کراچی ایئرپورٹ پر کارروائی، مسافر سے زیورات سمیت 5.8 کروڑ روپے کا سامان برآمد
اشاعت کی تاریخ: 30th, January 2026 GMT
جسمانی تلاشی اور سامان کی تلاشی کے دوران سونے کے زیورات اور کمرشل مقدار میں کاسمیٹکس، پرفیومز اور ہینڈ بیگز برآمد ہوئے۔ اسلام ٹائمز۔ کسٹمز نے کراچی ایئرپورٹ پر کارروائی کرتے ہوئے سونے کے زیورات، کاسمیٹکس، پرفیومز اور ہینڈ بیگز پر مشتمل 5 کروڑ 80 لاکھ روپے کا سامان ضبط کرکے ایف آئی آر درج کرلی۔ ایف بی آر کے مطابق جناح انٹرنیشنل ایئرپورٹ کراچی پر پاکستان کسٹمز کی جانب سے 1185 گرام سونے کے زیورات اور کمرشل مقدار میں کاسمیٹکس، پرفیومز اور ہینڈ بیگز کی برآمد کرکے تحویل میں کرلیے گئے۔ ایف بی آر حکام کا کہنا ہے کہ گزشتہ روز معمول کی ڈیوٹی کے دوران پاکستان کسٹمز کے اسپیشل پروفائلنگ سیل (ایس پی ایس) نے پروفائلنگ اور شبہ کی بنیاد پر امریکا سے اتحاد ایئرلائن کے ذریعے آنے والے ایک مسافر کو گرین چینل سے ریڈ چینل کی جانب منتقل کیا۔
اسکیننگ مشین کے ذریعے مسافر کے سامان میں کمرشل مقدار میں کاسمیٹکس، پرفیومز، بیگز اور سونے کے زیورات کی موجودگی ظاہر ہوئی، مسافر کو جانچ کے کاوٴنٹر پر منتقل کیا گیا، جہاں اس کی جسمانی تلاشی اور سامان کی تلاشی کے دوران سونے کے زیورات اور کمرشل مقدار میں کاسمیٹکس، پرفیومز اور ہینڈ بیگز برآمد ہوئے۔ سونے کے زیورات کی جانچ اور قیمت کے تعین کیلئے جیولر کو طلب کیا گیا، جس نے سونے کے زیورات کی تصدیق کی اور ان کا وزن تقریباً 1185 گرام بتایا، برآمد شدہ سامان کو تحویل میں کر لیا گیا اور کسٹمز ایکٹ 1969ء کی متعلقہ دفعات کے تحت ایف آئی آر درج کر لی گئی ہے۔ برآمد شدہ سامان کی مجموعی مالیت تقریباً 58 ملین پاکستانی روپے ہے۔
ذریعہ
ذریعہ: Islam Times
کلیدی لفظ: کمرشل مقدار میں کاسمیٹکس سونے کے زیورات
پڑھیں:
چیزیئس سے 40 لاکھ روپے کی ریکوری، فروخت کے اعداد و شمار میں فرق سامنے آگیا
اسلام آباد: چیزیئس ٹیکس ریکوری کا معاملہ اس وقت توجہ کا مرکز بن گیا ہے جب ریجنل ٹیکس آفس (آر ٹی او) ساہیوال نے ایک کارروائی کے دوران معروف فوڈ چین سے 40 لاکھ روپے قومی خزانے میں جمع کروائے۔
محکمہ ریونیو کی جانب سے جاری کردہ تفصیلات کے مطابق کارروائی انکم ٹیکس آرڈیننس 2001 کی دفعہ 175 سی کے تحت کی گئی۔ حکام کا کہنا ہے کہ نگرانی کے دوران کمپنی کی جانب سے ظاہر کردہ فروخت اور زمینی حقائق میں نمایاں فرق سامنے آیا تھا جس کے بعد تحقیقات کا آغاز کیا گیا۔
ذرائع کے مطابق آر ٹی او ساہیوال کی خصوصی ٹیم نے کاروباری مقام پر فروخت کی سرگرمیوں کا جائزہ لیا۔ اس دوران حاصل ہونے والے اعداد و شمار سے معلوم ہوا کہ ریکارڈ میں درج فروخت اور حقیقی کاروباری حجم میں فرق موجود ہے۔
ابتدائی جانچ مکمل ہونے کے بعد متعلقہ ادارے نے قانونی کارروائی شروع کی اور کمپنی کو واجب الادا رقم جمع کرانے کی ہدایت کی گئی۔ بعد ازاں 40 لاکھ روپے کی رقم قومی خزانے میں جمع کرا دی گئی۔
ماہرین کے مطابق اس نوعیت کی کارروائیاں ٹیکس نظام میں شفافیت بڑھانے اور کاروباری اداروں کو درست مالی ریکارڈ برقرار رکھنے کی ترغیب دیتی ہیں۔ ان کا کہنا ہے کہ ٹیکس قوانین پر عمل درآمد سے نہ صرف سرکاری آمدنی میں اضافہ ہوتا ہے بلکہ معیشت کی دستاویزی شکل کو بھی فروغ ملتا ہے۔
حکام نے واضح کیا ہے کہ چیزیئس ٹیکس ریکوری سمیت تمام ایسے معاملات میں قانون کے مطابق کارروائی جاری رکھی جائے گی تاکہ ٹیکس نظام کو مزید مؤثر بنایا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ