بلوچستان میں متعدد مقامات پر حملے، ڈی سی نوشکی اغواء، ویڈیو رپورٹ
اشاعت کی تاریخ: 31st, January 2026 GMT
اسلام ٹائمز: کوئٹہ سمیت متعدد اضلاع میں مسلح افراد نے کئی مقامات پر حملے کئے، جس سے شہری علاقوں میں خوف و ہراس کی کیفیت پیدا ہو گئی۔ یہ حملے بیک وقت شروع کئے گئے۔ حملوں کے فوری بعد وزیراعلیٰ سرفراز بگٹی ذمہ داری کا مظاہرہ کرتے ہوئے خود کوئٹہ کی سڑکوں پر نکل آئے اور کوئٹہ میں ہونے والے دھماکے کے مقام پر پہنچ گئے۔ متعلقہ فائیلیںرپورٹ: اعجاز علی
بلوچستان کے دارالحکومت کوئٹہ اور صوبے کے دیگر اضلاع میں کالعدم تنظیم کی جانب سے کیے گئے متعدد حملوں نے ایک بار پھر امن و امان کی صورتحال کو شدید متاثر کر دیا ہے۔ آج صبح سے شروع ہونے والے یہ حملے مختلف نوعیت کے تھے، جن میں بم دھماکے، شدید فائرنگ اور حساس تنصیبات کو نشانہ بنانے کی کوششیں شامل تھیں۔ خاص طور پر کوئٹہ شہر میں مسلح افراد نے کئی بینکوں اور دیگر اہم مقامات پر حملے کئے، جس سے شہری علاقوں میں خوف و ہراس کی کیفیت پیدا ہو گئی۔ یہ حملے بیک وقت شروع کئے گئے۔ حملوں کے فوری بعد وزیراعلیٰ سرفراز بگٹی ذمہ داری کا مظاہرہ کرتے ہوئے خود کوئٹہ کی سڑکوں پر نکل آئے اور کوئٹہ میں ہونے والے دھماکے کے مقام پر پہنچ گئے۔ وزیراعلیٰ نے جائے وقوعہ کا قریبی جائزہ لیا، تباہی کا معائنہ کیا اور سکیورٹی فورسز کے جوانوں سے ملاقات کی۔ انہوں نے پولیس، ایف سی اور دیگر سکیورٹی اداروں کے اہلکاروں کی ہمت، قربانی اور بہادری کو خراج تحسین پیش کیا۔ آئی جی پولیس بلوچستان محمد طاہر خان نے وزیراعلیٰ کو واقعات کی مکمل اور تفصیلی بریفنگ دی، جس میں حملوں کی نوعیت، ممکنہ ذمہ دار گروہوں کی شناخت، استعمال ہونے والے ہتھیاروں اور دہشتگردوں کی ممکنہ نقل و حرکت پر گفتگو ہوئی۔
وزیراعلیٰ نے واضح طور پر کہا کہ ریاست کے خلاف کسی بھی کارروائی کو برداشت نہیں کیا جائے گا اور دہشتگردی کے خاتمے کے لیے ہر ممکن اقدام اٹھایا جائے گا۔ ان حملوں کے نتیجے میں سکیورٹی انتظامات کو انتہائی سخت کر دیا گیا ہے۔ وزیر صحت بلوچستان بخت محمد کاکڑ نے صوبے بھر کے تمام سرکاری اور نجی ہسپتالوں میں ایمرجنسی نافذ کر دی ہے۔ کوئٹہ کا حساس علاقہ ریڈ زون مکمل طور پر سیل کر دیا گیا ہے۔ اور سکیورٹی فورسز نے اضافی چوکیاں قائم کرکے نگرانی کو مزید موثر بنایا ہے۔ اسی طرح کوئٹہ کینٹ کو بھی مکمل طور پر بند کرکے فوج اور دیگر سکیورٹی اداروں کے اضافی دستے تعینات کیے گئے ہیں۔ ریلوے سروسز بھی معطل کر دی گئی ہیں۔ اس کے علاوہ صوبے کے کئی اضلاع میں موبائل انٹرنیٹ اور مواصلاتی سروسز کو محدود یا مکمل طور پر بند کر دیا گیا ہے۔ یہ حملے صرف کوئٹہ تک محدود نہیں رہے بلکہ صوبے کے دیگر اضلاع میں بھی کالعدم تنظیم کی جانب سے کارروائیاں رپورٹ ہوئی ہیں۔ خاص طور پر ضلع نوشکی میں ڈپٹی کمشنر محمد حسین ہزارہ کو اغوا کر لیا گیا ہے۔ سکیورٹی اداروں نے متعدد مقامات پر جوابی کارروائیاں کیں، جن میں کئی دہشتگردوں کو ہلاک اور متعدد حملوں کو ناکام بنا دیا گیا۔ تاہم، صورتحال اب بھی کشیدہ ہے اور شہریوں میں عدم تحفظ کا احساس پایا جا رہا ہے۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
youtube.com/@ITNEWSUrduOfficial
ذریعہ
ذریعہ: Islam Times
کلیدی لفظ: مقامات پر اضلاع میں ہونے والے یہ حملے دیا گیا کر دیا گیا ہے
پڑھیں:
فیکٹ چیک: تھائی لینڈ کی ویڈیو پاکستانی فوجی افسر سے منسوب کرنے کی بھارتی کوشش ناکام
سماجی رابطے کے پلیٹ فارمز ایکس (سابقہ ٹوئٹر) اور فیس بک پر متعدد افراد اور سرگرم بھارتی پروپیگنڈا اکاؤنٹس 30 مئی 2026 سے ایک ویڈیو شیئر کر رہے ہیں اور دعویٰ کر رہے ہیں کہ اس میں آئی ایس آئی کے ڈائریکٹر جنرل (کاؤنٹر انٹیلیجنس) میجر جنرل فیصل نصیر کو تھائی لینڈ میں خواجہ سراؤں کے ایک گروہ کے ہاتھوں تشدد کا نشانہ بنتے ہوئے دکھایا گیا ہے۔
تاہم، حقیقت یہ ہے کہ یہ ویڈیو جنوری 2026 کی ہے جس میں ایک بھارتی شہری تھائی لینڈ کے شہر پٹایا میں پٹ رہا ہے۔
یہ دعویٰ کیسے پھیلا؟
30 مئی کو ایک ایسا ایکس اکاؤنٹ (جو اپنی سابقہ پوسٹس کی بنیاد پر ریاست مخالف معلوم ہوتا ہے) نے ایک ویڈیو شیئر کی اور دعویٰ کیا کہ اس میں ایک پاکستانی فوجی افسر کو تھائی لینڈ میں خواجہ سراؤں کے گروہ نے تشدد کا نشانہ بنایا۔
پوسٹ کے کیپشن میں لکھا تھا:
’ایک پاکستانی آرمی کرنل کو تھائی لیڈی بوائز نے اس وقت بری طرح مارا پیٹا جب وہ اپنے اہلِ خانہ کے ساتھ سیاحت پر آیا تھا اور مقامی علاقے کی ایک کم عمر لڑکی سے ملاقات کا بندوبست کرنے کی کوشش کر رہا تھا۔‘
اس پوسٹ کو42 ہزار 900 مرتبہ دیکھا گیا۔
اسی طرح 31 مئی کو ایک بھارتی پروپیگنڈا اکاؤنٹ نے یہی ویڈیو شیئر کرتے ہوئے دعویٰ کیا:
’اطلاعات کے مطابق پاکستان آرمی کے میجر جنرل محمد فیصل نصیر کو تھائی لیڈی بوائز نے اس لیے مارا پیٹا کیونکہ انہوں نے طے شدہ رقم ادا نہیں کی۔‘
اس پوسٹ کو 14 لاکھ ویوز حاصل ہوئے۔
ایک اور بھارت نواز اکاؤنٹ نے یہی ویڈیو شیئر کرتے ہوئے لکھا:
’پاکستان آرمی کے میجر جنرل فیصل نصیر (ڈَرٹی ہیری)، ڈی جی آئی ایس آئی (کاؤنٹر انٹیلیجنس)، کو فوکیٹ میں کسی تلخ بحث کے بعد تھائی لیڈی بوائز نے بری طرح تشدد کا نشانہ بنایا۔‘
اس پوسٹ کو 5 لاکھ 75 ہزار 800 مرتبہ دیکھا گیا۔
اسی دوران ایک اور بھارتی پروپیگنڈا اکاؤنٹ، جو عموماً پاکستان مخالف مواد شیئر کرتا ہے، نے 31 مئی کو ویڈیو پوسٹ کرتے ہوئے دعویٰ کیا:
’اطلاعات کے مطابق پاکستان آرمی کے میجر جنرل محمد فیصل نصیر کو تھائی لیڈی بوائز نے وعدہ کی گئی رقم ادا نہ کرنے پر مارا پیٹا۔ اس سے قبل 2025 میں بھی ان کی اپنی کم عمر کزن کے ساتھ ایک ویڈیو وائرل ہوئی تھی۔‘
اس پوسٹ کو 1 لاکھ 40 ہزار ویوز ملے۔
اس کے علاوہ متعدد دیگر صارفین (جن میں اکثریت بھارتی معلوم ہوتی ہے) نے بھی اسی نوعیت کے دعووں کے ساتھ یہ ویڈیو شیئر کی، جن کی مجموعی ویوز 2 لاکھ 10 ہزار سے زائد رہے۔
View this post on Instagramحقائق کی جانچ کیسے کی گئی؟
اس دعوے کی غیر معمولی مقبولیت اور عوامی دلچسپی کے باعث اس کی حقیقت جانچنے کے لیے فیکٹ چیک کا آغاز کیا گیا۔
ویڈیو کے اصل ماخذ تک پہنچنے کے لیے گوگل ریورس امیج سرچ کی گئی، جس کے نتیجے میں یہی ویڈیو 3 جنوری 2026 کی ایک ایکس پوسٹ میں ملی، جسے ایک بھارتی صارف نے شیئر کیا تھا۔
اس پوسٹ کے کیپشن میں لکھا گیا تھا:
’تھائی لینڈ میں ایک بھارتی شہری کی پٹائی۔ 52 سالہ بھارتی شخص راج جسوجا نے مبینہ طور پر 'سروسز' کی ادائیگی سے انکار کیا، جس پر خواجہ سراؤں کے ایک گروہ نے اسے تشدد کا نشانہ بنایا۔ رپورٹس کے مطابق اسے علاج کے لیے پٹایا میموریل اسپتال میں داخل کرایا گیا ہے۔‘
"An Indian thrashed in Thailand." ????
A 52-year-old Indian man, Raj Jasuja, who refused to pay for "services," was beaten by a group of transwomen in Thailand.
As per reports, he has been hospitalized at Pattaya Memorial Hospital for treatment. pic.twitter.com/FIcR6iYdaF
دعوے کی مزید تصدیق کے لیے کی گئی کی ورڈز پر مبنی سرچ کے دوران 4 جنوری 2026 کو شائع ہونے والی ایک خبر سامنے آئی، جسے ہندوستان ٹائمز نے شائع کیا تھا اور جس میں یہی ویڈیو شامل تھی۔
خبر کی سرخی تھی:
’آن کیمرا: تھائی لینڈ میں 'سروس' کی ادائیگی سے انکار پر بھارتی شہری کو خواجہ سراؤں نے تشدد کا نشانہ بنا دیا‘
رپورٹ کے مطابق 52 سالہ بھارتی شہری راج جسوجا کو تھائی لینڈ کے شہر پٹایا میں خواجہ سراؤں کے ایک گروہ نے اس وقت مارا پیٹا جب اس نے مبینہ طور پر جنسی خدمات کے عوض طلب کی گئی رقم ادا کرنے سے انکار کیا اور گاڑی میں بیٹھ کر وہاں سے نکلنے کی کوشش کی۔
ریسکیو اہلکاروں نے راج جسوجا کو چہرے اور سر کے پچھلے حصے پر زخموں کی حالت میں پایا۔ موقع پر اسے ابتدائی طبی امداد فراہم کی گئی، جس کے بعد مزید علاج کے لیے اسپتال منتقل کر دیا گیا۔
جنوری 2026 میں شائع ہونے والی متعدد دیگر معروف بھارتی میڈیا رپورٹس، جن میں The Times of India، The Indian ExpressاورIndia Today شامل ہیں، نے بھی اسی واقعے کو تقریباً یکساں تصاویر اور تفصیلات کے ساتھ رپورٹ کیا۔
فیکٹ چیک کا نتیجہ: خبر غلط قرار
یہ دعویٰ کہ وائرل ویڈیو میں پاکستان آرمی کے میجر جنرل فیصل نصیر کو تھائی لینڈ میں خواجہ سراؤں کے ہاتھوں تشدد کا نشانہ بنتے دکھایا گیا ہے، جھوٹا اور بے بنیاد ہے۔
حقیقت یہ ہے کہ یہ ویڈیو جنوری 2026 کی ہے اور اس میں ایک بھارتی شہری کو تھائی خواجہ سراؤں کے ہاتھوں مبینہ طور پر ایسکارٹ سروس کی ادائیگی سے متعلق تنازع کے بعد تشدد کا نشانہ بنتے ہوئے دکھایا گیا ہے۔
لہٰذا سوشل میڈیا پر پھیلایا جانے والا یہ دعویٰ حقائق کے منافی ہے اور ویڈیو کا میجر جنرل فیصل نصیر یا پاکستانی فوج سے کوئی تعلق ثابت نہیں ہوتا۔
یہ فیکٹ چیک اصل میں iVerify Pakistan کی جانب سے شائع کیا گیا تھا، جو Centre for Excellence in Journalism (CEJ-IBA) اور United Nations Development Programme (UNDP) کا مشترکہ منصوبہ ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے