وزیر اعظم سے وزیراعلیٰ خیبر پختونخوا کی ملاقات، اہم امور پر تبادلہ خیال
اشاعت کی تاریخ: 2nd, February 2026 GMT
اسلام آباد: وزیراعظم میاں محمد شہباز شریف سے وزیر اعلیٰ خیبر پختونخوا سہیل آفریدی کی پہلی باضابطہ ملاقات مکمل ہو گئی۔
نجی ٹی وی کی رپورٹ کے مطابق ذرائع کا کہنا ہے کہ وزیراعظم میاں محمد شہباز شریف سے وزیر اعلیٰ خیبر پختونخوا سہیل آفریدی کی پہلی باضابطہ ملاقات وزیراعظم آفس میں مکمل ہو گئی، جس میں صوبے کے اہم داخلی اور ترقیاتی امور پر تفصیلی تبادلہ خیال کیا گیا۔
ذرائع کے مطابق اس ملاقات میں وزیراعلیٰ کے ہمراہ پی کے کے مشیر خزانہ مزمل اسلم بھی موجود تھے جبکہ وفاقی سطح سے وزیر داخلہ محسن نقوی، وفاقی وزیر امیر مقام اور وزیراعظم کے مشیر برائے سیاسی امور رانا ثنااللہ بھی شریک ہوئے، ملاقات میں حکومتی امور کے مختلف پہلوؤں پر غور کیا گیا اور صوبے کی مجموعی صورتحال کا جائزہ لیا گیا۔
پی ٹی آئی ذرائع کا کہنا ہے کہ وزیراعلیٰ سہیل آفریدی نے ملاقات کے دوران وادی تیراہ میں امن و امان کی صورتحال، مقامی جرگہ نظام اور انسداد دہشت گردی کے اقدامات پر وزیراعظم سے تفصیلی بات چیت کی۔
ملاقات کے دوران این ایف سی ایوارڈ سے متعلق مالی امور اور وسائل کی تقسیم پر بھی تبادلہ خیال کیا گیا، تاکہ صوبے کی ترقی اور انتظامی اصلاحات کے لیے اقدامات کو مزید مؤثر بنایا جا سکے۔
اس کے علاوہ وزیرِ اعظم نے خیبر پختونخوا کے عوام کی ترقی و خوشحالی کے لیے وفاقی اور صوبائی حکومت کے مابین قریبی تعاون کی اہمیت پر زور دیا اور کہا کہ صوبے میں امن و امان کی بحالی کے لیے بھی یہ تعاون ناگزیر ہے۔
ملاقات کے بعد دونوں رہنماؤں نے صوبے کے عوام کی بھلائی اور ملکی مفاد میں تعاون جاری رکھنے کے عزم کا اعادہ کیا اور اس بات پر اتفاق کیا کہ وفاق اور صوبے کے درمیان مشترکہ حکمت عملی کے ذریعے امن و ترقی کے اہداف کو یقینی بنایا جائے گا۔
.
ذریعہ
ذریعہ: Al Qamar Online
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار