’’میرا لیاری‘‘ فلم علاقے کا مثبت چہرہ اجاگر کرے گی، شرجیل انعام میمن
اشاعت کی تاریخ: 31st, January 2026 GMT
صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا ہے کہ حکومت سندھ کی فلم ’’میرا لیاری‘‘ میں لیاری کے اصل اور مثبت چہرے کو دکھایا گیا ہے۔ انہوں نے واضح کیا کہ اس فلم کی ریلیز کا فیصلہ متعلقہ بورڈ کرے گا۔
کراچی میں سندھ کے سینئر وزیر شرجیل میمن نے کراچی فلم اسکول، کورنگی کا دورہ کیا، جہاں انہوں نے طلبا کی تیار کردہ فلموں کی اسکریننگ دیکھی اور ابھرتے ہوئے فلم سازوں سے تفصیلی بات چیت کی۔ اس موقع پر طلبا و طالبات نے اپنے تخلیقی منصوبوں سے آگاہ کیا، جس پر صوبائی وزیر نے ان کی محنت اور تخلیقی کاوشوں کو سراہا۔
میڈیا سے گفتگو میں شرجیل میمن نے بتایا کہ کراچی فلم اسکول پاکستان کا واحد ادارہ ہے جو فلم سازی میں ایک سالہ ڈپلومہ فراہم کرتا ہے۔ ان کا کہنا تھا کہ اس ادارے کا مقصد نوجوانوں کو ایسا مضبوط پلیٹ فارم دینا ہے جہاں وہ فلم اور ڈرامے کے ذریعے اپنا کیریئر بنا سکیں اور پاکستان کا مثبت پیغام دنیا تک پہنچائیں۔
انہوں نے پاکستان کی فلم انڈسٹری کو درپیش مشکلات پر بھی روشنی ڈالی اور کہا کہ سینما گھروں کے ختم ہونے اور معیاری مواد کی کمی سے عوام کے تفریحی مواقع محدود ہو گئے ہیں۔ شرجیل میمن نے کہا کہ سندھ حکومت نوجوان نسل کے تخلیقی منصوبوں کی بھرپور معاونت کرے گی تاکہ مقامی فلم انڈسٹری کو نئی جان دی جا سکے۔
صوبائی وزیر نے حکومت سندھ کے اقدامات پر روشنی ڈالتے ہوئے کہا کہ ڈرامہ اور فلم انڈسٹری کے فروغ کے لیے سنجیدہ اقدامات کیے جا رہے ہیں اور آئندہ فلم فیسٹیولز میں معیاری اسکرپٹس کی بنیاد پر اخراجات بھی فراہم کیے جائیں گے۔
انہوں نے کہا کہ پاکستان نے دہشت گردی کے خلاف مؤثر مقابلہ کیا اور عالمی سطح پر ملک کے مثبت تشخص کو فلموں کے ذریعے اجاگر کیا جا سکتا ہے۔
شرجیل میمن نے اعلان کیا کہ وہ فلم اسکول کے طلبا کی فیس میں 50 فیصد کمی کے لیے حکومت سے بات کریں گے اور پبلک پرائیویٹ پارٹنرشپ کے تحت ادارے کو مزید مضبوط بنانے کی کوشش کریں گے تاکہ نوجوانوں کو جدید تربیت میسر آئے۔ انہوں نے آسکر ایوارڈ یافتہ فلم ساز شرمین عبید چنائے کا حوالہ دیتے ہوئے امید ظاہر کی کہ مستقبل میں اسی ادارے سے ایسے طالب علم سامنے آئیں گے جو عالمی اعزازات حاصل کریں گے۔
آخر میں انہوں نے کہا کہ حکومت اور نجی شعبے دونوں کی ذمہ داری ہے کہ وہ انٹرٹینمنٹ انڈسٹری کو سہارا دیں۔ پاکستان میں ٹیلنٹ کی کمی نہیں اور ہمارے ٹی وی چینلز پڑوسی ملک میں بھی دیکھے جاتے ہیں، اس لیے معیاری مواد تیار کرنا ضروری ہے جو عالمی سطح پر بھی پذیرائی حاصل کرے۔ انہوں نے تجویز دی کہ لاہور، بلوچستان، حیدرآباد اور دیگر شہروں میں بھی فلم انسٹی ٹیوٹس قائم کیے جائیں تاکہ نوجوانوں کو مزید مواقع میسر آئیں۔
ذریعہ
ذریعہ: Daily Mumtaz
کلیدی لفظ: شرجیل میمن نے انہوں نے نے کہا کہا کہ
پڑھیں:
کراچی: سرجانی ٹاؤن میں فائرنگ سے باپ، بیٹا جاں بحق، دوسرا بیٹا زخمی
کراچی کے علاقے سرجانی ٹاؤن میں فائرنگ سے باپ اور بیٹا جاں بحق ہوگئے جبکہ دوسرا بیٹا زخمی ہوگیا، واقعہ ذاتی لڑائی جھگڑے کے باعث پیش آیا۔ فائرنگ کے بعد ملزم فرار ہوگیا۔
ایس ایس پی ویسٹ طارق مستوئی کے مطابق سرجانی ٹاؤن کے علاقے روزی گوٹھ میں دو برادریوں کے درمیان جھگڑا ہوا تھا جو ذاتی نوعیت کا تھا۔
اس دوران فائرنگ کا واقعہ پیش آیا جس سے باپ اور اس کا ایک بیٹا دم توڑ گئے جبکہ دوسرا بیٹا زخمی ہے جس کی حالت تشویشناک ہے اور عباسی شہید اسپتال میں زیر علاج ہے۔
ایس ایس پی غربی نے مزید بتایا کہ ابتدائی طور پر حاصل کردہ معلومات کے مطابق فائرنگ عظیم نامی شخص نے کی جو فرار ہوگیا اس کی تلاش میں پولیس مختلف مقامات پر چھاپے مار رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ