غیر قانونی بس سٹینڈز اور بکنگ پوائنٹس لاڑکانہ شہر سے باہر منتقل
اشاعت کی تاریخ: 1st, February 2026 GMT
کراچی (نیوز ڈیسک) سندھ اسمبلی میں نشاندہی پر لاڑکانہ میں غیر قانونی بس سٹینڈز اور بکنگ پوائنٹس کے خلاف کارروائی کی گئی ہے۔
سینئر وزیر شرجیل ميمن نےمعاملے کی سنگینی کو فوراً نوٹس میں لیتے ہوئے متعلقہ حکام کو فوری کارروائی کی ہدایت دی،ان کے احکامات پر غیر قانونی بس سٹینڈز لاڑکانہ شہر سے باہر منتقل کر دی گئی ہیں۔
ضلع انتظامیہ اور ڈی آر ٹی اے نے لاڑکانہ شہر کے اندر قائم غیر قانونی سٹینڈز اور بکنگ پوائنٹس کو ہٹا کر شہر کے باہر منتقل کردیا ہے۔
شرجیل انعام میمن کا کہنا تھا کہ شہر کے اندر کوئی گاڑی غیر قانونی طورپرنہ چلےتاکہ عوام کو دشواریوں کا سامنا نہ کرنا پڑے، شہریوں کی سہولت اور ٹریفک کی روانی یقینی بنانا حکومت کی اولین ترجیح ہے۔
شرجیل انعام میمن کے مطابق کارروائی کے دوران پانچ بڑی ٹرانسپورٹ کمپنیوں کے سٹینڈز بھی سیل کیے گئے ہیں جبکہ متعلقہ حکام کے ذریعے نگرانی جاری رکھی جائے گی تاکہ کوئی بھی بس یا کوچ شہر کے اندر داخل ہونے کی کوشش نہ کرے۔
.
ذریعہ
ذریعہ: Daily Mumtaz
کلیدی لفظ: شہر کے
پڑھیں:
سندھ بلڈنگ، کراچی میں غیر قانونی کمرشلائزیشن کا طوفان
مزمل حسین ہالیپوٹو کی نااہلی کے باعث کراچی کا بنیادی ڈھانچہ شدید دباؤ کا شکار
پی ای سی ایچ ایس بلاک 2میں رہائشی پلاٹ پر کمرشل یونٹس تعمیر، آصف شیخ ملوث
شہر قائد میں رہائشی علاقوں میں غیر قانونی کمرشلائزیشن کا سلسلہ تیزی سے جاری ہے ، جس کے باعث شہر کا بنیادی ڈھانچہ شدید متاثر ہو رہا ہے ۔ شہری حلقوں کا کہنا ہے کہ سندھ بلڈنگ کنٹرول اتھارٹی کے ڈائریکٹر جنرل مزمل حسین ہالیپوٹو کی ناقص نگرانی اور انتظامی کمزوریوں کے سبب رہائشی پلاٹوں پر کمرشل پورشن اور یونٹس کی تعمیرات میں مسلسل دن بہ دن اضافہ ہو رہا ہے ۔تازہ معاملہ پی ای سی ایچ ایس بلاک 2کے پلاٹ نمبر 40-K/40Mکا سامنے آیا ہے ، جہاں مقامی ذرائع کے مطابق رہائشی حیثیت رکھنے والی اراضی پر کمرشل سرگرمیوں اور یونٹس کے قیام کے ذریعے مبینہ طور پر قبضے کیے گئے ہیں۔ ذرائع کا دعویٰ ہے کہ یہ تمام سرگرمیاں آصف شیخ کی سربراہی میں انجام دی جا رہی ہیں، جبکہ متعلقہ ادارے خاموش تماشائی بنے ہوئے ہیں۔شہریوں اور سماجی حلقوں نے مطالبہ کیا ہے کہ غیر قانونی تعمیرات اور کمرشلائزیشن کے خلاف فوری کارروائی کی جائے ، ذمہ دار افسران کا احتساب کیا جائے اور کراچی کے متاثرہ انفراسٹرکچر کو مزید نقصان سے بچانے کے لیے مؤثر اقدامات اٹھائے جائیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ