بلوچستان میں فتنہ الہندوستان کے حملے ناکام، وزیراعظم کا سیکیورٹی فورسز کو خراجِ تحسین
اشاعت کی تاریخ: 31st, January 2026 GMT
وزیراعظم محمد شہباز شریف نے فتنہ الہندوستان کی جانب سے بلوچستان کے امن کو نشانہ بنانے کی مذموم کوششوں کو ناکام بنانے اور دشمن کے عزائم خاک میں ملانے پر سیکیورٹی فورسز کے افسران و جوانوں کی پذیرائی ہے۔
وزیراعظم نے کوئٹہ، نوشکی، دالبندین، پسنی اور گوادر سمیت 12 مقامات پر فتنہ الہندوستان کے منظم دہشتگرد حملوں کو ناکام بنانے اور 37 دہشتگردوں کو جہنم رسید کرنے پر سیکیورٹی فورسز کے افسران اور اہلکاروں کی اعلیٰ پیشہ ورانہ صلاحیتوں کو سراہا۔
مزید پڑھیں: بلوچستان: سیکیورٹی فورسز کی موثر کارروائی، بھارتی حمایت یافتہ دہشتگردوں کے حملے ناکام، 88 خارجی ہلاک، 10 اہلکار شہید
وزیراعظم نے گزشتہ 48 گھنٹوں کے دوران مختلف آپریشنز میں بھارتی پشت پناہی میں سرگرم 88 سرکردہ دہشتگردوں کے خاتمے پر ارضِ وطن کے محافظوں کو خراجِ تحسین پیش کیا۔
وزیراعظم نے آپریشنز کے دوران وطنِ عزیز کی حفاظت کو اپنی جان پر فوقیت دیتے ہوئے جامِ شہادت نوش کرنے والے 10 فرض شناس سیکیورٹی اہلکاروں کو خراجِ عقیدت پیش کیا۔ شہدا کے درجات کی بلندی اور ان کے اہلِ خانہ کے لیے صبرِ جمیل کی دعا کی۔
مزید پڑھیں: بلوچستان: سیکیورٹی فورسز کی کارروائی، بھارتی حمایت یافتہ دہشتگردوں کو بھاری نقصان اور ناکامی
وزیراعظم نے کہا کہ مجھ سمیت پوری قوم کو اپنے شہدا پر فخر ہے۔ انہوں نے کہا کہ سیکیورٹی فورسز کے افسران اور جوان اپنی جان کی پرواہ کیے بغیر ارضِ وطن کی حفاظت میں مصروفِ عمل ہیں۔
وزیراعظم نے اس عزم کا اعادہ کیا کہ دہشتگردی کے عفریت کے مکمل خاتمے تک اس کے خلاف جنگ جاری رکھی جائے گی۔ ارضِ وطن کے دفاع کے غیر متزلزل عزم میں مجھ سمیت پوری قوم افواجِ پاکستان کے شانہ بشانہ کھڑی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان سیکیورٹی فورسز کو خراجِ تحسین فتنہ الہندوستان وزیراعظم محمد شہباز شریف.
ذریعہ
ذریعہ: WE News
کلیدی لفظ: بلوچستان سیکیورٹی فورسز کو خراج تحسین فتنہ الہندوستان وزیراعظم محمد شہباز شریف فتنہ الہندوستان سیکیورٹی فورسز کو خراج
پڑھیں:
جعلی دستاویزات پر بیرون ملک جانے کی کوشش ناکام، 2 خواتین آف لوڈ، ایجنٹس گرفتار
فیڈرل انویسٹی گیشن ایجنسی (ایف آئی اے) ملتان زون نے جعلی دستاویزات پر بیرون ملک جانے کی کوشش ناکام بنادی۔
ایف آئی اے ملتان زون کے مطابق 2 خواتین کو آف لوڈ کرکے 2 ایجنٹوں کو گرفتار کرلیا۔ مسافروں نے جعلی نکاح نامے پر سوازی لینڈ کے وزٹ ویزے حاصل کیے تھے۔
ایف آئی اے کے مطابق گرفتار ایجنٹ نے مسافروں کی غیرقانونی امیگریشن کیلیے رشوت دینے کی کوشش بھی کی۔
وزارت آئی ٹی نے 1.67 ارب روپے سے زاید کے فنڈز طلب کرلیے