کال سینٹر فراڈ؛ چین میں میانمار کے 4 مجرموں کو پھانسی؛ مجموعی تعداد 15 ہوگئی
اشاعت کی تاریخ: 2nd, February 2026 GMT
چین نے میانمار کے شمالی علاقے میں قائم فراڈ اور جرائم کے مراکز سے منسلک مزید 4 ملزمان کو سزائے موت دے دی.
عالمی خبر رساں ادارے کے مطابق ان ملزمان پر بڑے پیمانے پر آن لائن فراڈ، ٹیلی کام اسکیمیں، منشیات اسمگلنگ اور قتل جیسے سنگین جرائم کی دفعات کے تحت مقدمہ چلایا گیا تھا۔
ان ملزمان کو چینی عدالت نے نومبر 2025 میں سزائے موت سنائی تھی، جسے سپریم پیپلز کورٹ نے برقرار رکھا اور پھانسی کی توثیق کی تھی۔
یہ ملزمان “بائی فیملی” نامی مجرمانہ گروہ کے رکن تھے جس نے میانمار کے کوکانگ (Kokang) علاقے میں بڑے پیمانے پر ٹیلی کام اور آن لائن فراڈ آپریشنز قائم کیے تھے۔
اس گروہ پر الزام تھا کہ ان کے اسکیموں سے متعدد چینی شہریوں کے اکاؤنٹس پر 29 بلین یوآن (تقریباً 4.
اس مالی نقصان پر کم از کم 6 چینی شہری ہلاک اور متعدد کی حالت غیر ہوگئی تھی۔
میانمار کا یہ گروہ غیر قانونی جوا، اغوا، منشیات اسمگلنگ، زبردستی بدکاری اور تشدد میں بھی ملوث تھا۔
چین نے اسی سلسلے میں پچھلے ہفتے بھی 11 دوسرے ملزمان کو سزائے موت دی تھی جو اسی طرح میانمار کے اسکیم نیٹ ورکس سے منسلک تھے۔
یاد رہے کہ پھانسی کی یہ کارروائیاں چین کے اُس بڑے کریک ڈاؤن کا حصہ ہیں جس میں سرحد پار قائم فراڈ اور ٹیلی کام اسکیم سینٹرز کی سرکوبی کی جا رہی ہے۔
ذریعہ
ذریعہ: Express News
کلیدی لفظ: میانمار کے
پڑھیں:
اٹلی میں4 پاکستانیوں کے قتل کے الزام میں 2 پاکستانی گرفتار
روم(ڈیلی پاکستان آن لائن)اٹلی میں 4 پاکستانیوں کے قتل کے الزام میں 2 پاکستانیوں کو گرفتار کرلیا گیا۔اطالوی میڈیا کے مطابق یہ واقعہ جنوبی اٹلی کے علاقے کیلابریا میں پیش آیا۔
رپورٹ کے مطابق مرنے والے چاروں افراد کا تعلق پاکستان سے تھا اور وہ ایک زرعی فارم میں کام کرتے تھے۔ چاروں افراد کی لاشیں ایک جلی ہوئی وین کے اندر سے برآمد کی گئیں۔فرانسیسی خبر ایجنسی کے مطابق واقعےکے بعد پولیس نے تحقیقات کیں اور سی سی ٹی وی فوٹیج کی مدد سے 2 ملزمان کو گرفتار کرلیا، دونوں ملزمان بھی پاکستان سے تعلق رکھتے ہیں۔دوسری جناب ترجمان دفترخارجہ نے جنوبی اٹلی میں 4 پاکستانیوں کے مبینہ قتل پر ردعمل میں کہا ہےکہ اطلاع ہےکہ اٹلی میں جاں بحق افرادکا تعلق پاکستانی نژاد خاندانوں سے ہے، جاں بحق ہونے والوں کی درست شہریت کی ابھی تک تصدیق نہیں ہوئی۔ترجمان کے مطابق مقامی پولیس معاملے کی تحقیقات کر رہی ہے، ان میں فرانزک شواہد کا جائزہ بھی شامل ہے، اٹلی میں پاکستانی سفارتخانہ اس معاملے کی پیروی کر رہا ہے، اٹلی میں پاکستانی سفارتخانہ مزید پیشرفت کے لیے مقامی حکام کے ساتھ رابطے میں ہے۔
بجٹ 2026-27 ، پاکستان انسٹیٹیوٹ آف ڈیویلپمنٹ اکنامکس نے کم از کم ماہانہ اجرت 45 ہزار روپے مقرر کرنے کی سفارش کردی
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ