بلوچستان میں سکیورٹی فورسز کی کارروائی، بھارتی حمایت یافتہ 41 دہشتگرد ہلاک
اشاعت کی تاریخ: 30th, January 2026 GMT
data-id="863a0a8" data-element_type="widget" data-widget_type="theme-post-content.default">
بلوچستان میں سکیورٹی فورسز کی شاندار کارروائیوں میں بھارتی پراکسی تنظیموں کے 41 دہشتگرد ہلاک ہو گئے ہیں جبکہ ان کے ٹھکانوں سے بھاری مقدار میں اسلحہ اور دھماکا خیز مواد برآمد کیا گیا۔
پاک فوج کے شعبہ تعلقات عامہ (آئی ایس پی آر) کے مطابق یہ کارروائیاں 29 جنوری کو دو مختلف علاقوں میں خفیہ اطلاعات کی بنیاد پر کی گئیں، پہلی کارروائی ہرنائی ضلع کے نواحی علاقے میں عمل میں آئی، جہاں سکیورٹی فورسز نے دہشتگردوں کے ٹھکانے کو نشانہ بنایا۔ شدید فائرنگ کے تبادلے میں بھارتی حمایت یافتہ 30 خوارج ہلاک ہوئے۔
آئی ایس پی آر کے مطابق ہلاک شدگان کا تعلق فتنہ الخوارج اور فتنہ الہندوستان نامی دہشتگرد تنظیموں سے تھا۔ اس موقع پر دہشتگردوں کے قبضے سے بڑی مقدار میں اسلحہ اور دھماکا خیز مواد برآمد کیا گیا، جسے فوراً تلف کر دیا گیا۔
دوسری کارروائی ضلع پنجگور میں انجام دی گئی، جہاں خفیہ اطلاع پر دہشتگردوں کے ٹھکانے کو تباہ کیا گیا۔ اس دوران فتنہ الہندوستان سے تعلق رکھنے والے 11 بھارتی حمایت یافتہ دہشتگرد ہلاک ہوئے۔
برآمد شدہ اسلحہ اور گولہ بارود کے علاوہ ہلاک دہشتگردوں کے قبضے سے 15 دسمبر 2025 کو پنجگور میں بینک ڈکیتی کے دوران لوٹی گئی رقم بھی حاصل کی گئی۔ آئی ایس پی آر کے مطابق ہلاک شدگان ماضی میں متعدد دہشتگردانہ کارروائیوں میں ملوث رہے۔
آئی ایس پی آر نے بتایا کہ علاقے میں مزید بھارتی حمایت یافتہ دہشتگردوں کے خاتمے کے لیے کلیئرنس آپریشنز جاری ہیں۔ پاک فوج اور قانون نافذ کرنے والے ادارے ’عزمِ استحکام‘ کے وژن کے تحت انسداد دہشتگردی مہم کو پوری شدت سے جاری رکھے ہوئے ہیں اور غیر ملکی سرپرستی میں ہونے والی دہشتگردانہ سرگرمیوں کے مکمل خاتمے کے لیے پُرعزم ہیں۔
یہ کارروائیاں سکیورٹی فورسز کی قربانی، پیشہ ورانہ مہارت اور خفیہ معلومات کی بروقت رسائی کا مظہر ہیں، جو بلوچستان میں امن و استحکام کی بحالی اور عوام کی حفاظت کے لیے اہم قدم قرار دی جا رہی ہیں۔
ذریعہ
ذریعہ: Jasarat News
کلیدی لفظ: بھارتی حمایت یافتہ سکیورٹی فورسز دہشتگردوں کے آئی ایس پی آر
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار