پی ٹی آئی وکلاء نے اڈیالہ جیل حکام سے بانی کے طبی معائنے کا تحریری ریکارڈ مانگ لیا
اشاعت کی تاریخ: 31st, January 2026 GMT
فائل فوٹو
پاکستان تحریک انصاف (پی ٹی آئی) کے وکلاء نے اڈیالہ جیل حکام سے بانی چیئرمین کے طبی معائنے کا تحریری ریکارڈ مانگ لیا ہے۔
بانی پی ٹی آئی کے طبی معائنے کے معاملے میں انصاف لائرز فورم کے وکلا ء کا وفد اڈیالہ جیل راولپنڈی پہنچا ہے۔
وزیراعلیٰ خیبرپختونخوا سہیل آفریدی نے کہا ہے کہ بڑوں نے ہمارے ہاتھ کچے دھاگے سے باندھے ہیں،جنہیں توڑنے میں زیادہ وقت نہیں لگے گا۔
وفد میں شامل 6 وکلاء کو گیٹ نمبر 3 سے اندر جانے کی اجازت مل گئی، اس کے بعد انہوں نے جیل حکام سے ملاقات کی اور طبی معائنے سے متعلق تحریری طور پر درخواست جمع کرادی۔
وکلاء کی درخواست میں کہا گیا کہ بانی پی ٹی آئی کی صحت سے متعلق تشویش ہے، میڈیکل رپورٹس دی جائیں۔
درخواست میں کہا گیا کہ 6 وکالت نامے دستخط کے لئے بھجوائے گئے تھے، ابھی تک نہیں ملے، وکالت ناموں پر دستخط کے بعد توشہ خانہ ٹو کیس میں ہائی کورٹ میں اپیل دائر کرنی ہے۔
پی ٹی آئی لائرز فورم کے عہدیدار اویس یونس نے دیگر وکلا ء کے ہمراہ جیل کے باہر میڈیا سے گفتگو کی اور کہا کہ ہم نے سپرنٹنڈنٹ اڈیالہ جیل کے نام ایک خط لکھا ہے، ہمارا مطالبہ ہے بانی کی میڈیکل رپورٹس ان کی فیملی کو دی جائیں۔
.
ذریعہ
ذریعہ: Jang News
کلیدی لفظ: اڈیالہ جیل پی ٹی ا ئی
پڑھیں:
توشہ خانہ ریکارڈ، وزیراعظم اور اسحاق ڈار کے تحائف کی تفصیلات سامنے آگئیں
اسلام آباد(رضوان عباسی ): توشہ خانہ ریکارڈ میں وزیراعظم شہباز شریف اور نائب وزیراعظم و وزیر خارجہ سینیٹر اسحاق ڈار کو اپریل سے جون 2026 کے دوران مختلف غیر ملکی شخصیات اور وفود کی جانب سے ملنے والے سرکاری تحائف کی تفصیلات سامنے آ گئی ہیں۔
کابینہ ڈویژن کی دستاویزات کے مطابق اس عرصے میں موصول ہونے والے تمام سرکاری تحائف توشہ خانہ قواعد کے تحت کابینہ ڈویژن میں جمع کرا دیے گئے ہیں، جبکہ ان کی مالیت کے تعین (ویلیوایشن) کا عمل تاحال جاری ہے۔
دستاویزات کے مطابق وزیراعظم شہباز شریف کو مختلف ممالک کے سربراہان، اعلیٰ حکام اور سرکاری وفود کی جانب سے متعدد یادگاری تحائف پیش کیے گئے۔ ان میں شوگر باؤل، گاڑی کا فریم شدہ ماڈل، شیلڈز، قیمتی قلم، کف لنکس، ٹائی، کافی کپ اور واٹر گلاس سیٹ، چائے کے کپ اور ساسرز، آرائشی واز، ایرانی فیروزہ اِنلے دستکاری پر مشتمل پانچ پیس سیٹ، روایتی چینی اسکرول پینٹنگ، چائنا اسپیس اسٹیشن کا ماڈل اور دیگر سووینئرز شامل ہیں۔
اسی طرح نائب وزیراعظم و وزیر خارجہ سینیٹر اسحاق ڈار کو بھی مختلف ممالک کی جانب سے متعدد سرکاری تحائف دیے گئے، جن میں مصری طرز کا مجسمہ، مسجد نبوی ﷺ کا ماڈل، کف لنکس اور دیگر یادگاری اشیا شامل ہیں۔
دستاویزات میں یہ بھی بتایا گیا ہے کہ ڈپٹی چیف آف پروٹوکول محمد ارسلان میر کو ایک قیمتی ڈائمنڈ کلیکشن رسٹ واچ بطور سرکاری تحفہ موصول ہوئی، جس کی مالیت کا تعین بھی جاری ہے۔
کابینہ ڈویژن کے مطابق توشہ خانہ ریکارڈ میں شامل تمام تحائف متعلقہ قوانین اور قواعد کے مطابق وصول کیے گئے ہیں۔ حکام کا کہنا ہے کہ ویلیوایشن مکمل ہونے کے بعد توشہ خانہ رولز کے مطابق آئندہ کارروائی کی جائے گی۔
سرکاری ذرائع کے مطابق تحائف کی مالیت کا تعین مکمل ہونے کے بعد قواعد کے مطابق یہ فیصلہ کیا جائے گا کہ متعلقہ حکام ان تحائف کو اپنے پاس رکھ سکتے ہیں یا انہیں سرکاری تحویل میں برقرار رکھا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار