پنجاب میں دہشتگردی کےخطرات، سی ٹی ڈی کو مزید فعال کرنیکا فیصلہ
اشاعت کی تاریخ: 2nd, February 2026 GMT
پنجاب میں دہشتگردی کےخطرات ،سی ٹی ڈی کو مزید فعال کرنیکا فیصلہ
لاہور(نیوزڈیسک)پنجاب میں دہشت گردی کےخطرات سےنمٹنےکےلیےسی ٹی ڈی کومزید فعال کرنے کا فیصلہ کرلیا گیا ہے۔
صوبائی کابینہ نےفوری طورپر1ارب50کروڑ روپےکی سپلیمنٹری گرانٹ کی منظوری دےدی،درخواست میں کہاگیاکہ اینٹی ڈرون یونٹس اورجدیدآلات کےلیےسب سےبڑی ڈیمانڈ،1ارب14کروڑ 9لاکھ67 ہزار روپے درکار ہیں،اےآئی بیسڈسافٹ ویئراپ گریڈیشن کےلیے 9 کروڑ 49 لاکھ روپےمانگےگئے،چوتھی شیڈولرز کی جی پی ایس اور سیلولر مانیٹرنگ پر 35 کروڑ روپےخرچ کرنےکی تجویز تھی۔
کمانڈ اینڈ کنٹرول اور نگرانی کی گاڑیوں کے لیے 20 کروڑ 84 لاکھ روپےکی ضرورت ہےجبکہ جدیداسالٹ ویپنز اور ایکسسریز کے لیے 45 کروڑ 99 لاکھ روپے کی ڈیمانڈ ہے۔
سی ٹی ڈی پنجاب نے ہنگامی ضروریات کےلیے3ارب7کروڑ25 لاکھ روپےکی اضافی فنڈزکی درخواست کی تھی،
پولیس حکام کے مطابق سی ٹی ڈی کوجدیدٹیکنالوجی سے لیس کیاجائےگاتاکہ دہشت گردوں کےخلاف موثرکاروائیاں جاری رکھی جاسکیں۔
ذریعہ
ذریعہ: Daily Mumtaz
کلیدی لفظ: سی ٹی ڈی
پڑھیں:
فورسز کی بلوچستان کے مختلف علاقوں میں کارروائیاں، 17 دہشتگرد ہلاک، آئی ایس پی آر
پاک فوج کے شعبہ تعلقات عامہ (آئی ایس پی آر) سے جاری بیان کے مطابق سیکیورٹی فورسز(security forces) نے 24 مئی 2026 کو پیش آنے والے ریل حادثے کے بعد خفیہ اطلاعات کی بنیاد پر بلوچستان کے اضلاع مستونگ، نوشکی، زہری، خضدار اور کیچ میں کارروائیاں کیں۔
بیان میں کہا گیا کہ ان کارروائیوں کے دوران سیکیورٹی اہلکاروں نے دہشت گردوں کے ٹھکانوں کو نشانہ بنایا اور شدید فائرنگ کے تبادلوں کے دوران بھارتی اسپانسرڈ فتنۃ الہندوستان کے 17 دہشت گردوں کو ہلاک کردیا اور ان علاقوں میں سرگرم دہشت گردی کے نیٹ ورکس کو بڑا دھچکا پہنچایا ہے۔
آئی ایس پی آر نے بتایا کہ بھارتی اسپانسرڈ ہلاک دہشت گردوں کے زیرقبضہ ہتھیار، باردو اور بڑے پیمانے دھماکا خیز مواد اور مواد تیار کرنے کی ڈیوائسز برآمد کرلی گئیں۔
بیان میں بتایا گیا کہ ہلاک دہشت گرد بلوچستان کے ان علاقوں میں دہشت گردی کے کئی اہم واقعات میں ملوث رہے تھے۔
مزید پڑھیں:پاکستان میں پٹرولیم مصنوعات کی کھپت میں 23 فیصد کمی
آئی ایس پی آر نے مزید بتایا کہ علاقے سے دہشت گردوں کے صفایا کرنے کے لیے سینیٹائزیشن آپریشن جاری ہے، سیکیورٹی فورسز اور پاکستان کے قانون نافذ کرنے والے اداروں کی عزم استحکام وژن کے تحت دہشت گردی کے خاتمہ کی مہم پوری رفتار سے جاری رہے گی تاکہ ملک سے بیرونی اسپانسرڈ اور تعاون سے جاری دہشت گردی کے ناسور کا مکمل خاتمہ ہو۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ