بھٹوز اور40 وڈیروں نےسندھ کو یرغمال بنارکھاہے: نعیم الرحمان
اشاعت کی تاریخ: 1st, February 2026 GMT
کراچی:(نیوزڈیسک) امیر جماعت حافظ نعیم الرحمان نے کہا ہے بھٹو خاندان اور40 وڈیروں نےسندھ کو یرغمال بنایا ہوا ہے۔
شہرِ قائد میں میڈیا سے گفتگو کرتے ہوئے حافظ نعیم الرحمان کا کہنا تھا کہ شرکاء شہر کی امید بن کر سامنے آئے ہیں، لوگ اس شہر کو آگے بڑھتا دیکھنا چاہتے ہیں۔
اُنہوں نے کہا کہ یہ شہرسندھی، بلوچوں،پختونوں ،کشمیریوں ہزاروالوں کا بھی شہر ہے، شہر کے دو کروڑ نوجوانوں کو روزگا چاہیے، حکمران طبقےکاایک اتحادہے،جو وڈیروں اور جاگیرداروں کا ہے۔
امیر جماعت اسلامی کا کہنا تھا کہ جب گل پلازہ کاواقعہ ہوا، اِس شہر کا میئر23گھنٹے بعد پہنچا، بلاول اورزرداری صاحب گل پلازہ پرنہیں آئے، میں وزیراعظم سے پوچھنا چاہتا ہوں، یہ شہر 42 فیصد ٹیکس دیتا ہے۔
حافظ نعیم الرحمان نے کہا کہ لوگ آگ میں جل گئے اورشہبازشریف آج تک کراچی نہیں پہنچے، لوگ جل رہےہوتےہیں،گٹرمیں گر رہے ہوتے ہیں تو ایم کیو ایم اور پی پی نورا کشتی کرتے ہیں، مہاجروں کوسندھی اورسندھیوں کومہاجرسےلڑوانےکی کوشش کی جاتی ہے۔
اُن کا کہنا تھا کہ صوبے پر نہ وفاق کا قبضہ چلے گا نہ صوبے کا،آئین کی حکومت چاہیے، ایم ڈی اے،ایل ڈی اےبنا دیا،کراچی بلڈنگ کو سندھ بلڈنگ کنٹرول اتھارٹی بنا دیا، ہمیں بااختیار شہری حکومت کا نظام چاہیے، بھٹوکاخاندان اور40 وڈیروں نےسندھ کو یرغمال بنایا ہواہے۔
امیر جماعت اسلامی نے مزید کہا کہ آج سےاس شارع فیصل سےعظیم تحریک کا آغاز کر رہے ہیں، کیا آپ طویل دھرنے کے لیے تیار ہیں؟ اگر سی ایم ہاؤس کی جانب بڑھنے کا کہوں تو کیا آپ تیار ہیں۔
.
ذریعہ
ذریعہ: Daily Mumtaz
پڑھیں:
نیشنل اسپیشل گیمز: کراچی میں فٹبال ٹورنامنٹ کے بعد اختتامی تقریب کا انعقاد
اسپیشل اولمپکس پاکستان کے تحت نیشنل اسپیشل گیمز 2026کے دوسرے اور آخری مرحلہ میں کراچی میں فٹبال ٹورنامنٹ کے بعد میڈلز تقسیم اور اختتامی تقریب کاانعقاد ہوا۔
اسپیشل اولمپکس پاکستان کی روح رواں رونق لاکھانی نے استقبالی کلمات ادا کیے، ان کا کہنا تھاکہ گیمز میں ملک بھر سے ایک پلیٹ فارم پر جمع ہونے والے خصوصی کھلاڑیوں نے شاندار کارکردگی کا مظاہرہ کر کے ثابت کیا کہ وہ کسی سے کم نہیں۔
رونق لاکھانی نے گیمز کو کامیاب بنانے میں اسپانسرز اور ڈونرز بشمول میکڈونلڈ، پاکستان او ایم آئی اور فیصل بینک کا خصوصی شکریہ ادا کیا،انہوں نے کہا کہ خصوصی افراد کی سرپرستی کرتے ہوئے ان کو بھرپور اعتماد دینا چاہیے تاکہ وہ معاشرے کا مضبوط انگ بن سکیں۔
مہمان خصوصی راحل اعجاز کا کہنا تھا کہ سماجی ذمہ داری کے تحت ہم مثبت سرگرمیوں کو فروغ دے رہے ہیں، اسپیشل اولمپکس پاکستان کی خصوصی کھلاڑیوں کے لیے کاوشیں قابل قدر ہیں۔
فٹبال ٹورنامنٹ کے لیے خصوصی طور پر کینیڈا سے آنے والی فیفا فٹبال کوچ کرن غوری نے کہا کہ ایونٹ میں شریک بوائز اور گرلز کھلاڑیوں نے شاندار کارکردگی کا مظاہرہ کرتے ہوئے دل جیت لیے اور ثابت کیا کہ ان کی صلاحیتیں کسی سے ہرگز کم نہیں، جیسمین نے خصوصی کھلاڑیوں کی نمائندگی کرتے ہوئے بہترین سہولیات کی فراہمی پر اسپیشل اولمپکس پاکستان کا شکریہ ادا کیا۔
فٹبال چیمپئن شپ کے بوائز ایونٹ کی ایک کیٹگری میں فیڈرل ایریاز نے پہلی خیبر پختونخواہ نے دوسری اور سندھ نے تیسری پوزیشن حاصل کی،بی کیٹگری میں گلگت بلتستان فاتح رہا اور گولڈ میڈل اپنے نام کیا جبکہ بلوچستان نے دوسری پوزیشن کے ساتھ سلور اور سندھ نے سوئم رہ کر برانز میڈل حاصل کیا۔
قبل ازیں گیمز میں شریک ٹیموں نے مارچ پاسٹ کیا اور سلامی دی،آخر میں کامیاب ٹیموں اور ان کے کھلاڑیوں میں میڈلز تقسیم کیے گئے،اگلے گیمز پنجاب میں ہوں گے، گیمز کا مقصد ذہنی معذوری والے کھلاڑیوں کو صلاحیتوں اور کھیل میں مہارت کا مظاہرہ کرنے کے لیے ایک بہترین پلیٹ فارم فراہم کرنا تھا، گیمز کے ذریعہ چلی کے شہر چسینٹیاگو میں ہونے والے ورلڈ سمر اسپیشل گیمز تیاریوں کا اہم حصہ ہے۔
نیشنل گیمز کے بعد کھلاڑی سلیکشن کیمپوں میں شرکت کریں گے، جہاں سے 85 کھلاڑیوں کا انتخاب 10 کھیلوں کے لیے کیا جائے گا جو 15 سے 23 اکتوبر 2027 تک سانتیاگو (چلی) میں پاکستان کی نمائندگی کریں گے۔، خیبر پختونخوا اور گلگت بلتستان سے تعلق رکھنے ذہنی معذوری کا شکار 82 کھلاڑیوں نے شرکت کی۔
نیشنل گیمز کے بعد کھلاڑی سلیکشن کیمپوں میں شرکت کریں گے جہاں سے 85 کھلاڑیوں کا انتخاب 10 کھیلوں کے لیے کیا جائے گا جو 15 سے 23 اکتوبر 2027 تک سانتیاگو (چلی) میں پاکستان کی نمائندگی کریں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار