متاثر کیا۔ جس کی وجہ سے اُسے اقتصادی مشکلات کا سامنا ہے۔ مزید برآں کہ درست سفارتی فیصلوں کی بجائے "منامہ" اپنی ہٹ دھرمی پر قائم ہے۔ جس سے اُسے مزید سنگین نتائج بھگتنا پڑ سکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ