کراچی میں دو پولیس مقابلے، دو زخمیوں سمیت تین ڈاکو گرفتار
اشاعت کی تاریخ: 2nd, February 2026 GMT
کراچی:
شہر قائد میں پولیس نے دو الگ الگ مبینہ مقابلوں کے دوران دو زخمیوں سمیت تین ڈاکوؤں کو گرفتار کر لیا۔
چھیپا حکام کے مطابق پہلا مقابلہ شاہ لطیف پولیس نے سیکٹر 31 بی نیازی چوک کے قریب کیا، جہاں فائرنگ کے تبادلے کے بعد دو ڈاکوؤں کو گرفتار کیا گیا، جن میں ایک زخمی بھی شامل ہے۔
پولیس کے مطابق زخمی حالت میں گرفتار ملزم کو جناح اسپتال منتقل کر دیا گیا، جبکہ دوسرے گرفتار ملزم ریاض کو تھانے منتقل کر کے تفتیش شروع کر دی گئی ہے۔
مزید پڑھیںکراچی، اورنگی ٹاؤن میں مسلح ڈاکوؤں کے خلاف پولیس مقابلہ، 2 گرفتار، ایک فرار
کراچی، رینجرز اور ایس آئی یو کی مشترکہ کارروائی، مقابلے کے بعد تین بھتہ خور زخمی حالت میں گرفتار
پولیس کا کہنا ہے کہ گرفتار ملزمان کے قبضے سے دو پستول، موبائل فونز، نقد رقم اور ایک چوری شدہ گائے بھی برآمد ہوئی ہے۔
دوسرا مبینہ مقابلہ ابراہیم حیدری پولیس نے کورنگی کے علاقے پنجابی پاڑہ کے قریب کیا، جہاں فائرنگ کے تبادلے کے بعد ایک ڈاکو زخمی حالت میں گرفتار ہوا۔
چھیپا حکام کے مطابق زخمی ڈاکو کو جناح اسپتال منتقل کیا گیا، جس کی شناخت سلطان کے نام سے ہوئی ہے۔
.
ذریعہ
ذریعہ: Express News
پڑھیں:
مردان: گھر سے خاتون سمیت 3 افراد کی لاشیں برآمد
مردان: خیبرپختونخوا کے ضلع مردان کے علاقے شیخ ملتون سیکٹر بی میں ایک گھر سے خاتون سمیت تین افراد کی لاشیں برآمد ہونے کا واقعہ سامنے آیا ہے۔
ریسکیو 1122 کے مطابق اطلاع موصول ہوتے ہی میڈیکل ٹیم فوری طور پر موقع پر پہنچ گئی اور پولیس کی موجودگی میں کارروائی کا آغاز کیا گیا۔
ریسکیو حکام کے مطابق تینوں لاشوں کو قانونی کارروائی اور ضروری معائنے کے لیے مردان میڈیکل کمپلیکس (ایم ایم سی) اسپتال منتقل کر دیا گیا ہے۔
ابتدائی اطلاعات کے مطابق جاں بحق افراد کی شناخت جلال، زوجہ جلال اور مصطفیٰ کے ناموں سے ہوئی ہے۔
واقعے کی وجوہات فوری طور پر سامنے نہیں آسکیں، جبکہ پولیس نے معاملے کی تحقیقات شروع کر دی ہیں۔ حکام کا کہنا ہے کہ پوسٹ مارٹم اور تفتیشی عمل مکمل ہونے کے بعد واقعے کی اصل نوعیت واضح ہو سکے گی۔
پولیس اور متعلقہ ادارے مختلف پہلوؤں سے واقعے کا جائزہ لے رہے ہیں، جبکہ اہلِ علاقہ میں واقعے کے بعد تشویش کی لہر دوڑ گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ