کانگو میں کان اچانک بیٹھ گئی، 200 سے زائد افراد ہلاک
اشاعت کی تاریخ: 31st, January 2026 GMT
افریقی ملک کانگو کے مشرقی علاقے میں ایک بڑی کان کے اچانک بیٹھ جانے کے نتیجے میں 200 سے زائد افراد جان سے ہاتھ دھو بیٹھے۔
بین الاقوامی میڈیا رپورٹس کے مطابق یہ حادثہ ربایا نامی علاقے میں پیش آیا، جہاں کولٹن نامی قیمتی معدنیات نکالنے والی کان کا اندرونی حصہ منہدم ہو گیا۔
حادثے کے وقت کان کے اندر بڑی تعداد میں مزدور کام کر رہے تھے، جن میں مردوں کے ساتھ ساتھ خواتین اور بچے بھی شامل تھے۔ کان کے بیٹھنے سے چند ہی لمحوں میں پورا علاقہ مٹی، پتھروں اور ملبے کی زد میں آ گیا، جس کے باعث سیکڑوں افراد دب گئے۔ مقامی حکام کے مطابق اب تک 200 سے زائد لاشیں نکالی جا چکی ہیں، جب کہ بعض ذرائع ہلاکتوں کی تعداد 227 یا اس سے بھی زیادہ بتا رہے ہیں۔
یہ کان کولٹن نامی معدنیات کے لیے مشہور ہے، جس سے ٹینٹالم تیار کیا جاتا ہے۔ ٹینٹالم موبائل فونز، کمپیوٹرز، الیکٹرونکس اور دیگر جدید ٹیکنالوجی آلات میں استعمال ہونے والا ایک اہم عنصر ہے، جس کی عالمی سطح پر مانگ میں مسلسل اضافہ ہو رہا ہے۔ اسی طلب کے باعث ربایا جیسے علاقوں میں غیر رسمی اور غیر محفوظ طریقوں سے کان کنی عام ہے۔
مقامی ذرائع کا کہنا ہے کہ ربایا میں کان کنی کا زیادہ تر کام مقامی مزدور انتہائی کم اجرت پر کرتے ہیں، جہاں حفاظتی اقدامات نہ ہونے کے برابر ہیں۔ غیر مستحکم سرنگیں، حفاظتی آلات کی کمی اور نگرانی کے فقدان نے ایسے حادثات کے خطرات کو مزید بڑھا دیا ہے۔
حادثے کے بعد مقامی انتظامیہ اور امدادی ٹیموں نے فوری طور پر ریسکیو آپریشن شروع کر دیا۔ ملبے تلے دبے افراد کو نکالنے کے لیے بھاری مشینری اور دستی آلات استعمال کیے جا رہے ہیں، تاہم دشوار گزار علاقہ اور محدود وسائل امدادی کارروائیوں میں رکاوٹ بن رہے ہیں۔
حکام کا کہنا ہے کہ اب بھی متعدد افراد کے ملبے تلے دبے ہونے کا خدشہ موجود ہے، جس کے باعث ہلاکتوں میں اضافے کا امکان ظاہر کیا جا رہا ہے۔
حکام کے مطابق زخمیوں کو قریبی اسپتالوں میں منتقل کیا جا رہا ہے، جہاں طبی سہولیات پہلے ہی محدود ہیں۔ انسانی حقوق کے اداروں اور سماجی تنظیموں نے اس سانحے پر شدید تشویش کا اظہار کرتے ہوئے کان کنی کے شعبے میں حفاظتی قوانین پر سختی سے عمل درآمد کا مطالبہ کیا ہے۔
.
ذریعہ
ذریعہ: Al Qamar Online
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار