عمران خان بالکل ٹھیک ہیں، غیر ضروری پریس کانفرنس کی ضرورت نہیں: طلال چوہدری
اشاعت کی تاریخ: 30th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد :وزیرِ مملکت برائے داخلہ طلال چوہدری نے کہا ہے کہ بانی تحریک انصاف (پی ٹی آئی) عمران خان صحت مند ہیں اور ان کی طبی حالت بالکل تسلی بخش ہے، اس معاملے پر غیر ضروری پریس ریلیز یا پریس کانفرنس کرنے کی کوئی ضرورت نہیں، حکومت اپنی آئینی اور قانونی ذمہ داری کے تحت تمام قیدیوں کی صحت اور بنیادی حقوق کا خیال رکھ رہی ہے۔
نجی چینل کے پروگرام میں گفتگو کرتے ہوئے طلال چوہدری نے کہا کہ بانی پی ٹی آئی کو جیل کے قریب واقع اسپتال لے جایا گیا جہاں ان کا مکمل طبی معائنہ کیا گیا، عمران خان کو جیل میں تمام بنیادی سہولتیں فراہم کی جا رہی ہیں جن میں باورچی، خدمت گزار اور ورزش کے لیے مشینیں بھی شامل ہیں، یہ سہولتیں قانون کے مطابق دی گئی ہیں اور کسی قیدی کے ساتھ امتیازی سلوک نہیں کیا جا رہا۔
وزیرِ مملکت نے واضح کیا کہ حکومت کی ذمہ داری ہے کہ وہ قیدیوں کی صحت، سکیورٹی اور حقوق کا تحفظ کرے، ہر معاملے پر میڈیا کے سامنے آنا یا پریس کانفرنس کرنا ضروری نہیں ہوتا، جب کسی بات کی تصدیق کی ضرورت پڑتی ہے تو حکومت ذمہ داری کے ساتھ اپنا مؤقف پیش کرتی ہے۔
طلال چوہدری نے کہا کہ بانی پی ٹی آئی سزا یافتہ قیدی ہیں، اس لیے ان کی سکیورٹی ایک سنجیدہ معاملہ ہے، حکومت نہیں چاہتی کہ اڈیالہ جیل کے باہر کسی قسم کی ہنگامہ آرائی یا امن و امان کی صورتحال پیدا ہو، اسی لیے ملاقاتوں اور نقل و حرکت کے معاملات میں احتیاط برتی جاتی ہے۔
انہوں نے بانی پی ٹی آئی کی فیملی پر تنقید کرتے ہوئے کہا کہ ان کی دلچسپی صحت سے زیادہ سیاست میں نظر آتی ہے، بانی پی ٹی آئی کی فیملی ملاقاتوں کو سیاسی فوائد کے لیے استعمال کرتی ہے اور اس معاملے کو غیر ضروری طور پر متنازع بنایا جا رہا ہے۔
وزیرِ مملکت کا کہنا تھا کہ حکومت قانون کے مطابق کام کر رہی ہے اور کسی دباؤ یا سیاسی مہم کا حصہ بننے کے بجائے ریاستی ذمہ داریوں کو ترجیح دی جا رہی ہے، عمران خان کی صحت سے متعلق غلط فہمیوں اور افواہوں کو پھیلانے کے بجائے حقائق کو مدنظر رکھنا چاہیے۔
ذریعہ
ذریعہ: Jasarat News
کلیدی لفظ: بانی پی ٹی آئی طلال چوہدری
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا