آبنائے ہرمز میں ایرانی فوجی مشقیں، غیر محفوظ اقدام ناقابلِ برداشت ہوگا: امریکی سینٹکام کی وارننگ
اشاعت کی تاریخ: 31st, January 2026 GMT
امریکی سینٹرل کمانڈ (سینٹکام) نے ایرانی پاسدارانِ انقلاب کو سخت وارننگ جاری کرتے ہوئے کہا ہے کہ آبنائے ہرمز میں مجوزہ بحری مشقوں کے دوران کسی بھی قسم کی اشتعال انگیزی یا غیر محفوظ اقدام ناقابلِ برداشت ہوگا۔ سینٹکام کے مطابق خطے میں کشیدگی بڑھانے والی کسی بھی سرگرمی کا سخت جواب دیا جا سکتا ہے۔
سینٹکام کا کہنا ہے کہ پاسدارانِ انقلاب کو اپنی بحری مشقیں مکمل طور پر پیشہ ورانہ انداز میں، بین الاقوامی قوانین کے مطابق اور عالمی بحری ٹریفک کی آزادی کو مدنظر رکھتے ہوئے انجام دینی چاہئیں۔ بیان میں واضح کیا گیا ہے کہ اگر ایرانی فورسز کی جانب سے غیر محفوظ مشقیں، بے ضابطہ کارروائیاں یا امریکی طیارہ بردار جہازوں کے قریب خطرناک آپریشنز کیے گئے تو امریکی فوج اسے ہرگز برداشت نہیں کرے گی۔
امریکی سینٹرل کمانڈ نے دو ٹوک انداز میں کہا کہ امریکی فوج اپنے اہلکاروں، بحری جہازوں اور طیاروں کی سلامتی کو یقینی بنائے گی اور کسی بھی خطرناک یا اشتعال انگیز عمل کی صورت میں فوری اور سخت ردعمل دیا جا سکتا ہے۔
یہ انتباہ ایسے وقت سامنے آیا ہے جب ایران نے آبنائے ہرمز میں فوجی بحری مشقوں کے انعقاد کا اعلان کیا ہے۔ آبنائے ہرمز دنیا کے اہم ترین بین الاقوامی تجارتی راستوں میں شمار ہوتی ہے، جہاں سے روزانہ تقریباً 100 سے زائد تجارتی جہاز گزرتے ہیں اور عالمی توانائی کی ترسیل کا بڑا حصہ اسی راستے سے ہوتا ہے۔
سینٹکام نے خبردار کیا ہے کہ کسی بھی غیر محفوظ یا اشتعال انگیز اقدام سے نہ صرف خطے میں کشیدگی بڑھے گی بلکہ براہِ راست تصادم کا خطرہ بھی پیدا ہو سکتا ہے، جس کے نتائج پورے خطے اور عالمی تجارت پر اثر انداز ہو سکتے ہیں۔
ذریعہ
ذریعہ: Daily Mumtaz
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان