بھاٹی گیٹ کے قریب مین ہول میں گرنے والی ماں اور بچی کی پوسٹ مارٹم رپورٹ سامنے آگئی
اشاعت کی تاریخ: 2nd, February 2026 GMT
لاہور کے علاقے بھاٹی گیٹ میں کھلے مین ہول میں گرنے کے افسوسناک واقعے میں جاں بحق ہونے والی خاتون اور اس کی کمسن بچی کی پوسٹ مارٹم رپورٹ میں اہم انکشافات سامنے آگئے۔رپورٹ کے مطابق دونوں ماں بیٹی کی موت شدید جسمانی چوٹوں کے باعث ہوئی.جاں بحق خاتون سعدیہ اور 9 ماہ کی بچی ردا فاطمہ کے سروں پر گہرے زخموں کے واضح نشانات پائے گئے۔پوسٹ مارٹم رپورٹ میں بتایا گیا ہے کہ خاتون سعدیہ کے دائیں کندھے کی ہڈی ٹوٹی ہوئی تھی جب کہ اس کی کمر پر متعدد چوٹوں کے آثار موجود تھے۔رپورٹ میں یہ بھی انکشاف ہوا ہے کہ کمسن بچی ردا فاطمہ کی گردن کی ہڈی بھی ٹوٹی ہوئی پائی گئی جو اس بات کی نشاندہی کرتی ہے کہ گرنے کے دوران شدید ضرب لگی۔طبی رپورٹ میں واضح کیا گیا ہے کہ دونوں ماں بیٹی کی موت سر اور گردن کی ہڈیوں کے ٹوٹنے کے باعث واقع ہوئی۔پوسٹ مارٹم کو ایک خاتون ڈاکٹر نے انجام دیا جس کے بعد رپورٹ کو سیل کردیا گیا ہے۔
واضح رہے کہ یہ واقعہ بدھ کے روز پیش آیا تھا .
ذریعہ
ذریعہ: Nawaiwaqt
کلیدی لفظ: پوسٹ مارٹم رپورٹ میں
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار