پی سی بی فیوچر اسٹارز ٹیلنٹ ہنٹ پروگرام کے ٹرائلز کب اور کن شہروں میں ہوں گے؟
اشاعت کی تاریخ: 30th, January 2026 GMT
پاکستان کرکٹ بورڈ نے ملک بھر میں کرکٹ ٹیلنٹ کے فروغ کے لیے فیوچر اسٹارز ٹیلنٹ ہنٹ پروگرام کے تحت اوپن ٹرائلز کے انعقاد کا اعلان کردیا ہے، جو 11 فروری سے 1 مئی تک 15 شہروں میں منعقد ہوں گے، اس پروگرام کے ذریعے تقریباً 350 کھلاڑیوں کو منتخب کر کے ملک کی 16 ریجنل اکیڈمیوں میں شامل کیا جائے گا۔
یہ بھی پڑھیں: پی سی بی نے ملتان سلطانز کی ملکیت کے حقوق کے لیے بولیاں طلب کر لیں
ٹرائلز کی نگرانی سابق ٹیسٹ کرکٹرز پر مشتمل سلیکشن پینل کرے گا، جس میں پی سی بی ڈائریکٹر ہائی پرفارمنس عاقب جاوید، نیشنل کرکٹ اکیڈمی کے کوچز مصباح الحق اور عبدالرزاق شامل ہیں، ٹرائلز کا آغاز پی سی بی گراؤنڈ سکھر سے ہوگا، جہاں لاڑکانہ ریجن کے کھلاڑی اپنی صلاحیتوں کا مظاہرہ کریں گے۔
???? PCB announces a series of open trials in 15 cities across the country to shortlist around 350 players for 16 regional academies ????
Read more ➡️ https://t.
— Pakistan Cricket (@TheRealPCB) January 30, 2026
پہلے مرحلے میں ایبٹ آباد، بہاولپور، فیصل آباد، حب ڈسٹرکٹ، حیدرآباد، اسلام آباد، کراچی، لاہور، ملتان، مظفرآباد، پشاور، کوئٹہ، راولپنڈی، سیالکوٹ اور سکھر میں اوپن ٹرائلز منعقد کیے جائیں گے، سلیکشن پینل ہر ریجن سے زیادہ سے زیادہ 24 کھلاڑیوں کا انتخاب کرے گا، جنہیں اپنے اپنے ریجنل ہیڈکوارٹرز میں 4 ہفتوں کے خصوصی تربیتی کیمپ میں شامل کیا جائے گا۔
یہ بھی پڑھیں: پی سی بی کا مظفرآباد میں پی ایس ایل میچز کرانے کا فیصلہ
ریجنل کیمپس میں بہترین کارکردگی دکھانے والے کھلاڑیوں کو نیشنل کرکٹ اکیڈمی کے کیمپس میں بھی بلایا جائے گا، جہاں انہیں ایک سالہ اسکلز ڈیولپمنٹ پروگرام کے ذریعے مزید نکھارا جائے گا۔ ٹرائلز کے دوران ہر مقام پر بہترین فاسٹ بولر، اسپنر اور بیٹر کو نقد انعامات بھی دیے جائیں گے۔
اس پروگرام کے ذریعے پی سی بی کا مقصد ریجنل سطح پر ٹیلنٹ پول میں توسیع کرنا ہے تاکہ منتخب کھلاڑی انٹرا اور انٹر ڈسٹرکٹ، ریجنل اور دیگر ڈومیسٹک ٹورنامنٹس میں حصہ لے سکیں۔ کامیاب کھلاڑیوں کو مستقبل میں ڈپارٹمنٹل اور ریجنل ٹیموں کے ساتھ ساتھ 2026 کے بعد کے سیزنز میں ایچ بی ایل پی ایس ایل کے لیے بھی زیر غور لایا جائے گا۔
تاریخیں اور مقامات11 فروری – پی سی بی گراؤنڈ، سکھر – لاڑکانہ ریجن
12-13 فروری – نیاز اسٹیڈیم، حیدرآباد – حیدرآباد ریجن
15-16 فروری – کے سی سی اے اسٹیڈیم، کراچی – کراچی ریجن
25-26 مارچ – ڈرنگ اسٹیڈیم، بہاولپور – بہاولپور ریجن
28-29 مارچ – ملتان کرکٹ اسٹیڈیم – ملتان ریجن
1-2 اپریل – اقبال اسٹیڈیم، فیصل آباد – فیصل آباد ریجن
4-5 اپریل – ایل سی سی اے گراؤنڈ، لاہور – لاہور ریجن
7-8 اپریل – فراز اسٹیڈیم، سیالکوٹ – سیالکوٹ ریجن
10-11 اپریل – راولپنڈی کرکٹ اسٹیڈیم – راولپنڈی ریجن
13-14 اپریل – مرغزار کرکٹ گراؤنڈ – اسلام آباد ریجن
16-17 اپریل – ایبٹ آباد کرکٹ اسٹیڈیم – ایبٹ آباد ریجن
19-20 اپریل – عمران خان کرکٹ اسٹیڈیم، پشاور – پشاور ریجن
22-23 اپریل – حیات آباد کرکٹ اسٹیڈیم، پشاور – فاٹا ریجن
25-26 اپریل – مظفرآباد کرکٹ اسٹیڈیم – آزاد جموں و کشمیر ریجن
28-29 اپریل – بگٹی کرکٹ اسٹیڈیم، کوئٹہ – کوئٹہ ریجن
یکم مئی – حب اسٹیڈیم، لسبیلہ – ڈیرہ مراد جمالی ریجن
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی فیوچر اسٹارز ٹیلنٹ ہنٹ پروگرام
ذریعہ
ذریعہ: WE News
کلیدی لفظ: پی سی بی کرکٹ اسٹیڈیم پروگرام کے پی سی بی جائے گا کے لیے
پڑھیں:
بعض حکمران عناصر بینظر انکم سپورٹ پروگرام کو ختم کرنا چاہتے ہیں، تاہم پیپلز پارٹی ایسا نہیں ہونے دے دی، بلاول بھٹو
چیئرمین پاکستان پیپلز پارٹی بلاول بھٹو زرداری نے کہا ہے کہ ایران میں جاری جنگ کے اثرات کے باعث معاشی بحران نے جنم لیا ہے اور موجودہ معاشی چیلنجز سے نمٹنے کی صلاحیت صرف پیپلز پارٹی کے پاس ہے، گلگت بلتستان کے عوام 7 جون کو تیر پر مہر لگائیں۔
اسکردو میں جلسے سے خطاب کرتے ہوئے انہوں نے پاکستان کی جانب سے امن کے قیام کے لیے کی جانے والی کوششوں کو قابل فخر قرار دیتے ہوئے امید ظاہر کی کہ جنگ بندی کے لیے کی جانے والی کاوشیں کامیاب ہوں گی۔
مزید پڑھیں: کسی پر تنقید کرکے نہیں بلکہ کارکردگی پر ووٹ مانگتا ہوں، نواز شریف کا گلگت میں خطاب
چیئرمین پیپلز پارٹی نے کہاکہ ان کی جماعت ملک کے پسماندہ اور محروم طبقات کی حقیقی نمائندہ ہے۔ ایسی ترقی اور معاشی پالیسی کا کیا فائدہ جس میں امیر مزید امیر اور غریب مزید مشکلات کا شکار ہو جائے۔
ان کا کہنا تھا کہ بینظیر انکم سپورٹ پروگرام ملک کا واحد ایسا ادارہ ہے جو براہ راست مستحق خاندانوں تک پہنچتا ہے اور اس پروگرام کے خلاف ہونے والی سیاسی سازشیں ناکام ہوں گی۔
بدقسمتی اس ملک کی ہے کہ ہمارے سیاست دان ایسے ہیں کہ جب معاشی حالات خراب ہوتے ہیں تو وہ یہ نہیں سوچتے کہ ہم اپنے امیر دوستوں کی سبسڈی کیسے ختم کریں، وہ یہ نہیں سوچتے کہ کاروباری طبقہ کتنا ٹیکس دے رہا ہے، وہ سیدھا اس پر پہنچتے ہیں کہ بینظیر انکم سپورٹ پروگرام کو ختم کرو، مگر ہم یہ… pic.twitter.com/ioZikOPLZU
— WE News (@WENewsPk) June 2, 2026
انہوں نے دعویٰ کیا کہ بعض حکمران عناصر اس پروگرام کو ختم کرنا چاہتے ہیں، تاہم پیپلز پارٹی اسے بچانے کے لیے ہر ممکن اقدام کرے گی اور آئندہ بجٹ میں اس کے فنڈز میں اضافے کے لیے وزیراعظم سے بات کی جائے گی۔
بلاول بھٹو زرداری نے کہا کہ پاکستان کو ایٹمی طاقت بنانے کی بنیاد شہید ذوالفقار علی بھٹو نے رکھی جبکہ میزائل ٹیکنالوجی کے فروغ میں شہید محترمہ بینظیر بھٹو کا کردار نمایاں رہا۔
انہوں نے کہا کہ ماضی میں گلگت بلتستان کو شمالی علاقہ جات کہا جاتا تھا لیکن اس خطے کو موجودہ شناخت صدر آصف علی زرداری نے دی۔ ذوالفقار علی بھٹو نے بلتستان کی سرزمین سے پاکستان کو ایٹمی قوت بنانے کا اعلان کیا تھا۔
انہوں نے کہاکہ اگر 18ویں آئینی ترمیم کے تحت صوبوں کو دیے گئے اختیارات گلگت بلتستان کو بھی منتقل کر دیے جائیں تو خطے کے متعدد مسائل حل ہو سکتے ہیں۔
بلاول بھٹو نے کہاکہ حق حاکمیت کے بعد عوام کو حق ملکیت بھی ملنا چاہیے اور اسلام آباد کو تسلیم کرنا ہوگا کہ گلگت بلتستان کے وسائل پر سب سے پہلا حق مقامی آبادی کا ہے۔
انہوں نے کہا کہ جب تک اس حقیقت کو تسلیم نہیں کیا جاتا، نہ گلگت بلتستان اور نہ ہی پاکستان حقیقی ترقی کر سکتا ہے۔
پیپلز پارٹی کے چیئرمین نے سندھ حکومت کی کارکردگی کا حوالہ دیتے ہوئے کہا کہ سیلاب سے متاثرہ خاندانوں کو گھر فراہم کیے گئے اور یہی عوامی خدمت پیپلز پارٹی کی سیاست کا بنیادی محور ہے۔
ان کے مطابق پارٹی ہمیشہ عام آدمی، مزدور اور محروم طبقات کے حقوق کی سیاست کرتی آئی ہے۔
انہوں نے کہا کہ صدر آصف علی زرداری نے روٹی، کپڑا اور مکان کے نعرے کو بینظیر کارڈ کے ذریعے عملی شکل دی، جبکہ بینظیر انکم سپورٹ پروگرام کو دنیا کے کئی ممالک نے قابل تقلید ماڈل قرار دیا۔
بلاول بھٹو زرداری نے کہا کہ مسلم دنیا میں ایٹمی صلاحیت رکھنے والا واحد ملک پاکستان ہے اور اس صلاحیت کا سہرا شہید ذوالفقار علی بھٹو کے سر جاتا ہے۔
انہوں نے کہاکہ آج بھی گڑھی خدا بخش سے پاکستان کے دفاع کی روایت جڑی ہوئی ہے۔ جنرل مشرف کے دور میں غیر ملکی ممالک کو پاکستان میں اڈے حاصل تھے، تاہم سلالہ واقعے کے بعد صدر آصف علی زرداری نے ان اڈوں کو بند کروا دیا۔
انہوں نے سی پیک کے تحت تھرکول منصوبے کو سب سے کامیاب منصوبہ قرار دیتے ہوئے کہا کہ وہاں 80 فیصد ملازمتیں مقامی افراد کو فراہم کی گئیں۔
ان کا کہنا تھا کہ پیپلز پارٹی کی کوشش ہوتی ہے کہ زیادہ سے زیادہ روزگار کے مواقع پیدا کیے جائیں، جبکہ دیگر سیاسی قوتیں لوگوں کو بے روزگار کرنے کی پالیسی اپناتی ہیں۔
انہوں نے کہا کہ ان کی جماعت غریب نوجوانوں کو روزگار فراہم کرکے معاشی طور پر مضبوط بنانا چاہتی ہے۔
مزید پڑھیں: کسی بھی نئی آئینی ترمیم میں گلگت بلتستان کے عوامی حقوق کا تحفظ یقینی بنانا چاہیے، بلاول بھٹو
چیئرمین پیپلز پارٹی نے سندھ میں سیلاب کے بعد بحالی کے اقدامات کا ذکر کرتے ہوئے کہا کہ ایسا محسوس ہوتا تھا جیسے پورا صوبہ پانی میں ڈوب گیا ہو، تاہم حکومت 20 لاکھ متاثرہ گھروں کی تعمیر کر رہی ہے اور اتنے ہی خاندانوں کو مالکانہ حقوق کے ساتھ رہائش فراہم کی جا رہی ہے۔
بلاول بھٹو نے کہاکہ فیصلہ کیا گیا تھا کہ سڑکوں کی تعمیر سے پہلے متاثرین کو گھر دیے جائیں۔ اس منصوبے کے نتیجے میں قریباً 10 لاکھ افراد کو روزگار ملا۔
انہوں نے گلگت بلتستان کے عوام سے اپیل کی کہ 7 جون کو تیر کے انتخابی نشان پر مہر لگائیں، پیپلز پارٹی یہاں بھی سندھ طرز کے عوامی فلاحی منصوبے متعارف کرائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلاول بھٹو چیئرمین پیپلز پارٹی گلگت بلتستان الیکشن وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے