تنظیمات اہلسنت پاکستان نے ایک بار پھر بیگناہ افراد کی رہائی کا مطالبہ کر دیا
اشاعت کی تاریخ: 2nd, February 2026 GMT
قاٸدین نے ایک بار پھر سانحہ مریدکے کے حوالے سے عدالتی کمیشن اور مسلکی تعصب کے حوالے سے تحقیقات کے مطالبے کو دہرایا اور کہا کہ حکومت سنجیدگی کا مظاہرہ کرے اور حقوق اہل سنت کا ہر قیمت پر تحفظ کا اعادہ کیا گیا، سربراہ سنی اتحاد کونسل صاحبزادہ حامد رضا پر قاٸم مقدمات بلاجواز ہیں فوری ختم کرکے انکو رہا کیا جاٸے۔ اسلام ٹائمز۔ قاٸدین تنظیمات اہلسنت پاکستان نے ایک بارپھر حکومت سے مطالبہ کیا ہے بیگناہ سنی کارکنوں کو فی الفور رہا کیا جاٸے اور مسجد رحمتہ اللعالمین کو نماز پنجگانہ کے کھولا جاٸے، قاٸدین تحریک لبیک کو عدالت کے سامنے پیش کیا جاٸے تاکہ انصاف کے تقاضے پورے ہوں۔ قاٸدین نے ایک بار پھر سانحہ مریدکے کے حوالے سے عدالتی کمیشن اور مسلکی تعصب کے حوالے سے تحقیقات کے مطالبے کو دہرایا اور کہا کہ حکومت سنجیدگی کا مظاہرہ کرے اور حقوق اہل سنت کا ہر قیمت پر تحفظ کا اعادہ کیا گیا، سربراہ سنی اتحاد کونسل صاحبزادہ حامد رضا پر قاٸم مقدمات بلاجواز ہیں فوری ختم کرکے انکو رہا کیا جاٸے۔
سنی کنونشن سے سابق وفاقی وزیر پیر سید حامد سعید کاظمی، پیرعبدالخالق القادری، ناٸب صدر مسلم لیگ فنکشنل پیرزادہ محمد امین قادری، صدر محافظان نظریہ پاکستان مفتی مقیم خان، صدر وفاق المساجد پاکستان پیر معاذالمصطفیٰ، چیف آرگناٸزر جماعت اہلسنت پاکستان پنجاب سید اظہر شاہ ہمدانی، سید احسان گیلانی، پیرعبدالمطلب قادری، مولانا نوراحمد قاسمی، صوباٸی صدر سنی تحریک مفتی عارف سعیدی، علامہ عقیل انجم جے یو پی سمیت علماء کرام مفتیان و مشاٸخ عظام کی کثیر تعداد شریک تھی۔ اعلامیہ میں فتنةالہندوستان کی بلوچستان میں دہشت گردی کی پر زور مذمت کرتے ہوٸے قاٸدین نے پاک فوج اور سویلین کی شہادت پر غم اور لواحقین سے ہمدردی کا اظہار کیا۔
ذریعہ
ذریعہ: Islam Times
کلیدی لفظ: کے حوالے سے کیا جاٸے نے ایک
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا