ہر وہ لڑکی لازمی بیمار ہوگی جس کا نام ’ش‘ سے شروع ہوگا، آسیبی اثرات پر نیا دعویٰ سامنے آگیا
اشاعت کی تاریخ: 2nd, February 2026 GMT
خود کو روحانی شخصیت قرار دینے والے پیر یوسف گیلانی کے خواتین کے ناموں سے متعلق دیے گئے بیان نے سوشل میڈیا پر بحث چھیڑ دی ہے۔
ایک پوڈ کاسٹ میں پیر یوسف گیلانی نے دعویٰ کیا کہ جن لڑکیوں کے نام حرف ’ش‘ سے شروع ہوتے ہیں ان پر آسیبی اثرات ہوتے ہیں اور اگر ان کی عمر 30 سال سے زیادہ ہو جائے تو وہ بیمار ہو جائے گی کیونکہ ان ناموں پر اثرات عاشق ہیں۔
ہر وہ لڑکی جس کا نام ش سے شروع ہوتا ہے اس نے بیمار ہونا ہی ہونا ہے ش سے شروع ہونیوالے نام پر آسیبی اثرات ہوتے ہیں 30 سال سے زیادہ عمر ہو جائے گی تو ایسی لڑکی بیمار ہو جائے گی ! پیر یوسف گیلانی ۔۔ pic.
— AMJAD KHAN (@iAmjadKhann) February 1, 2026
اس بیان کے بعد سوشل میڈیا صارفین میں مختلف آراء سامنے آئی ہیں۔ کئی صارفین نے اس بیان کو توہم پرستی پر مبنی قرار دیا جبکہ کچھ صارفین نے اس کا مذاق اڑاتے ہوئے ردعمل دیا۔
سوشل میڈیا صارف سحرش نے طنزیہ انداز میں سوال کیا ’پیر صاحب جس لڑکی کا نام ش سے ختم ہوتا ہے، وہ تو بچ جائے گی نا‘؟
پیر صاحب سے سوال ہے جس لڑکی کا نام ش سے ختم ہوتا ہے وہ تو بچ جائے گی نا۔؟???????? https://t.co/QcxsyJPy6W
— Sehrish Maan (@SMunirMaan) February 1, 2026
ایک صارف نے کہا کہ میری پھوپھو کا نام ش سے شروع ہوتا ہے اور ان کی عمر 60 سال سے زیادہ ہے وہ تو 30 سال کی عمر کے بعد بیمار نہیں ہوئیں تھیں۔
میری پھوپھو کا ش سے شروع ھوتا ھے اور انکی عمر 60 سال سے زیادہ ھے،وہ تو 30 سال کی عمر کے بعد بیمار نہی ھوئیں تھیں https://t.co/5Oa5H3UIcm
— Mango Jam (@Mangojam01) February 1, 2026
شہر بانو لکھتی ہیں کہ پیر صاحب نے تو ڈرا ہی دیا ہے کیونکہ ان کا نام بھی ’ش‘ سے شروع ہوتا ہے۔
یہ لیں انہوں نے تو ڈرا ہی دیا ???? https://t.co/N0PVpRl9k0
— Shehr Bano Official (@OfficialShehr) February 1, 2026
کئی صارفین یہ سوال کرتے نظر آئے کہ یہ سہولت صرف پاکستانیوں کے لیے ہے یا غیر ملکی خواتین جن کے نام ’ش‘ سے شروع ہوتے ہیں وہ بھی بیمار ہو سکتی ہیں۔ جبکہ کئی لوگوں نے طنزاً کہا کہ کون سے حرف والی خواتین بیمار نہیں ہوں گی تاکہ نام رکھنے میں آسانی ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیر پیر یوسف گیلانی پیر یوسف گیلانی کا دعویٰ ش سے نام
ذریعہ
ذریعہ: WE News
کلیدی لفظ: پیر پیر یوسف گیلانی پیر یوسف گیلانی سال سے زیادہ کا نام ش سے بیمار ہو ہوتے ہیں ہوتا ہے جائے گی ہو جائے کی عمر
پڑھیں:
کراچی کے سرکاری کالجز میں انٹرسال اول کیلیے داخلے شروع نہ ہوسکے، سوا لاکھ طلبا منتظر
محکمہ کالج ایجوکیشن سندھ واضح اعلان کے باوجود کراچی میں سرکاری کالجوں میں داخلہ شروع نہیں کرسکا ہے اور کم از کم سوا لاکھ طلبہ انٹر سال اول میں داخلوں کے منتظر ہیں۔
تفصیلات کے مطابق انٹر سال اول میں داخلہ یکم جون سے شروع ہونے تھے اس سلسلے میں 23 مئی کو قومی اخبارات میں اشتہارات جاری کیے گئے تھے جس کے مطابق تمام سرکاری کالجوں میں انٹر سال اول میں نویں جماعت کے نتائج کی بنیاد پر یکم جون سے داخلہ فارم کی رجسٹریشن شروع ہوجانی تھی جبکہ داخلہ فارم رجسٹریشن کی آخری تاریخ 15 جولائی مقرر کی گئی ہے۔
انٹر سال اول میں صرف کراچی کے سرکاری کالجوں میں سوا لاکھ کے قریب طلبہ داخلہ لیتے ہیں جن کے لیے سینٹرلائزڈ ایڈمیشن پالیسی کے تحت 6 مختلف فیکیلٹیز پری انجینئرنگ، پری میڈیکل، کمپیوٹر سائنس ، کامرس ، ہیومینیٹیز اور ہوم اکنامکس میں داخلے دیے جاتے ہیں۔
اس سلسلے میں جب میٹرک کا امتحان دینے والے داخلے کے خواہشمند طلبہ نے www.seccap.dgcs..gos.pk کے پورٹل پر داخلہ رجسٹریشن فارم تک پہنچنے کی کوشش کی تو معلوم ہوا کہ یہ پورٹل ہی بند ہے۔
ادھر "ایکسپریس" نے اس سلسلے میں ڈائریکٹر جنرل کالجز سندھ پروفیسر زاہد راجپر سے جب اس سلسلے میں رابطہ کیا تو ان کا کہنا تھا کہ تکنیکی وجوہات کی بنا پر پورٹل بند ہے ہماری ٹیکنیکل ٹیم کام کررہی ہے۔
انہوں نے کہا کہ پوری امید ہے کہ بدھ کی صبح تک پورٹل کھل جائے جس کے بعد طلبہ داخلے کے لیے اپلائی کرسکیں گے۔
ڈی جی کالجز کا یہ بھی کہنا تھا کہ اس بار ہم نے تمام سرکاری کالجوں میں "ڈیس ایبل" کوٹہ مختص کیا ہے تاکہ ایسے طلبہ اس کوٹے کی بنیاد پر اپنے قرب و جوار کے کالجوں میں بھی اپلائی کرسکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ