تیراہ متاثرین کے مسائل پرباڑہ سیاسی اتحاد کے زیر اہتمام اہم جرگہ
اشاعت کی تاریخ: 1st, February 2026 GMT
(احمدمنصور)باڑہ سیاسی اتحاد کے زیر اہتمام تیراہ کے متاثرین کے مسائل پر اہم جرگہ ہوا جس میں قبائلی مشران نےمتاثرہ خاندانوں کے ساتھ مکمل یکجہتی، ہمدردی اور بھرپور حمایت کا اعلان کیا۔
جرگے کے شرکاء نے امن کے حق میں کھل کر آواز بلند کی۔
جرگے کے شرکاء نے مطالبہ کیاکہ وادیٔ تیراہ میں فوری اور پائیدار امن قائم کیا جائے،خوارج کی جانب سے فائرنگ، شیلنگ، گھروں پر مارٹر حملے اور کواڈ کاپٹر گرانے جیسے اقدامات بند کیے جائیں، جرگے کے شرکاء نے صوبائی حکومت کی جانب سے تیراہ متاثرین کے لیے مختص فنڈز میں کرپشن اور سیاسی مداخلت پر شدید تنقید کی۔
سابق چیئرمین باڑہ سیاسی اتحاد حاجی شیریں آفریدی نے اس موقع پرکہا کہ متاثرین کے مسائل کسی ایک علاقے یا قبیلے تک محدود نہیں بلکہ یہ ایک اجتماعی قومی مسئلہ ہے، اور اس کے حل میں مزید تاخیر ناقابلِ برداشت ہے،انہوں نے خوارج کے ساتھ کیے گئے دو جرگوں کی ناکامی کے بعد اس ذمہ داری کو صوبائی حکومت اور تیراہ کے مشران پر منتقل کیا۔
جرگے نے متاثرین کی باعزت واپسی، کیے گئے وعدوں کی عملی تکمیل اور متاثرین کی گاڑیوں کے واجب الادا بقایاجات کی فوری ادائیگی کو یقینی بنانے کا مطالبہ کیا، رجسٹریشن کے عمل میں سیاسی مداخلت، اقربا پروری، انتظامی نااہلی اور کرپشن کی غیر جانبدار تحقیقات کر کے ذمہ دار عناصر کے خلاف کارروائی کرنے پربھی زور دیا گیا۔
جرگے نے تیراہ میں گھر یا جائیداد رکھنے والے تمام رہائشیوں کو آئی ڈی پیز اسٹیٹس دے کر مکمل رجسٹریشن اور امدادی پیکیج میں شامل کرنے کی بھی سفارش کی۔
جرگہ مشران نے کہاکہ آبادی کے عارضی انخلا کے تمام مراحل اور بات چیت کے دوران صوبے اور بالخصوص ضلع خیبر کی سیاسی قیادت موجود تھی جن سے مشاورت کے بعد ہی آبادی کے عارضی انخلا کا فیصلہ کیا گیا،وادیٔ تیراہ میں فوری طور پر مکمل امن بحال کیا جائے اور مستقبل میں پائیدار امن کی واضح ضمانت دی جائے،تیراہ متاثرین کی باعزت واپسی کو یقینی بنایا جائے، اور متاثرین سے کیے گئے تمام وعدوں اور معاہدوں کو تحریری اور عملی طور پر تسلیم کر کے نافذ کیا جائے،متاثرین کے گاڑیوں کے واجب الادا بقایاجات فوری طور پر ادا کیے جائیں، اگر ادائیگی نہ کی گئی تو ہم ان گاڑیوں کو جلوس کی شکل میں پشاور لے جائیں گے اور بھرپور احتجاج کریں گے۔
جرگہ مشران نے کہاکہ اپر باڑہ اور باڑہ پلین ایریا میں امن و امان کی صورتحال تشویشناک ہو چکی ہے، جسے ہنگامی بنیادوں پر کنٹرول کیا جائے،قیامِ امن کے لیے آج سے باڑہ میں امن تحریک کا باقاعدہ آغاز کیا جائے گاتاکہ عوام کو محفوظ ماحول فراہم کیا جا سکے،سیاسی اتحاد باڑہ نے اس عزم کا اعادہ کیا کہ وہ متاثرینِ تیراہ کے ساتھ ہر فورم پر کھڑا رہے گا اور ان کے حقوق کے حصول تک اپنی جدوجہد جاری رکھے گا۔
چور شادی پر جانے والی فیملی کے گھر کا صفایا کر گئے
.
ذریعہ
ذریعہ: City 42
پڑھیں:
آزاد کشمیر الیکشن، استحکام پاکستان پارٹی اور مسلم کانفرنس کے درمیان انتخابی اتحاد پر اتفاق
مظفر آباد(ڈیلی پاکستان آن لائن)آزاد کشمیر قانون اسمبلی کے انتخابات کے حوالے سے بڑی سیاسی پیشرفت سامنے آئی ہے، استحکام پاکستان پارٹی اور مسلم کانفرنس کے درمیان انتخابی اتحاد پر اتفاق ہو گیا۔
صدر استحکام پاکستان پارٹی آزاد کشمیر سردار تنویر الیاس اور مسلم کانفرنس کے صدر سردارعتیق کی ملاقات میں اہم پیشرفت سامنے آئی ہے۔ آزاد کشمیر کے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کےبعد بھی مشترکہ حکمت عملی کےتحت آگےبڑھنے پر اتفاق کیا ہے۔ طے پایا کہ دونوں جماعتوں کی مشترکہ رابطہ کمیٹی امیدواروں کی حمایت کا حتمی اعلان جلدکرے گی۔
لومئیربرادرز اپنی ایجاد پر بہت مسرور تھے، وہ جہاں بھی اپنا سینما لے کر جاتے لوگ ششدر رہ جاتے ، وہ یہ کھیل تماشہ لے کر ہندوستان بھی آئے تھے
دونوں قائدین نے مسلح افواج اوراداروں کی مسئلہ کشمیر اجاگر کرنے کی کوششوں کی تعریف کی۔ ملاقات میں آئی پی پی کی جانب سے سردار امتیاز،سردارافتخار رشید اور سردارمنظور ایڈووکیٹ موجود تھے۔ سردارمحمود خان، سردار شجاع منگول، شبدیزصابر سمیت دیگر آئی پی پی رہنما بھی شریک ہوئے۔ جبکہ مسلم کانفرنس کے سردارعثمان عتیق،ڈاکٹرعرفان اشرف،سردارعفان عتیق،راجاعبدالجبار اور دیگر نے شرکت کی۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار