غزہ میں صیہونی فوج کی وحشیانہ بمباری، 31 فلسطینی شہید
اشاعت کی تاریخ: 31st, January 2026 GMT
مرکز اطلاعات فلسطین کے مطابق طبی ذرائع نے تصدیق کی ہے کہ ہفتہ کی صبح سے اب تک قابض اسرائیل کی جانب سے غزہ کی پٹی کے مختلف علاقوں پر کی جانے والی بمباری میں شہداء کی تعداد کم از کم 31 تک پہنچ گئی ہے۔ اسلام ٹائمز۔ غزہ میں قابض صیہونی فوج کی شدید بمباری کے نتیجے میں کم از کم 31 فلسطینی شہید اور درجنوں زخمی ہو گئے ہیں۔ مرکز اطلاعات فلسطین کے مطابق طبی ذرائع نے تصدیق کی ہے کہ ہفتہ کی صبح سے اب تک قابض اسرائیل کی جانب سے غزہ کی پٹی کے مختلف علاقوں پر کی جانے والی بمباری میں شہداء کی تعداد کم از کم 31 تک پہنچ گئی ہے۔ تازہ ترین صورتحال کے مطابق شمالی غزہ کی پٹی میں جبالیہ البلد کے علاقے شارع غزہ القدیم میں شہریوں کے ایک گروپ پر قابض دشمن کی بمباری کے نتیجے میں کمال خضر نامی شہری شہید اور متعدد دیگر زخمی ہو گئے۔ رپورٹ کے مطابق قابض افواج نے ایک نئی ہولناک سفاکیت کا مظاہرہ کیا ہے جہاں آج صبح غزہ شہر کے شمال مغرب میں واقع شیخ رضوان پولیس اسٹیشن کو جنگی طیاروں کے ذریعے نشانہ بنایا گیا۔ اس وحشیانہ حملے میں 15 افراد شہید ہوئے جن میں 4 خواتین پولیس اہلکار بھی شامل ہیں جبکہ متعدد افراد زخمی اور 3 لاپتہ ہیں۔
وزارتِ داخلہ اور قومی سلامتی نے تصدیق کی ہے کہ قابض اسرائیل کے جنگی طیاروں نے غزہ شہر کے مغرب میں شیخ رضوان پولیس اسٹیشن کو نشانہ بنایا جس کے نتیجے میں متعدد پولیس افسران اور اہلکار شہید و زخمی ہوئے۔ پولیس نے اپنے ایک بیان میں کہا ہے کہ امدادی اور ریسکیو ٹیمیں شیخ رضوان پولیس اسٹیشن پر بمباری کے بعد شہداء اور زخمیوں کو نکالنے میں مصروف ہیں۔ اس حملے میں پولیس افسران اور اہلکاروں کے ساتھ ساتھ ان سائلین اور شہریوں کی بھی بڑی تعداد شہید ہوئی جو اپنے مسائل کے حل کے لیے حملے کے وقت وہاں موجود تھے۔ بیان میں مزید کہا گیا کہ تباہ شدہ عمارت کے ملبے تلے اب بھی متعدد افراد لاپتہ ہیں جن کی تلاش جاری ہے۔ دوسری طرف قابض دشمن کے طیاروں نے آج دوپہر غزہ شہر کے مغرب میں واقع محلہ النصر میں برج الداعور کے قریب "رزق” خاندان کے گھر پر بمباری کی۔ اسی طرح قابض اسرائیل کے طیاروں نے غزہ شہر کے السویدی علاقے میں ایک گھر کو نشانہ بنایا جس کے نتیجے میں 3 شہری شہید اور متعدد زخمی ہو گئے۔
طبی ذرائع نے اطلاع دی ہے کہ جنوبی غزہ کی پٹی میں خان یونس کے شمال مغرب میں واقع اصداء کے علاقے میں قابض اسرائیل کی بمباری میں "ابو حدايد” خاندان کا خیمہ نشانہ بنا جس کے نتیجے میں 7 افراد شہید اور کئی زخمی ہوئے۔ ذرائع کے مطابق شہداء میں خاندان کے بزرگ ربحی حماد محمد ابو حدايد (دادا) اور ان کے بیٹے محمد، حازم اور ہیجر شامل ہیں جبکہ پوتوں اور پوتیوں میں لیا محمد ربحی ابو حدايد، شام حازم ربحی ابو حدايد اور جبریل حازم ربحی ابو حدايد نے جامِ شہادت نوش کیا۔طبی ذرائع نے مزید بتایا کہ غزہ شہر کے مغرب میں مفترق العباس کے قریب ایک رہائشی اپارٹمنٹ پر اسرائیلی فضائی حملے میں دو بچوں اور ایک خاتون سمیت 5 شہری شہید ہو گئے۔ آج صبح قابض اسرائیل کے طیاروں نے خان یونس کے علاقے مواصی میں واقع غیث پناہ گزین کیمپ پر بھی بمباری کی، حالانکہ اس سے قبل اس علاقے کو خالی کرنے کا حکم دیا گیا تھا۔ غزہ کے مشرق میں جبالیہ سٹینڈ کے قریب ایک اپارٹمنٹ پر قابض دشمن کی گولہ باری سے 5 شہری زخمی ہوئے۔
ذریعہ
ذریعہ: Islam Times
کلیدی لفظ: قابض اسرائیل کے نتیجے میں غزہ کی پٹی غزہ شہر کے طیاروں نے ابو حداید کے مطابق میں واقع شہید اور زخمی ہو ہو گئے
پڑھیں:
کراچی میں موٹر سائيکل چوری میں ملوث خاتون گرفتار
اسکرین گریب/ ایکسکراچی میں موٹر سائيکل چوری میں ملوث خاتون کو گرفتار کرلیا گیا۔
سولجر بازار کے علاقے میں پولیس نے کارروائی کرکے موٹر سائیکل لفٹنگ میں ملوث خاتون ملزمہ کو گرفتار کیا ہے، پولیس کے مطابق خفیہ اطلاع پر کارروائی کرکے ملزمہ کو گرفتار کیا گیا ہے۔
پولیس کا کہنا ہے کہ ملزمہ کی گرفتاری سی سی ٹی وی فوٹیج کی مدد سے عمل میں آئی ہے، ملزمہ اپنے شوہر کے ہمراہ موٹر سائیکل لفٹنگ کی درجنوں وارداتوں میں ملوث رہی ہے۔
سی سی ٹی وی فوٹیج میں دونوں میاں بیوی کو موٹر سائیکل لے جاتے ہوئے دیکھا جا سکتا ہے، ملزمہ کے قبضے سے ایک موٹر سائیکل بھی برآمد کی گئی ہے۔
پولیس کا کہنا ہے کہ گرفتار ملزمہ اور فرار شوہر کے خلاف ضابطے کے تحت مقدمہ درج کیا گیا مزید تفتیش جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار