روس کا یوکرین میں بس پر ڈرون حملہ، 15 افراد جاں بحق
اشاعت کی تاریخ: 2nd, February 2026 GMT
یوکرین میں روسی ڈرون کے حملے کے نتیجے میں مزدوروں کو لے جانے والی بس نشانہ بن گئی، جس کے باعث 15 افراد ہلاک ہو گئے۔
بین الاقوامی میڈیا رپورٹس کے مطابق روس اور یوکرین کے درمیان جاری جنگ ایک بار پھر عام شہریوں اور محنت کش طبقے کے لیے جان لیوا ثابت ہوئی، جہاں روسی ڈرون حملے میں مزدوروں کو لے جانے والی بس کو نشانہ بنایا گیا۔ اس حملے کے نتیجے میں کم از کم 15 افراد جان سے ہاتھ دھو بیٹھے جبکہ 7 افراد شدید زخمی ہو گئے۔
غیر ملکی میڈیا رپورٹس کے مطابق نشانہ بننے والی بس میں موجود تمام افراد کان کن مزدور تھے جو کام مکمل کرنے کے بعد اپنی رہائش گاہوں کی جانب واپس جا رہے تھے۔
رپورٹ میں بتایا گیا ہے کہ حملہ اس قدر شدید تھا کہ بس مکمل طور پر تباہ ہو گئی، جس کے باعث جانی نقصان میں اضافہ ہوا، زخمیوں کو فوری طور پر قریبی اسپتال منتقل کیا گیا، جہاں بعض کی حالت تشویشناک بتائی جا رہی ہے۔
دوسری جانب یوکرین کے شہر دنیپرو میں بھی روسی ڈرون حملوں کے نتیجے میں تباہی دیکھنے میں آئی، جہاں ایک الگ واقعے میں ایک مرد اور ایک خاتون ہلاک جبکہ آٹھ افراد زخمی ہو گئے۔
یاد رہے کہ ان حملوں کے باوجود سفارتی سطح پر جنگ بندی کی کوششیں جاری ہیں۔ یوکرین، روس اور امریکا کے درمیان جنگ بندی سے متعلق دو روزہ مذاکرات 4 اور 5 فروری کو ابو ظہبی میں متوقع ہیں۔
مبصرین کا کہنا ہے کہ ان مذاکرات سے کسی ممکنہ پیش رفت کی امید تو کی جا رہی ہے، تاہم زمینی حقائق تاحال کشیدگی میں کمی کے آثار ظاہر نہیں کر رہے۔
.
ذریعہ
ذریعہ: Al Qamar Online
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار