کراچی: نادرا کی غفلت پر وزیر داخلہ محسن نقوی نے فوری نوٹس لے لیا
اشاعت کی تاریخ: 31st, January 2026 GMT
کراچی میں نادرا کی جانب سے ایک شہری کی زندہ بیوی کا ڈیتھ سرٹیفکیٹ جاری ہونے پر وفاقی وزیر داخلہ محسن نقوی نے فوری کارروائی کی۔
ترجمان کے مطابق وزیر داخلہ نے 24 گھنٹے اوپن نادرا سینٹر ڈیفنس کا اچانک دورہ کیا اور وہاں شناختی کارڈز اور دیگر دستاویزات بنوانے آئے شہریوں سے ملاقات کی۔ شہریوں نے دیر سے باری لگنے اور دیگر مسائل کی شکایت کی، جس پر وزیر داخلہ نے انہیں مسئلہ حل کرنے کی یقین دہانی کرائی اور فوری احکامات جاری کیے۔
وزیر داخلہ نے شہری کی شکایت پر فوری نوٹس لیتے ہوئے حکام کو ہدایت کی کہ زندہ خاتون کا غلط جاری شدہ ڈیتھ سرٹیفکیٹ فوراً درست کیا جائے۔ اسی طرح، ایک خاتون کے شناختی کارڈ پر نام کے غلط اندراج کی شکایت پر بھی بغیر اضافی فیس درستگی کی ہدایت دی گئی۔
ترجمان کے مطابق وزیر داخلہ نے مختلف کاؤنٹرز کا دورہ کیا، عملے سے ملاقات کی اور ہدایت دی کہ شہریوں کا کام ایک ہی وزٹ میں مکمل کیا جائے، تاکہ بار بار چکر لگوانے کی ضرورت نہ پڑے۔
یہ اقدام شہری سہولیات میں بہتری اور نادرا کے سسٹم کو زیادہ مؤثر بنانے کی کوشش کے طور پر دیکھا جا رہا ہے۔
ذریعہ
ذریعہ: Daily Mumtaz
کلیدی لفظ: وزیر داخلہ نے
پڑھیں:
سرکاری دفاتر میں حاضری اور وقت کی پابندی سے متعلق نئی ہدایات جاری
بابر شہزاد ترک :اسٹیبلشمنٹ ڈویژن نے دفتری نظم و ضبط سے متعلق نیا سرکلر جاری کرتے ہوئے تمام افسران اور اہلکاروں کو مقررہ دفتری اوقات کی سختی سے پابندی کرنے کی ہدایت کر دی ۔
سرکلر کے مطابق صبح 8 بجے سے شام 4 بجے تک کے اوقاتِ کار پر عمل درآمد لازم ہوگا۔
سرکلرکے مطابق اسٹیبلشمنٹ ڈویژن نےبائیومیٹرک حاضری یقینی بنانے کی بھی ہدایت کی ہے جبکہ افسران و اہلکاروں کو لاؤنج سوٹ یا شلوار قمیض کے ساتھ ویسٹ کوٹ پہننے کی ہدایت کی گئی ہے۔
سرکلرکے مطابق دفتری راہداریوں میں شور اور بلند آواز میں گفتگو سے گریز کی بھی ہدایت کی گئی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اسٹیبلشمنٹ ڈویژن نے احکامات پر عملدرآمد کیلئے باضابطہ سرکلر جاری کر دیاہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا