جے یو آئی کا 8 فروری کو پشاور میں احتجاج کا اعلان
اشاعت کی تاریخ: 1st, February 2026 GMT
سٹی42: جمعیت علمائے اسلام صوبائی اور وفاقی حکومت کیخلاف میدان میں آگئی، 8فروری کو پشاور میں احتجاجی مظاہرے کا اعلان کر دیا۔
مفتی محمود مرکز پشاور میں مجلس عاملہ کے اجلاس کا انعقاد کیا گیا جس میں جے یو آئی نے صوبائی اور وفاقی حکومت کے خلاف احتجاجی مظاہرے کا اعلان کر دیا۔ پارٹی قیادت کے مطابق احتجاج 8 فروری کو پشاور میں کیا جائے گا، جس میں بدامنی، کرپشن اور صوبے کو درپیش سنگین مسائل پر حکومت کی کارکردگی کے خلاف آواز بلند کی جائے گی۔
چور شادی پر جانے والی فیملی کے گھر کا صفایا کر گئے
جے یو آئی کے رہنما جلیل جان نے کہا کہ احتجاج کا فیصلہ مفتی محمود مرکز پشاور میں ہونیوالے مجلس عاملہ کے اجلاس میں کیا گیا۔اجلاس میں اس بات پر تشویش کا اظہار کیا گیا کہ صوبے میں امن و امان کی صورتحال مسلسل خراب ہو رہی ہے جبکہ حکومتی سطح پر مسائل کے حل میں کوئی سنجیدگی نظر نہیں آ رہی۔ انہوں نے کہا کہ اجلاس کے دوران تیراہ اور کرم کے متاثرین کے لیے 4 ارب روپے کی منظوری کے باوجود متاثرہ خاندانوں کی نقل مکانی سے متعلق ابہام پر افسوس کا اظہار کیا گیا۔ جلیل جان کے مطابق متاثرین کو ریلیف نہ ملنا حکومتی نااہلی کا واضح ثبوت ہے۔
آزاد کشمیر کے طلبا نے مقبوضہ جموں و کشمیر کی جدوجہد آزادی کو مشترکہ ذمہ داری قرار دے دیا
جے یو آئی قیادت کا کہنا ہے کہ پشاور میں ہونے والا احتجاج بھرپور اور منظم ہوگا، جس میں کارکنان اور عوام کی بڑی تعداد شرکت کرے گی، تاکہ حکومت کو عوامی مسائل کی سنگینی کا واضح پیغام دیا جا سکے۔
.
ذریعہ
ذریعہ: City 42
کلیدی لفظ: جے یو ا ئی پشاور میں کیا گیا
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ