پاکستان قازقستان تعلقات میں نئی پیش رفت، قازق صدر قاسم توکایف کل اسلام آباد پہنچیں گے
اشاعت کی تاریخ: 2nd, February 2026 GMT
جمہوریہ قازقستان کے صدر قاسم جومارت توکایف 3 اور 4 فروری کو پاکستان کا پہلا سرکاری دورہ کریں گے۔ یہ دورہ وزیر اعظم شہباز شریف کی دعوت پر کیا جا رہا ہے۔ اس بات کا اعلان پیر کو وزارتِ خارجہ نے کیا۔
وزارتِ خارجہ کی جانب سے سوشل میڈیا پلیٹ فارم ایکس (سابق ٹوئٹر) پر جاری بیان کے مطابق، صدر توکایف اپنے دورے کے دوران صدرِ پاکستان آصف علی زرداری سے ملاقات کریں گے، جبکہ وزیر اعظم شہباز شریف سے تفصیلی مذاکرات بھی کریں گے۔
بیان میں کہا گیا ہے کہ صدر توکایف پاکستان قازقستان بزنس فورم سے بھی خطاب کریں گے، جس میں دونوں ممالک کے تاجر، سرمایہ کار اور کاروباری نمائندے شریک ہوں گے۔
صدر قازقستان کے ہمراہ ایک اعلیٰ سطحی وفد بھی پاکستان آئے گا، جس میں سینئر کابینہ اراکین اور اعلیٰ سرکاری افسران شامل ہوں گے۔
دوطرفہ تعلقات کا جامع جائزہوزارتِ خارجہ کے مطابق، یہ دورہ دونوں ممالک کو دوطرفہ تعلقات کا جامع جائزہ لینے کا اہم موقع فراہم کرے گا۔ مذاکرات میں بالخصوص تجارت، لاجسٹکس، علاقائی رابطہ کاری، عوامی روابط (People-to-People Contacts) علاقائی اور عالمی فورمز پر تعاون جیسے شعبوں میں تعاون کو فروغ دینے کے امکانات پر بات چیت کی جائے گی۔
????PR No.
Curtain Raiser: Visit of the President of the Republic of Kazakhstan to Pakistan, February 3-4 2026https://t.co/XyhgHEcMLK
????⬇️ pic.twitter.com/uWYCVbMB5P
— Ministry of Foreign Affairs – Pakistan (@ForeignOfficePk) February 2, 2026
بیان میں کہا گیا ہے کہ صدر توکایف کا دورہ اس بات کا مظہر ہے کہ پاکستان اور قازقستان کے درمیان تعلقات مضبوط ہو رہے ہیں، اور دونوں ممالک تاریخی و ثقافتی رشتوں کو موثر اور مضبوط تعاون میں تبدیل کرنے کے لیے پرعزم ہیں۔ دونوں ملک خطے میں امن اور ترقی کے مشترکہ خواہاں ہیں۔
ازبک صدر بھی 5 اور 6 فروری کو پاکستان آئیں گےاسی دوران، صدر ازبکستان شوکت مرزیایوف بھی 5 اور 6 فروری کو پاکستان کا دورہ کریں گے۔ ازبکستان کی سرکاری خبر رساں ایجنسی UzA کے مطابق، یہ دورہ پاکستان اور ازبکستان کے درمیان بڑھتے ہوئے سیاسی روابط کے تناظر میں ہو رہا ہے۔
پاکستان ازبک تجارت 2 ارب ڈالر تک بڑھانے کا ہدفUzA کے مطابق، اسلام آباد میں ہونے والے اعلیٰ سطحی مذاکرات کا مقصد دونوں ممالک کے درمیان تجارتی حجم کو آئندہ برسوں میں 2 ارب ڈالر تک بڑھانا ہے۔ مذاکرات کا مرکزی نکتہ اقتصادی تعاون کی ساختی تبدیلی ہو گا۔
ازبک وزارتِ سرمایہ کاری، صنعت اور تجارت کے حوالے سے بتایا گیا ہے کہ 5 اور 6 فروری کو اسلام آباد میں ازبکستان پاکستان بزنس فورم، میڈ اِن ازبکستان نمائش کا بھی انعقاد کیا جائے گا، جس کا مقصد دونوں ممالک کے درمیان تجارتی اور صنعتی تعاون کو فروغ دینا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان کے وزیر اعظم محمد شہباز شریف جمہوریہ قازقستان کے صدر قاسم جومارت توکایف
ذریعہ
ذریعہ: WE News
کلیدی لفظ: پاکستان کے وزیر اعظم محمد شہباز شریف قازقستان کے دونوں ممالک کے درمیان کے مطابق فروری کو کریں گے
پڑھیں:
قادر آباد بیراج پر اونچے درجے کا سیلاب، چناب میں پانی کا بہاؤ بڑھ گیا
محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔ اسلام ٹائمز۔ دریائے چناب میں پانی کے بہاؤ میں اضافے کے بعد قادر آباد بیراج پر اونچے جبکہ مرالہ اور خانکی بیراج پر درمیانے درجے کا سیلاب ریکارڈ کیا گیا ہے۔ محکمہ انہار کے مطابق ہیڈ مرالہ پر پانی کی آمد ایک لاکھ 95 ہزار 856 کیوسک جبکہ اخراج ایک لاکھ 60 ہزار 108 کیوسک ریکارڈ کیا گیا، جہاں درمیانے درجے کا سیلاب ہے اور پانی کے بہاؤ میں اضافہ ہو رہا ہے۔
خانکی بیراج پر پانی کی آمد ایک لاکھ 65 ہزار 438 کیوسک اور اخراج ایک لاکھ 60 ہزار 108 کیوسک ریکارڈ کیا گیا، جہاں نچلے سے درمیانے درجے کا سیلاب ہے۔ محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار