ہالینڈ، شہریت قوانین میں بڑی تبدیلی، اوورسیز کیلئے 10 سالہ رہائشی شرط ختم
اشاعت کی تاریخ: 1st, February 2026 GMT
ایمسٹرڈیم:(ویب ڈیسک) یورپی ملک ہالینڈ نے اپنے شہریت کے قوانین میں ایک اہم تبدیلی کرتے ہوئے غیر ملکی شہریوں کے لیے 10 سال کی لازمی رہائش کی شرط ختم کر دی۔ جسے شہریت کے حصول کی راہ میں ایک بڑی سہولت قرار دیا جا رہا ہے۔
غیر ملکی خبر رساں ایجنسی کے مطابق ڈچ حکومت نے دوہری شہریت سے متعلق موجودہ قوانین میں کوئی تبدیلی نہیں کی۔ تاہم شہریت حاصل کرنے کے عمل کو آسان بنا دیا گیا ہے۔
نئے قوانین کے تحت اب غیر ملکی شہریوں کو ہالینڈ کی شہریت حاصل کرنے کے لیے 10 سال تک ملک میں قیام کی شرط پوری کرنا ضروری نہیں ہو گا۔ تاہم موجودہ قوانین کے مطابق ہالینڈ کی شہریت حاصل کرنے کے خواہشمند افراد کو اپنی دوسری قومیت ترک کرنا ہو گی۔ کیونکہ نیدرلینڈز میں دوہری شہریت کی اجازت نہیں دی جاتی۔
واضح رہے کہ نیدرلینڈز اور آسٹریا یورپی یونین کے وہ واحد ممالک ہیں جہاں نئے شہریوں کو دوہری شہریت رکھنے کی اجازت حاصل نہیں۔ جبکہ اس کے برعکس جرمنی نے حال ہی میں ایسا قانون منظور کیا ہے۔ جس کے تحت شہری اپنی اصل قومیت برقرار رکھتے ہوئے نئی شہریت حاصل کر سکتے ہیں۔
قانونی ماہرین کا کہنا ہے کہ ڈچ شہریوں کو ایک سے زیادہ پاسپورٹ رکھنے کی اجازت دینا جبکہ نئے شہریوں کو اس سہولت سے محروم رکھنا امتیازی سلوک کے زمرے میں آتا ہے۔
.
ذریعہ
ذریعہ: Daily Mumtaz
پڑھیں:
پنجاب حکومت کا مفت سفر کی سہولت سے متعلق اہم پالیسی تبدیلی پر غور
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے لاہور سمیت صوبہ بھر میں شہریوں کو دی جانے والی مفت سفری سہولت کے مستقبل سے متعلق اہم پالیسی تبدیلی پر غور شروع کر دیا ۔ ذرائع کے مطابق مفت سفری سہولت کو پیٹرولیم مصنوعات کی قیمتوں سے مشروط کرنے کا فیصلہ کیا گیا ہے۔ محکمہ ٹرانسپورٹ کی جانب سے وزیراعلی پنجاب کو دی گئی بریفنگ میں بتایا گیا کہ اگر پیٹرول کی قیمتیں 300روپے فی لیٹر تک پہنچ جاتی ہیں تو مفت سفری سہولت فوری طور پر ختم کیے جانے کا امکان ہے، اس حوالے سے آئندہ ہفتے حتمی فیصلہ متوقع ہے۔ لاہور سمیت صوبہ بھر میں دی گئی مفت سفری سہولت میں مزید توسیع نہ کرنے کی تجویز بھی زیر غور ہے،اس کے ساتھ یہ امکان بھی ظاہر کیا جا رہا ہے کہ مفت سفر کی سہولت جلد ختم کر دی جائے۔(جاری ہے)
رپورٹ میں بتایا گیا کہ گزشتہ دو ماہ کے دوران صوبہ بھر میں 7کروڑ سے زائد مسافروں نے اس سہولت سے فائدہ اٹھایا۔یہ مفت سفری سہولت پیٹرولیم مصنوعات کی قیمتوں میں اضافے کے باعث متعارف کروائی گئی تھی اور اس کا اطلاق مختلف پبلک ٹرانسپورٹ سروسز پر کیا گیا تھا جن میں میٹرو بس، اورنج لائن ٹرین، الیکٹرو بس ،سپیڈو بس سروس سروس شامل تھیں۔
حکام کے مطابق موجودہ معاشی صورتحال اور ایندھن کی قیمتوں میں اتار چڑھا کو مدنظر رکھتے ہوئے اس پالیسی کا دوبارہ جائزہ لیا جا رہا ہے جبکہ حتمی فیصلہ اعلی سطحی مشاورت کے بعد کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ