پی ٹی آئی کے سیکریٹری اطلاعات کا مبینہ آڈیو لیک، دھرنے میں ناکامی کا ذمہ دار سُہیل آفریدی قرار
اشاعت کی تاریخ: 30th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد :تحریک انصاف (پی ٹی آئی) کے سیکرٹری اطلاعات شیخ وقاص اکرم کا ایک مبینہ آڈیو میسج سوشل میڈیا پر لیک ہو گیا ہے، جس میں انہوں نے گزشتہ روز کے دھرنے میں پارٹی کے ارکانِ پارلیمنٹ کی کم شرکت کا ذمہ دار وزیراعلیٰ خیبرپختونخوا سہیل آفریدی کو قرار دیا ہے۔ اس مبینہ آڈیو سے پارٹی کے اندرونی اختلافات ایک بار پھر منظرعام پرآگئے ہیں۔
شیخ وقاص اکرم نے مزید کہا کہ اگر وزیراعلیٰ خیبرپختونخوا نے دھرنا دینا ہی تھا تو کم از کم اپنے صوبے کے 90 ارکانِ صوبائی اسمبلی کو ساتھ لے کر آتے، کیونکہ وہ جغرافیائی طور پر قریب تھے اور ان کی شرکت ممکن تھی، آڈیو میں یہ بھی کہا گیا کہ خیبرپختونخوا ہاؤس میں ہونے والی میٹنگ میں اسد قیصر اور جنید اکبر بھی موجود تھے، اس موقع پر ہی دھرنے کا واضح اعلان ہونا چاہیے تھا۔
لیک ہونے والے مبینہ آڈیو میسج میں شیخ وقاص اکرم کہتے سنے جا سکتے ہیں کہ وزیراعلیٰ سہیل آفریدی نے اڈیالہ جیل جاتے ہوئے یہ ہدایت دی کہ ورکرز کے بجائے قومی اور صوبائی اسمبلی کے ارکان کو دھرنے کے لیے بلایا جائے، سہیل آفریدی کا اس حوالے سے ایک ویڈیو کلپ بھی موجود ہے جو سوشل میڈیا پر شیئر کیا گیا ہے۔
مبینہ آڈیو کے مطابق شیخ وقاص اکرم نے کہا کہ منگل کے روز پنجاب سے کچھ ارکانِ اسمبلی آئے لیکن بعد میں واپس اپنے حلقوں میں چلے گئے، خیبرپختونخوا ہاؤس میں ایک رات قبل ایک اہم میٹنگ ہوئی تھی، جس میں اگر واضح طور پر بتایا جاتا کہ اڈیالہ میں دھرنا دیا جائے گا تو ارکان بہتر تیاری کے ساتھ پہنچ سکتے تھے۔
شیخ وقاص اکرم نے آڈیو میں شکوہ کیا کہ کسی بھی رکنِ اسمبلی کے پاس ہیلی کاپٹر یا جہاز نہیں ہوتا کہ وہ اچانک اطلاع پر فوری طور پر پہنچ جائے،جو ارکان قریب تھے وہ موقع پر پہنچ گئے، جبکہ سپریم کورٹ کے باہر آج خاصی تعداد میں لوگ اور ارکان موجود تھے، تاہم دھرنے میں کمی کی ذمہ داری عام ارکان پر عائد نہیں کی جا سکتی۔
مبینہ آڈیو میں انہوں نے کہا کہ اصل قصور ان لوگوں کا ہے جنہوں نے دھرنے کی منصوبہ بندی کی۔ اگر کوئی رکن دس گھنٹے کے سفر پر ہو اور اسے رات کے وقت اچانک کہا جائے کہ فوراً پہنچیں، تو یہ عملی طور پر ممکن نہیں۔ انہوں نے اسے ناقص منصوبہ بندی قرار دیا۔
ذرائع کا کہنا ہے کہ اس آڈیو لیک کے بعد پارٹی کے اندرونی معاملات اور قیادت کے درمیان اختلافات مزید گہرے ہونے کا امکان ہے جبکہ آنے والے دنوں میں اس معاملے پر پی ٹی آئی کی اعلیٰ قیادت کا مؤقف اہم قرار دیا جا رہا ہے۔
ذریعہ
ذریعہ: Jasarat News
کلیدی لفظ: شیخ وقاص اکرم مبینہ آڈیو
پڑھیں:
سہیل آفریدی کا 10 جون کو قومی اسمبلی کے سامنے دھرنا دینے اور بجٹ کی منظوری روکنے کا اعلان
(ڈیلی پاکستان آن لائن)وزیراعلیٰ خیبرپختونخوا سہیل آفریدی کا کہنا ہے کہ اگر اس مرتبہ بھی انہیں دیوار سے لگانے کی کوشش کی گئی تو 10 جون کو ملک بھر سے پارلیمنٹیرین اسلام آباد پہنچ کر قومی اسمبلی کے سامنے دھرنا دیں گے اور وفاقی بجٹ پاس نہیں ہونے دیں گے۔اڈیالہ روڈ سے روانگی سے قبل میڈیا سے گفتگو میں سہیل آفریدی کا مزید کہنا تھا کہ خیبرپختونخوا حکومت بانی پی ٹی آئی کی جماعت کی حکومت ہے اور صوبے کے عوام نے بانی پی ٹی آئی کو ووٹ دیا ہے، اس لیے عوام کی خواہش ہے کہ صوبائی بجٹ ان کی ہدایات اور ترجیحات کے مطابق مرتب کیا جائے۔انہوں نے کہا کہ وہ چاہتے ہیں کہ بجٹ کے حوالے سے بانی پی ٹی آئی سے ملاقات کر کے ان کی منظوری حاصل کی جائے۔
وزیر داخلہ محسن نقوی سے گورنر خیبرپختونخوا فیصل کریم کنڈی کی ملاقات، امن عامہ کی صورتحال اور اہم امور پر تبادلۂ خیال
سہیل آفریدی نے اعلان کیا کہ وہ کل اسلام آباد ہائیکورٹ میں ایک درخواست دائر کریں گے اور امید ہے کہ اس مرتبہ ملاقات کی اجازت مل جائے گی۔ انہوں نے الزام عائد کیا کہ آج بھی بانی پی ٹی آئی کے اہل خانہ کو ملاقات کی اجازت نہیں دی گئی۔وزیراعلیٰ خیبرپختونخوا نے کہا کہ بانی پی ٹی آئی نے کوئی جرم نہیں کیا بلکہ انہیں ناحق قید رکھا گیا ہے۔ ان کے بقول پنجاب حکومت اور جیل انتظامیہ کی غفلت کے باعث بانی پی ٹی آئی کی آنکھ میں مسئلہ پیدا ہوا جبکہ عوام میں اس بات پر تشویش پائی جاتی ہے کہ ملاقاتوں پر پابندی کیوں عائد کی جا رہی۔
مایوسی کا دور ختم ، ہم ایک ماہ میں پوسٹ حج آپریشن کامیابی سے مکمل کریں گے: کنٹری منیجر ظہیرالدین آغا
سہیل آفریدی نے کہا کہ خیبرپختونخوا کے عوام نے بانی پی ٹی آئی کو مینڈیٹ دیا ہے اور صرف وہی وزیراعلیٰ کو تبدیل کرنے کا اختیار رکھتے ہیں۔ انہوں نے بتایا کہ وفاقی وزیر داخلہ محسن نقوی سے ان کی ملاقات بیرسٹر گوہر کی درخواست پر ہوئی تھی، علاقائی صورتحال پر گفتگو کرتے ہوئے انہوں نے کہا کہ افغانستان پاکستان کا برادر اسلامی ملک ہے اور کسی کی خوشنودی کے لیے دونوں ممالک کے تعلقات خراب نہیں ہونے چاہئیں۔
ان کا کہنا تھا کہ بانی پی ٹی آئی ہمیشہ یہ مؤقف رکھتے ہیں کہ جنگ کسی مسئلے کا حل نہیں اور پاکستان کو خطے میں ثالثی کا کردار ادا کرنا چاہیے، خیبرپختونخوا کے آئندہ بجٹ میں سماجی بہبود، تعلیم اور صحت کے شعبوں کو ترجیح دی گئی ہے۔کرپشن کے الزامات کے حوالے سے وزیراعلیٰ نے کہا کہ ان کے دفتر کے دروازے سب کے لیے کھلے ہیں اور اگر کسی کے پاس کرپشن کے ثبوت ہیں تو وہ سامنے لائے۔
بری طرح تھکا ہوا تھا، خستہ حال بے خوابی سے بوجھل سوجی آنکھوں میں نیند کی شدت کا درد، آتے ہی چارپائی پر ایسا گرا کہ شام تک ہوش ہی نہیں آیا
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے