ہانیہ عامر کے ’ڈمپلز‘ قدرتی یا سرجری؟ کزن نے حقیقت بتادی
اشاعت کی تاریخ: 31st, January 2026 GMT
پاکستان کی معروف اداکارہ اور ماڈل ہانیہ عامر کی سرجری اور ڈمپلز سوشل میڈیا پر موضوعِ گفتگو ہیں۔
مختلف آن لائن پلیٹ فارمز پر یہ سوال اٹھایا جا رہا تھا کہ ہانیہ عامر کی خوبصورتی قدرتی ہے یا کسی طبی عمل کا نتیجہ، جس کے باعث مداحوں کے درمیان خاصی بحث چھڑ گئی۔
چند ماہ قبل ایک ڈرماٹولوجسٹ ڈاکٹر اریج خالد کی جانب سے یہ دعویٰ سامنے آیا تھا کہ ہانیہ عامر نے ڈمپل پلاسٹی کروائی ہے، جس کے بعد یہ معاملہ مزید توجہ کا مرکز بن گیا۔ اب اس موضوع پر ہانیہ کی کزن ہونے کا دعویٰ کرنے والی نورین شاد نے فیس بک پر ایک مفصل وضاحتی پوسٹ شیئر کرتے ہوئے ان تمام قیاس آرائیوں کو رد کردیا ہے۔
نورین شاد کا کہنا ہے کہ ہانیہ عامر کے ڈمپلز اور گوری رنگت مکمل طور پر فطری ہے اور ان کا کسی بھی قسم کی سرجری یا کاسمیٹک طریقۂ علاج سے کوئی تعلق نہیں۔
انہوں نے اپنی پوسٹ کے ساتھ ہانیہ کے اسکول، کالج اور یونیورسٹی کے دور کی تصاویر بھی شامل کیں اور لکھا کہ اداکارہ بچپن سے ہی اسی انداز کی شخصیت رکھتی تھیں، جبکہ ان کا ’بے بی فیس‘ ہونا بھی قدرتی امر ہے۔
نورین کے مطابق ہانیہ نے 18 برس کی عمر میں فلم جانان کے ذریعے شوبز میں قدم رکھا، اس دوران وہ فاسٹ یونیورسٹی میں بی بی اے کی طالبہ تھیں۔
کزن نے مزید وضاحت کرتے ہوئے کہا کہ گزشتہ دس برسوں میں عمر کے ساتھ ہانیہ کے خدوخال زیادہ نمایاں ہوئے، جسے بعض لوگ غلط فہمی میں کاسمیٹک سرجری سے جوڑ رہے ہیں۔ انہوں نے یہ بھی تردید کی کہ اداکارہ کبھی فیشن ڈیزائنر رہیں یا ان کی پیدائش راولپنڈی میں ہوئی ہو، اور واضح کیا کہ ہانیہ کراچی میں پیدا ہوئیں۔
نورین شاد نے ہانیہ عامر کی ذاتی زندگی سے متعلق پھیلنے والی افواہوں کا بھی ذکر کیا اور کہا کہ تاحال خاندان کی جانب سے شادی سے متعلق کوئی فیصلہ نہیں ہوا۔ آخر میں انہوں نے مداحوں اور سوشل میڈیا صارفین سے اپیل کی کہ بغیر تصدیق کسی بھی قسم کی خبر یا دعویٰ آگے نہ بڑھائیں تاکہ غلط معلومات کے پھیلاؤ کو روکا جا سکے۔
TagsShowbiz News Urdu.
ذریعہ
ذریعہ: Al Qamar Online
کلیدی لفظ: پاکستان کھیل ہانیہ عامر کہ ہانیہ
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار