عظمیٰ بخاری کی نومنتخب کورٹس جرنلسٹس یونین عہدیداران کو مبارکباد
اشاعت کی تاریخ: 1st, February 2026 GMT
لاہور:(نیوزڈیسک) وزیر اطلاعات پنجاب عظمیٰ بخاری نے لاہور ہائیکورٹ کی کورٹس جرنلسٹس ایسوسی ایشن کے نومنتخب عہدیداروں کو مبارکباد پیش کی ہے۔
انہوں نے ایسوسی ایشن کے صدر محمد اشفاق اور جنرل سیکرٹری محمد ہارون کے لیے نیک خواہشات کا اظہار کیا۔
عظمیٰ بخاری نے سینئر نائب صدر عمران احسان، نائب صدر زین العابدین، فنانس سیکرٹری رانا بلال، نائب صدر لوئر کورٹ نعمان نور، انفارمیشن سیکرٹری سلیمان اعوان اور سیکرٹری ڈیجیٹل میڈیا اسد شاہ سمیت دیگر منتخب عہدیداروں کو بھی مبارکباد دی۔
وزیر اطلاعات پنجاب نے اپنے پیغام میں کہا کہ کورٹس جرنلسٹس ایسوسی ایشن کے نومنتخب عہدیداروں کے لیے نیک تمناؤں کا اظہار کرتی ہوں۔ انہوں نے کہا کہ کورٹس رپورٹرز عدالتی کارروائیوں کو عوام تک پہنچانے کا فریضہ ذمہ داری سے ادا کرتے ہیں۔
عظمیٰ بخاری کا مزید کہنا تھا کہ عدالتی رپورٹرز گرمی، سردی، دھوپ اور بارش جیسے مشکل حالات میں بھی اپنی پیشہ ورانہ ذمہ داریاں احسن انداز میں سرانجام دیتے ہیں، جو قابل تحسین ہے۔
.
ذریعہ
ذریعہ: Daily Mumtaz
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا