یوٹیوب کی اے آئی سلوپ کے خلاف بڑی کارروائی، 4.7 ارب سے زائد ویوز ڈیلیٹ
اشاعت کی تاریخ: 1st, February 2026 GMT
data-id="863a0a8" data-element_type="widget" data-widget_type="theme-post-content.default">
سان فرانسسکو :گوگل کی ملکیت ویڈیو شیئرنگ پلیٹ فارم یوٹیوب نے سال 2026 کے آغاز پر مصنوعی ذہانت (اے آئی) سے تیار کی گئی ناقص معیار کی ویڈیوز، جنہیں عام طور پر AI Slops کہا جاتا ہے، کے خلاف بڑے پیمانے پر کارروائی کرتے ہوئے 4.
7 ارب سے زائد ویوز ڈیلیٹ کر دیے ہیں۔ اس اقدام کو یوٹیوب کی جانب سے پلیٹ فارم پر مواد کے معیار کو بہتر بنانے اور اسپیم پر مبنی خودکار چینلز کے بڑھتے ہوئے رجحان کو روکنے کی ایک اہم کوشش قرار دیا جا رہا ہے۔
یہ کارروائی نومبر 2025 میں آن لائن ویڈیو ایڈیٹنگ اور ڈیجیٹل کنٹینٹ بنانے والے پلیٹ فارم Kapwing کی جانب سے جاری کی گئی ایک تحقیقاتی رپورٹ کے بعد سامنے آئی۔ Kapwing ایک ویب بیسڈ ویڈیو ایڈیٹنگ پلیٹ فارم ہے جو یوٹیوب، ٹک ٹاک اور دیگر سوشل میڈیا پلیٹ فارمز کے لیے ویڈیوز بنانے، ایڈیٹ کرنے اور اے آئی ٹولز کے ذریعے خودکار سب ٹائٹلز اور مواد تیار کرنے کی سہولت فراہم کرتا ہے۔ اس کے ساتھ ساتھ Kapwing ڈیجیٹل میڈیا کے رجحانات پر تحقیقی رپورٹس بھی شائع کرتا ہے۔
Kapwing کی رپورٹ میں یوٹیوب کے سب سے زیادہ سبسکرائب کیے گئے 100 ایسے چینلز کی نشاندہی کی گئی تھی جو اے آئی ٹولز کے ذریعے بڑی تعداد میں کم معیار، بار بار دہرائے گئے اور غیر تخلیقی ویڈیوز اپ لوڈ کر رہے تھے۔ رپورٹ کے مطابق یہ چینلز انسانی تخلیقی عمل کے بجائے خودکار سسٹمز پر انحصار کر کے ویوز، سبسکرائبرز اور اشتہاری آمدن حاصل کر رہے تھے۔
Kapwing کی تازہ رپورٹ کے مطابق ان 100 میں شامل کم از کم 16 یوٹیوب چینلز کو مکمل طور پر پلیٹ فارم سے ہٹا دیا گیا ہے یا پھر ان پر موجود تمام ویڈیوز ڈیلیٹ کر دی گئی ہیں۔ ان چینلز میں CuentosFacianantes بھی شامل ہے جو کم معیار کی ڈریگن بال سے متعلق ویڈیوز بناتا تھا، اس کے علاوہ Imperiodejesus جسے ’’ایمپائر آف جیزس‘‘ کہا جاتا ہے، اور Super Cat League جیسے دیگر چینلز بھی اس کارروائی کی زد میں آئے ہیں۔
رپورٹ کے مطابق ان 16 چینلز کے مجموعی طور پر 3 کروڑ 50 لاکھ سے زائد سبسکرائبرز تھے جبکہ ان کی ویڈیوز کو اب تک 4.7 ارب بار دیکھا جا چکا تھا۔ اندازوں کے مطابق یہ چینلز اشتہارات اور دیگر ذرائع سے سالانہ ایک کروڑ ڈالر تک کمائی کر رہے تھے، جس سے اس کارروائی کی معاشی اہمیت بھی نمایاں ہوتی ہے۔
اگرچہ فہرست میں شامل کچھ بڑے اے آئی چینلز اب بھی یوٹیوب پر موجود ہیں، تاہم ان کا تمام ویڈیو مواد ہٹا دیا گیا ہے۔
ڈیجیٹل میڈیا ماہرین کا کہنا ہے کہ یوٹیوب کا یہ اقدام مستقبل میں اے آئی کریئیٹرز کے لیے ایک واضح پیغام ہے کہ صرف خودکار ٹولز کے ذریعے مواد تیار کرنا اب قابلِ قبول نہیں رہے گا اور پلیٹ فارم پر کامیابی کے لیے تخلیقی معیار، شفافیت اور انسانی نگرانی ناگزیر ہو چکی ہے۔
ذریعہ
ذریعہ: Jasarat News
کلیدی لفظ: پلیٹ فارم رپورٹ کے کے مطابق اے آئی
پڑھیں:
چیزیئس سے 40 لاکھ روپے کی ریکوری، فروخت کے اعداد و شمار میں فرق سامنے آگیا
اسلام آباد: چیزیئس ٹیکس ریکوری کا معاملہ اس وقت توجہ کا مرکز بن گیا ہے جب ریجنل ٹیکس آفس (آر ٹی او) ساہیوال نے ایک کارروائی کے دوران معروف فوڈ چین سے 40 لاکھ روپے قومی خزانے میں جمع کروائے۔
محکمہ ریونیو کی جانب سے جاری کردہ تفصیلات کے مطابق کارروائی انکم ٹیکس آرڈیننس 2001 کی دفعہ 175 سی کے تحت کی گئی۔ حکام کا کہنا ہے کہ نگرانی کے دوران کمپنی کی جانب سے ظاہر کردہ فروخت اور زمینی حقائق میں نمایاں فرق سامنے آیا تھا جس کے بعد تحقیقات کا آغاز کیا گیا۔
ذرائع کے مطابق آر ٹی او ساہیوال کی خصوصی ٹیم نے کاروباری مقام پر فروخت کی سرگرمیوں کا جائزہ لیا۔ اس دوران حاصل ہونے والے اعداد و شمار سے معلوم ہوا کہ ریکارڈ میں درج فروخت اور حقیقی کاروباری حجم میں فرق موجود ہے۔
ابتدائی جانچ مکمل ہونے کے بعد متعلقہ ادارے نے قانونی کارروائی شروع کی اور کمپنی کو واجب الادا رقم جمع کرانے کی ہدایت کی گئی۔ بعد ازاں 40 لاکھ روپے کی رقم قومی خزانے میں جمع کرا دی گئی۔
ماہرین کے مطابق اس نوعیت کی کارروائیاں ٹیکس نظام میں شفافیت بڑھانے اور کاروباری اداروں کو درست مالی ریکارڈ برقرار رکھنے کی ترغیب دیتی ہیں۔ ان کا کہنا ہے کہ ٹیکس قوانین پر عمل درآمد سے نہ صرف سرکاری آمدنی میں اضافہ ہوتا ہے بلکہ معیشت کی دستاویزی شکل کو بھی فروغ ملتا ہے۔
حکام نے واضح کیا ہے کہ چیزیئس ٹیکس ریکوری سمیت تمام ایسے معاملات میں قانون کے مطابق کارروائی جاری رکھی جائے گی تاکہ ٹیکس نظام کو مزید مؤثر بنایا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ