پیپلزپارٹی نئے صوبوں پر دوغلی سیاست کر رہی ہے،ایم کیو ایم رہنما زاہد ملک
اشاعت کی تاریخ: 2nd, February 2026 GMT
پیپلزپارٹی نئے صوبوں پر دوغلی سیاست کر رہی ہے،ایم کیو ایم رہنما زاہد ملک WhatsAppFacebookTwitter 0 2 February, 2026 سب نیوز
کراچی(آئی پی ایس) متحدہ قومی موومنٹ (ایم کیو ایم) کے مرکزی رہنما زاہد ملک نے نئے صوبوں کے قیام کے معاملے پر پاکستان پیپلزپارٹی پر دوغلی اور منافقانہ سیاست کرنے کا الزام عائد کیا ہے۔ ان کا کہنا ہے کہ پیپلزپارٹی ماضی میں نئے صوبوں کی حامی رہی ہے لیکن اب سیاسی مفاد کی خاطر یوٹرن لے رہی ہے۔
زاہد ملک نے کہا کہ پیپلزپارٹی 2012 میں صوبہ بہاولپور کی بحالی اور جنوبی پنجاب صوبے کے قیام کی کھل کر حمایت کرچکی ہے، حتیٰ کہ اس حوالے سے پنجاب اسمبلی میں متفقہ قرارداد کی بھی تائید کی گئی۔ انہوں نے سوال اٹھایا کہ اگر پنجاب میں نئے صوبوں کا قیام درست تھا تو سندھ اور کراچی کے لیے یہی اصول کیوں قابلِ قبول نہیں؟
ایم کیو ایم رہنما کا کہنا تھا کہ پیپلزپارٹی اگر واقعی عوامی مسائل کے حل میں سنجیدہ ہے تو انتظامی بنیادوں پر نئے صوبوں کے قیام کی مخالفت کیوں کر رہی ہے۔ انہوں نے کہا کہ 13 سال بعد نئے صوبوں کے معاملے پر یوٹرن لینا پیپلزپارٹی کی سیاسی منافقت کا واضح ثبوت ہے۔
زاہد ملک نے مزید کہا کہ جو چیز پنجاب کے لیے اچھی سمجھی جاتی ہے وہی سندھ اور کراچی کے لیے بُری کیوں قرار دی جا رہی ہے، یہ دہرا معیار ناقابلِ قبول ہے۔
انہوں نے پیپلزپارٹی اور پاکستان تحریک انصاف دونوں کی کارکردگی پر تنقید کرتے ہوئے کہا کہ پیپلزپارٹی گزشتہ 17 سال سے سندھ میں جبکہ پی ٹی آئی 13 سال سے خیبرپختونخوا میں اقتدار میں ہے، مگر دونوں صوبوں میں عوام کو بنیادی سہولیات فراہم کرنے میں ناکام رہی ہیں۔
زاہد ملک کا کہنا تھا کہ دونوں جماعتیں ایک دہائی سے زائد عرصہ سے اقتدار میں ہیں اوراپنی نااہلی کا الزام وفاق پر لگا رہی ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیراعظم سے عمران خان سے ملاقات کا کوئی مطالبہ نہیں کیا، وزیراعلیٰ سہیل آفریدی وزیراعظم سے عمران خان سے ملاقات کا کوئی مطالبہ نہیں کیا، وزیراعلیٰ سہیل آفریدی بلوچستان میں سکیورٹی فورسز کے سینیٹائزیشن آپریشنز جاری، 3 دن میں 177 دہشت گرد ہلاک ایپسٹین کیس میں تعلق ظاہر ہونے پر برطانوی سیاستدان نے لیبرپارٹی سے استعفیٰ دیدیا لندن: بانی ایم کیو ایم الطاف حسین کی طبیعت انتہائی ناساز، رات گئے اسپتال منتقل وزیراعظم اور وزیراعلیٰ کے پی کے درمیان ملاقات، سکیورٹی کی صورتحال سمیت اہم امور زیر غور سندھ طاس معاہدے کے مکمل اور منصفانہ نفاذ پر یقین رکھتے ہیں: وزیراعظمCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: کہ پیپلزپارٹی ایم کیو ایم زاہد ملک ایم کی رہی ہے کہا کہ کے لیے
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا