سانحہ گل پلازہ کی تحقیقات غیر جانبدارہونی چاہیے، حیدر عباس رضوی
اشاعت کی تاریخ: 30th, January 2026 GMT
میڈیا سے گفتگو کرتے ہوئے ایم کیو ایم پاکستان کے سینئر رہنما نے کہا کہ گل پلازہ کے متاثرین کے حقوق کی بحالی اور انصاف کے حصول کیلئے ہمارا مؤقف واضح اور عملی اقدامات پر مبنی ہے اور سیاسی محاذ آرائی سے تعلق نہیں۔ اسلام ٹائمز۔ ایم کیو ایم پاکستان کے سینئر رہنما سید حیدر عباس رضوی نے کہا ہے کہ سانحہ گل پلازہ کی تحقیقات غیرجانبدار ہونی چاہیے، پاکستان کمیشن انکوئری کے تحت وفاق کی سطح پر تحقیقات کرائی جائے۔ کراچی میں میڈیا سے گفتگو کرتے ہوئے حیدر عباس رضوی نے کہا کہ سانحہ گل پلازہ کی تحقیقات جوڈیشل کمیشن یا جوڈیشل انکوائری تک محدود نہیں ہونی چاہیے، بلکہ وفاقی سطح پر شفاف اور غیر جانبدار انکوائری ضروری ہے۔ انہوں نے کہا کہ وزارت داخلہ سندھ نے چیف جسٹس سندھ ہائیکورٹ کو خط لکھا ہے، جس میں سنگل جج کی انکوائری کی تجویز شامل ہے، تاہم ایم کیوایم کا مؤقف ہے کہ اس معاملے میں ہر پہلو پر نظر رکھنا ضروری ہے، تاکہ سیاسی عنصر تحقیقات میں دخل نہ دے۔ حیدر عباس رضوی نے کہا کہ ایم کیو ایم کے قانونی ماہرین مشاورت کے بعد ہر معاملے کا جواب دیں گے۔ انہوں نے کہا کہ گل پلازہ کے متاثرین کے حقوق کی بحالی اور انصاف کے حصول کیلئے ایم کیو ایم کا مؤقف واضح اور عملی اقدامات پر مبنی ہے اور سیاسی محاذ آرائی سے تعلق نہیں۔
.
ذریعہ
ذریعہ: Islam Times
کلیدی لفظ: حیدر عباس رضوی ایم کیو ایم نے کہا کہ گل پلازہ
پڑھیں:
بلوچستان میں پیش آنیوالے پے درپے دہشتگردی کے واقعات افسوسناک ہیں، علامہ مقصود ڈومکی
اپنے بیان میں ایم ڈبلیو ایم رہنماء علامہ مقصود ڈومکی نے کہا کہ بلوچستان کا مسئلہ بنیادی طور پر ایک سیاسی مسئلہ ہے، جسکا حل طاقت، آپریشن اور جبر نہیں بلکہ بامعنی سیاسی مذاکرات، آئینی حقوق کی فراہمی، عوامی مینڈیٹ کے احترام اور عوام کے اعتماد کی بحالی میں مضمر ہے۔ اسلام ٹائمز۔ مجلس وحدت مسلمین پاکستان صوبہ سندھ کے صوبائی صدر علامہ مقصود علی ڈومکی نے ببرلو بائی پاس پر پریا کماری سمیت لاپتا و مغوی بچوں کی بازیابی کے لئے جاری پرامن دھرنے پر پولیس کے کریک ڈاؤن، خواتین پر تشدد، ان کی بے حرمتی، بزرگ رہنماء لیاقت جلبانی، سوہنی پارس، صحافی ساحل جوگی اور متعدد مظاہرین کی گرفتاری کی شدید الفاظ میں مذمت کرتے ہوئے کہا ہے کہ اپنے بچوں کی بازیابی کے لئے سراپا احتجاج مظلوم والدین، خصوصاً ماؤں پر طاقت کا استعمال انتہائی افسوسناک، غیر انسانی اور قابل مذمت ہے۔ انہوں نے کہا کہ حکومت سندھ احتجاج کرنے والے مظلوم خاندانوں پر تشدد کرنے کے بجائے پریا کماری سمیت تمام مغوی بچوں اور بچیوں کی فوری اور محفوظ بازیابی کو یقینی بنائے، گرفتار افراد کو فوری رہا کرے اور صحافیوں کے آئینی و قانونی حقوق کا احترام کرے۔ انہوں نے کہا کہ پرامن احتجاج ہر شہری کا آئینی حق ہے اور اس حق کو طاقت کے ذریعے سلب نہیں کیا جا سکتا۔
علامہ مقصود ڈومکی نے بلوچستان کے ضلع مستونگ میں دہشت گردی کے افسوسناک واقعے کی بھی شدید مذمت کرتے ہوئے سیشن جج عبدالحکیم کاکڑ اور ان کے پولیس محافظ کی شہادت پر گہرے رنج و غم کا اظہار کیا اور زخمی جج طارق علی لاشاری کی جلد و مکمل صحت یابی کے لئے دعا کی۔ انہوں نے کہا کہ گزشتہ کئی دہائیوں سے بلوچستان میں پیش آنے والے پے درپے دہشت گردی کے واقعات افسوسناک ہیں، اس ہفتے ژوب سے سفر کرنے والے خاندان پر حملہ، کوئٹہ سے کراچی جانے والی مسافر کوچ کا المناک سانحہ اور مستونگ میں سیشن جج عبدالحکیم کاکڑ کی شہادت شامل ہیں، صوبے میں امن و امان کی انتہائی تشویشناک صورتحال کی عکاسی کرتے ہیں۔
علامہ مقصود علی ڈومکی نے کہا کہ بلوچستان کا مسئلہ بنیادی طور پر ایک سیاسی مسئلہ ہے، جس کا حل طاقت، آپریشن اور جبر نہیں بلکہ بامعنی سیاسی مذاکرات، آئینی حقوق کی فراہمی، عوامی مینڈیٹ کے احترام اور عوام کے اعتماد کی بحالی میں مضمر ہے۔ گزشتہ کئی دہائیوں کے آپریشنز سے نہ امن قائم ہوا، نہ دہشت گردی ختم ہوئی اور نہ ہی مسائل کا مستقل حل نکلا، لہٰذا اب وقت آ گیا ہے کہ حکومت طاقت کی پالیسی ترک کرکے سیاسی مکالمے، مفاہمت اور سنجیدہ مذاکرات کا راستہ اختیار کرے۔ انہوں نے مطالبہ کیا کہ پاکستان کے عوام کے حقیقی منتخب نمائندوں کو ان کا آئینی و جمہوری حق دیا جائے، عوامی مینڈیٹ کا احترام کیا جائے اور تمام سیاسی و سماجی اسٹیک ہولڈرز کے ساتھ نتیجہ خیز مذاکرات کئے جائیں۔ انہوں نے کہا کہ انصاف، سیاسی شمولیت اور عوام کے اعتماد کی بحالی ہی بلوچستان میں پائیدار امن کی ضمانت ہے، جبکہ دہشت گردی کے واقعات کی روک تھام کے لئے شہریوں کے جان و مال کا تحفظ ریاست کی اولین ذمہ داری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار