سندھ پروفیسر اینڈ لیکچرارز ایسوسی ایشن کا مطالبات کی منظوری کیلیے احتجاج
اشاعت کی تاریخ: 2nd, February 2026 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)سندھ پروفیسر اینڈ لیکچررز ایسوسی ایشن (سپلا)نے اپنے مطالبات کی منظوری کے لیے احتجاجی مظاہرہ کرتے ہوئے بلاول ہائوس کراچی کے سامنے 12فروری کو دھرنادینے کا اعلان کر دیا۔اس سلسلے میں سپلا حیدرآباد ریجن کے صدر پروفیسر عبدالحلیم درس، پروفیسر ممتاز لغاری، پروفیسر خرم رفیع، پروفیسر افشین پیرزادو، پروفیسر شہزاد زئی، پروفیسر ماروی خان اور دیگر رہنمائوں کی قیادت میں حیدرآباد پریس کلب کے سامنے احتجاجی مظاہرہ کیا گیا، جہاں مظاہرین نے شدید نعرے بازی کی۔مظاہرے سے خطاب کرتے ہوئے رہنمائوں نے کہا کہ دنیا بھر میں اساتذہ کو بہترین سہولیات فراہم کی جاتی ہیں، مگر بدقسمتی سے سندھ کے اساتذہ اپنی جائز سہولیات اور مراعات سے محروم ہیں۔ انہوں نے کہا کہ سندھ کے کالج اساتذہ ترقیوں، فائیو ٹائر گریڈ اور نئے ایس این اے سے محروم ہیں، حالانکہ 10نکاتی چارٹر آف ڈیمانڈ حکومت کو کافی عرصہ قبل پیش کیا جا چکا ہے اور بارہا دہرا بھی رہے ہیں، لیکن اس پر تاحال عمل درآمد نہیں ہو رہا۔رہنمائوں نے خبردار کیا کہ اگر ان کے مسائل حل نہ کیے گئے تو 12فروری 2026 کو بلاول ہائوس کراچی کے سامنے دھرنا دیا جائے گا۔
ذریعہ
ذریعہ: Jasarat News
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا