ایپسٹین فائلز میں مودی کا نام سامنے آنے پر کانگریس کی تنقید، حکومت کی سخت تردید
اشاعت کی تاریخ: 1st, February 2026 GMT
امریکا کی وزارتِ انصاف کی جانب سے جاری کی گئی جیفری ایپسٹین سے متعلق تازہ دستاویزات میں ایک ای میل میں بھارتی وزیرِاعظم نریندر مودی کا نام سامنے آنے کے بعد بھارت میں سیاسی ہلچل مچ گئی ہے، جبکہ نئی دہلی نے ان دعوؤں کو سختی سے مسترد کر دیا ہے۔
یروشلم پوسٹ کے مطابق، ایپسٹین سے منسوب ایک ای میل میں نریندر مودی کے 2017 کے اسرائیل کے سرکاری دورے کا ذکر کیا گیا ہے، جو کسی بھی بھارتی وزیرِاعظم کا اسرائیل کا پہلا دورہ تھا۔ ای میل میں یہ دعویٰ کیا گیا کہ مودی نے اس دورے کے دوران ایپسٹین کے مشورے پر عمل کیا، تاہم بھارتی حکام نے اس دعوے کو بے بنیاد قرار دیا ہے۔
یہ بھی پڑھیے: ایلون مسک اور جیفری ایپسٹین کے درمیان دوستانہ رابطوں کے شواہد منظرعام پر آگئے
بھارت کی وزارتِ خارجہ کے ترجمان رندھیر جیسوال کا کہنا ہے کہ ای میل میں صرف ایک بات درست ہے اور وہ نریندر مودی کا اسرائیل کا سرکاری دورہ ہے، جبکہ باقی تمام دعوے گمراہ کن اور بے بنیاد ہیں۔ انہوں نے کہا کہ یہ ایک سزا یافتہ مجرم کی من گھڑت باتیں ہیں اور نریندر مودی اور جیفری ایپسٹین کے درمیان کسی قسم کے رابطے یا مشاورتی کردار کا کوئی ثبوت موجود نہیں۔
تاہم اپوزیشن جماعتوں نے اس معاملے کو بنیاد بنا کر حکومت سے وضاحت کا مطالبہ شروع کر دیا ہے۔ بھارتی میڈیا کے مطابق مرکزی اپوزیشن جماعت انڈین نیشنل کانگریس نے وزیرِاعظم مودی کو شدید تنقید کا نشانہ بناتے ہوئے کسی بھی ممکنہ تعلق کو قومی شرمندگی قرار دیا ہے۔
یہ بھی پڑھیے: ایپسٹین فائلز کی مزید کھیپ جاری: یہ کونسی معلومات ہیں، اہم شخصیات کے اوسان کیوں خطا ہیں؟
کانگریس کا دعویٰ ہے کہ ایپسٹین نے اپنی ای میل میں لکھا کہ مودی نے اسرائیل کے دورے سے قبل اس کے مشورے لیے اور یہ ای میل دورے کے تین دن بعد لکھی گئی۔ اپوزیشن کا کہنا ہے کہ یہ معاملہ قومی وقار اور عالمی ساکھ سے جڑا ہے، اس لیے وزیرِاعظم کو وضاحت دینی چاہیے۔
واضح رہے کہ جیفری ایپسٹین نے 2019 میں نیویارک کی جیل میں خودکشی کی، جبکہ وہ جنسی اسمگلنگ کے مقدمات کا سامنا کر رہا تھا۔ تازہ فائلز میں کئی عالمی شخصیات کے ناموں کا بھی حوالہ دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا جیفری ایپسٹین نریندر مودی.
ذریعہ
ذریعہ: WE News
کلیدی لفظ: انڈیا جیفری ایپسٹین جیفری ایپسٹین میل میں دیا ہے
پڑھیں:
امریکا نے ایران پر مسلسل 13 ویں رات بھی فضائی حملے شروع کر دیے، سینٹکام
امریکہ نے ایران کے خلاف مسلسل 13 ویں رات بھی فوجی کارروائیاں جاری رکھیں جبکہ ایرانی شہر اہواز میں متعدد دھماکوں کی آوازیں سنی جانے کی اطلاعات سامنے آئی ہیں۔
امریکی سینٹرل کمانڈ سینٹکام نے سوشل میڈیا پلیٹ فارم ایکس پر جاری بیان میں تصدیق کی کہ امریکی افواج نے جمعرات کی شب ایران کے فوجی اہداف پر ایک اور حملہ کیا۔ بیان کے مطابق یہ کارروائیاں مسلسل 13 ویں رات جاری رہیں۔
U.S. forces started another night of strikes against Iranian military targets at 6:45 p.m. ET today. This is the 13th consecutive night of strikes aimed to hold Iran accountable and diminish threats from the Islamic Revolutionary Guard Corps to commercial shipping.
مزید پڑھیںمشرق وسطیٰ کی صورتحال کنٹرول سے باہر ہوتی جارہی ہے، یو این سیکریٹری جنرل
جارحیت کی قیمت واشنگٹن کو بہت مہنگی پڑے گی، عباس عراقچی
— U.S. Central Command (@CENTCOM) July 23, 2026سینٹکام کا کہنا ہے کہ ان حملوں کا مقصد ایران کو اس کے اقدامات پر جوابدہ بنانا اور پاسداران انقلاب کی جانب سے تجارتی بحری جہازوں کو لاحق خطرات کو کم کرنا ہے۔
دوسری جانب ایران کے صوبہ خوزستان کے دارالحکومت اہواز کے رہائشیوں نے جمعہ کی علی الصبح متعدد زور دار دھماکوں کی آوازیں سننے کی اطلاع دی ہے۔
ایرانی خبر رساں ادارے کے مطابق دھماکوں کی تفصیلات فوری طور پر سامنے نہیں آسکیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار