وزیر اعظم کا گلگت بلتستان میں ڈیڑھ لاکھ سولر پینلز مفت تقسیم کرنے کا اعلان
اشاعت کی تاریخ: 2nd, February 2026 GMT
وزیر اعظم محمد شہباز شریف نے گلگت بلتستان کے عوام کے لیے ایک تاریخی سولر پینل اسکیم کا باقاعدہ اعلان کر دیا ہے جس کے تحت خطے میں بجلی کے بحران پر قابو پانے کے لیے 1 لاکھ 47 ہزار 873 سولر پینلز مفت تقسیم کیے جائیں گے۔ اسلام ٹائمز۔ وزیر اعظم محمد شہباز شریف نے گلگت بلتستان کے عوام کے لیے ایک تاریخی سولر پینل اسکیم کا باقاعدہ اعلان کر دیا ہے جس کے تحت خطے میں بجلی کے بحران پر قابو پانے کے لیے 1 لاکھ 47 ہزار 873 سولر پینلز مفت تقسیم کیے جائیں گے۔حکومت کے اس اقدام کا مقصد گلگت بلتستان کے دور افتادہ پہاڑی علاقوں میں صاف اور سستی توانائی فراہم کرنا ہے جہاں نیشنل گرڈ کی عدم دستیابی اور سخت موسم کے باعث بجلی کی شدید قلت رہتی ہے۔ اس منصوبے کے تحت مجموعی طور پر 58.
اس پروگرام سے نہ صرف عام شہری بلکہ چھوٹے و درمیانے درجے کے کاروبار، اسکول، کلینک اور آئی ٹی سیکٹر سے وابستہ ادارے بھی مستفید ہو سکیں گے۔ اسکیم کی شفافیت کو یقینی بنانے کے لیے تمام اضلاع میں میرٹ کی بنیاد پر تقسیم کا طریقہ کار وضع کیا گیا ہے۔ خواہشمند افراد اپنی درخواستیں جلد فعال ہونے والے آن لائن سرکاری پورٹل پر جمع کروا سکیں گے یا متبادل طور پر ڈپٹی کمشنر اور اسسٹنٹ کمشنر کے دفاتر میں دستی فارم جمع کرائے جا سکتے ہیں۔ تمام درخواستوں کی ضلعی سطح پر تکنیکی جانچ پڑتال اور مقامی معائنہ کیا جائے گا جس کے بعد حتمی فہرستیں جاری ہوں گی۔ حکام نے واضح کیا ہے کہ یہ پینلز ناقابل فروخت اور ناقابل منتقلی ہوں گے اور ان کا مقصد خالصتاً عوامی سہولت اور ماحول دوست توانائی کو فروغ دینا ہے۔
ذریعہ
ذریعہ: Islam Times
کلیدی لفظ: گلگت بلتستان سولر پینلز کے لیے
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا