بھاٹی گیٹ حادثے میں جاں بحق ماں اور بیٹی کی پوسٹ مارٹم رپورٹ جاری
اشاعت کی تاریخ: 2nd, February 2026 GMT
بھاٹی گیٹ لاہور میں سیوریج لائن میں گر کر جاں بحق ہونے والی ماں اور بیٹی کی پوسٹ مارٹم رپورٹ سامنے آ گئی ہے۔
رپورٹ کے مطابق دونوں کے سروں پر شدید زخم کے آثار پائے گئے، جبکہ سعدیہ کے دائیں کندھے کی ہڈی ٹوٹ گئی تھی۔ 9 ماہ کی بچی ردا فاطمہ کی گردن کی ہڈی بھی ٹوٹ ہوئی تھی۔
مزید پڑھیں: بھاٹی گیٹ سانحہ: متوفیہ کے شوہر کی حراست اور مبینہ تشدد پر ایس ایچ او معطل
مزید رپورٹ میں بتایا گیا کہ سعدیہ کی کمر پر بھی متعدد زخم موجود تھے۔
پوسٹ مارٹم رپورٹ کے مطابق دونوں کی موت سر اور گردن کی ہڈیوں کے ٹوٹنے کی وجہ سے ہوئی۔
رپورٹس کے مطابق پوسٹ مارٹم خاتون ڈاکٹر نے کیا اور اس کے بعد رپورٹ کو محفوظ اور سیل کردیا گیا۔
واضح رہے کہ کچھ روز قبل لاہور میں ماں اور بیٹی مین ہول میں گر کر جاں بحق ہو چکی تھیں، جس پر وزیراعلیٰ نے سخت کارروائی کے احکامات دیے ہیں۔
پولیس نے واقعے کے بعد مین ہول میں گرنے والی خاتون کے شوہر کو حراست میں لے کر تشدد کا نشانہ بنایا اور مجبور کیاکہ وہ بیوی کو قتل کرنے کا اعتراف کرے۔
مزید پڑھیں: بھاٹی گیٹ سانحہ: متوفیہ کے شوہر کی حراست اور مبینہ تشدد پر ایس ایچ او معطل
پولیس کے اس اقدام کا وزیراعلیٰ نے نوٹس لیا ہے، تاہم ابھی تک صرف ایس ایچ او کو ہی عہدے سے ہٹایا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بھاٹی گیٹ جاں بحق ماں بیٹی مین ہول وی نیوز.
ذریعہ
ذریعہ: WE News
کلیدی لفظ: بھاٹی گیٹ ماں بیٹی مین ہول وی نیوز پوسٹ مارٹم بھاٹی گیٹ
پڑھیں:
عالمی مارکیٹ میں تیل کی قیمت 100 ڈالر سے تجاوز، مزید اضافے کا خدشہ
اسلام آباد: مشرق وسطیٰ میں بڑھتی ہوئی کشیدگی کے باعث عالمی مارکیٹ میں تیل کی قیمت میں نمایاں اضافہ ریکارڈ کیا گیا ہے، جہاں برینٹ کروڈ پہلی بار 100 ڈالر فی بیرل کی سطح عبور کر گیا، جبکہ امریکی خام تیل بھی 90 ڈالر فی بیرل سے اوپر پہنچ گیا۔
تازہ عالمی مارکیٹ رپورٹس کے مطابق خطے میں جاری غیر یقینی صورتحال اور سپلائی میں ممکنہ رکاوٹوں کے خدشات نے خام تیل کی قیمتوں کو نئی بلند ترین سطح پر پہنچا دیا ہے۔
ماہرین توانائی کا کہنا ہے کہ اگر مشرق وسطیٰ کی صورتحال مزید کشیدہ ہوئی اور تیل کی ترسیل متاثر ہوئی تو برینٹ کروڈ کی قیمت 120 ڈالر فی بیرل تک پہنچ سکتی ہے۔
تیل کی قیمتیں کیوں بڑھ رہی ہیں؟
تجزیہ کاروں کے مطابق ایران سے تیل کی سپلائی متاثر ہونے کے خدشات، بحیرہ احمر میں حوثیوں کی جانب سے بحری سرگرمیوں میں رکاوٹ اور اہم تجارتی راستوں پر بڑھتے ہوئے خطرات نے عالمی توانائی مارکیٹ کو شدید دباؤ میں ڈال دیا ہے۔
ماہرین کا کہنا ہے کہ ایران کے اہم آئل ٹرمینل جزیرہ خارگ کو کسی بھی ممکنہ نقصان یا تیل کی صنعت میں ہڑتال کی صورت میں عالمی سطح پر سپلائی مزید متاثر ہو سکتی ہے، جس سے قیمتوں میں مزید تیزی آنے کا امکان ہے۔
پاکستان پر کیا اثر پڑ سکتا ہے؟
توانائی ماہرین کے مطابق اگر عالمی مارکیٹ میں تیل کی قیمت اسی رفتار سے بڑھتی رہی تو پاکستان میں بھی پیٹرول، ڈیزل اور دیگر پیٹرولیم مصنوعات مزید مہنگی ہونے کا امکان ہے۔ اس کے علاوہ ٹرانسپورٹ، بجلی کی پیداوار، صنعتی لاگت اور مہنگائی پر بھی اس کے اثرات مرتب ہو سکتے ہیں۔
ماہرین نے خبردار کیا ہے کہ عالمی تیل منڈی میں جاری غیر یقینی صورتحال برقرار رہی تو نہ صرف توانائی کی قیمتیں مزید بڑھ سکتی ہیں بلکہ عالمی معیشت اور سپلائی چین بھی شدید دباؤ کا شکار ہو سکتی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا