ایرانی آرمی چیف کی امریکا اور اسرائیل کو سخت وارننگ
اشاعت کی تاریخ: 31st, January 2026 GMT
ایران کے آرمی چیف امیر حاتمی نے امریکا اور اسرائیل کو سخت تنبیہ کرتے ہوئے کہا ہے کہ ایران کی مسلح افواج مکمل ہائی الرٹ پر ہیں اور کسی بھی جارحانہ اقدام کا بھرپور جواب دیا جائے گا۔
غیر ملکی میڈیا کے مطابق امیر حاتمی کا کہنا تھا کہ اگر دشمن نے کوئی غلط قدم اٹھایا تو اس کے نتائج نہ صرف پورے خطے بلکہ صہیونی ریاست کی سلامتی کے لیے بھی سنگین ہوں گے۔ انہوں نے واضح کیا کہ ایران کی فوج آج پہلے سے کہیں زیادہ مضبوط، منظم اور باصلاحیت ہے۔
ایرانی آرمی چیف نے کہا کہ اسرائیل کے ساتھ 12 روزہ جنگ کے بعد ایرانی فوج کی دفاعی صلاحیتوں میں مزید اضافہ ہوا ہے اور اب وہ کسی بھی خطرے سے نمٹنے کی بھرپور صلاحیت رکھتی ہے۔
انہوں نے ایران کے جوہری پروگرام پر بات کرتے ہوئے کہا کہ ایران کی جوہری سائنس اور ٹیکنالوجی کو ختم کرنا ممکن نہیں۔ ان کا کہنا تھا کہ چاہے قوم کے سائنسدان اور فرزند شہید ہی کیوں نہ ہو جائیں، ایران کی جوہری صلاحیت برقرار رہے گی اور ترقی کا سفر نہیں رکے گا۔
ذریعہ
ذریعہ: Daily Mumtaz
کلیدی لفظ: ایران کی
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار