سانحہ گل پلازہ کے بعدسندھ حکومت کا4محکموں میں تبدیلی کافیصلہ
اشاعت کی تاریخ: 1st, February 2026 GMT
ویب ڈیسک:سانحہ گل پلازہ کے بعدسندھ حکومت نے4 مختلف محکموں میں تبدیلی کافیصلہ کرلیا۔
محکمہ داخلہ، صحت ، بحالی ریلیف اور کے ایم کے سی کے ماتحت ذیلی اداروں کانیا محکمہ بنانےپرغورشروع کردیاگیاہے ،اس حوالےسے حکومت سندھ نے قانونی ماہرین سے انتظامی ڈھانچے کی تشکیل کیلئے کام شروع کردیاہے۔
انتظامی نظام کے ڈھانچے کو ڈرافٹ کی شکل میں تیار کرکے وزیر اعلی سندھ کی منظوری کے بعد نوٹی فکیشن جاری کردیا جائے گا۔
ذیلی ادارے سول ڈیفنس کو محکمہ داخلہ سے اور کے ایم سی سے فائربریگیڈ کے ادارے کو بھی الگ کیا جائے گا،محکمہ بحالی وریلیف سے صوبائی ڈیزاسٹرمینجمنٹ اتھارٹی اور محکمہ ریلیف کو بھی الگ کیا جائے گا ،ریسکیو1122 کوبھی محکمہ صحت سے الگ کیا جائے گااورتمام اداروں کو ملاکر ایک الگ سے نیا محکمہ بنایا جائے گا جس پرقانونی مشاورت جاری ہے ۔
سکول کے بچوں کی آواز سن کر 8 سالہ لڑکا کوما سے باہر آگیا
نئے محکمے کا نیا نام رکھنے پر بھی غور جاری ہے،نئے محکمے کا سیکرٹری ڈائریکٹر جنرل اور ڈائریکٹرز تعینات ہونگے،نئے محکمے کو ایک الگ قلمدان کی حیثیت دی جائے گی،یہ نیا محکمہ قدرتی آفات اور دیگر ایمرجنسی کی صورتحال پر فوری نمٹنے کا کام کرے گا ،وہ امدادی کارروائیوں اور دیگر بحالی کے کاموں پر خاص فوکس کرے گا۔
.
ذریعہ
ذریعہ: City 42
کلیدی لفظ: جائے گا
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا