پیٹرولیم مصنوعات کی نئی قیمتیں، ٹرانسپورٹ اتحاد کا کرایوں میں اضافے کا اعلان
اشاعت کی تاریخ: 1st, February 2026 GMT
data-id="863a0a8" data-element_type="widget" data-widget_type="theme-post-content.default">
کراچی: پاکستان گڈز ٹرانسپورٹ الائنس کے صدر ملک شہزاد اعوان نے پیٹرولیم مصنوعات کی قیمتوں میں اضافے کی شدید مذمت کرتے ہوئے اس کے ردِعمل میں مال برداری کے کرایوں میں چار فیصد اضافے کا اعلان کر دیا ہے۔
انہوں نے کہا کہ وفاقی حکومت کی جانب سے ڈیزل کی قیمت میں اضافے کے باعث کرایوں میں اضافہ ناگزیر ہو گیا ہے، کیونکہ پیٹرولیم مصنوعات کی قیمتوں میں اضافے سے ملک کا ہر شہری متاثر ہوتا ہے۔
ملک شہزاد اعوان کا کہنا تھا کہ وفاقی حکومت اور حکومتِ پنجاب ٹرانسپورٹرز کو دیوار سے لگانے کی پالیسی پر عمل پیرا ہیں۔ انہوں نے بتایا کہ حالیہ ہڑتال کے دوران حکومت نے پیٹرولیم مصنوعات کی قیمتوں میں کمی کی یقین دہانی کرائی تھی، تاہم اس وعدے پر عمل درآمد نہیں کیا گیا۔
انہوں نے مزید کہا کہ وفاقی حکومت اور حکومتِ پنجاب کے ساتھ ہڑتال کے دوران طے پانے والے کئی نکات پر تاحال عمل نہیں ہو رہا۔
صدر پاکستان گڈز ٹرانسپورٹ الائنس نے الزام عائد کیا کہ وزیرِ مواصلات عبدالعلیم خان کی جانب سے کیے گئے وعدے کو موٹروے پولیس تسلیم کرنے کو تیار نہیں، جس سے صورتحال مزید خراب ہو رہی ہے۔
ان کا کہنا تھا کہ اگر حکومتوں نے اپنے وعدوں پر عمل نہ کیا تو ٹرانسپورٹرز دوبارہ ملک گیر ہڑتال پر مجبور ہوں گے، جس کے تمام تر نقصانات کی ذمہ داری وفاقی حکومت اور حکومتِ پنجاب پر عائد ہوگی۔
واضح رہے کہ وفاقی حکومت نے ڈیزل کی قیمت میں 11 روپے 30 پیسے فی لیٹر اضافہ کیا ہے، جس کے بعد ڈیزل کی نئی قیمت 268 روپے 38 پیسے فی لیٹر ہو گئی ہے۔
تاہم وفاقی حکومت نے آئندہ 15 روز کے لیے پیٹرول کی قیمت 253 روپے 17 پیسے فی لیٹر پر برقرار رکھنے کا اعلان کیا ہے۔
ذریعہ
ذریعہ: Jasarat News
کلیدی لفظ: پیٹرولیم مصنوعات کی کہ وفاقی حکومت میں اضافے کی قیمت
پڑھیں:
نوجوانوں کو آسان اقساط پر الیکٹرک بائیکس اور ٹیکسیاں بلا سود دینے کا فیصلہ
صوبائی وزیر ٹرانسپورٹ نے کہا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ کی وجہ سے ماحولیاتی آلودگی میں کمی لانے میں بھی مدد ملے گی۔ اس اسکیم کے لیے اہلیت کیا ہو گی اس بارے میں تفصیلات آئندہ بجٹ اور پالیسی دستاویزات میں دیے جانے کی توقع ہے۔ اسلام ٹائمز۔ حکومت پنجاب نے نوجوانوں کو آئندہ مالی سال میں الیکٹرک بائیکس اور ٹیکسیاں دینے کا فیصلہ کیا ہے۔ آئندہ مالی سال میں 50 ہزار الیکٹرک بائیکس اور 5 ہزار الیکٹرک ٹیکسیاں بلاسود دینے کا فیصلہ کیا گیا ہے۔ ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔
پنجاب کے وزیر ٹرانسپورٹ بلال اکبر خان نے کہا کہ ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت دی جائے گی، رجسٹریشن سمیت دیگر مراعات بھی دی جائیں گی۔ صوبائی وزیر ٹرانسپورٹ نے کہا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ کی وجہ سے ماحولیاتی آلودگی میں کمی لانے میں بھی مدد ملے گی۔ اس اسکیم کے لیے اہلیت کیا ہو گی اس بارے میں تفصیلات آئندہ بجٹ اور پالیسی دستاویزات میں دیئے جانے کی توقع ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ