سینیئر اداکار راشد محمود یوٹیوبرز پر برس پڑے، قانونی کارروائی کی دھمکی دیدی
اشاعت کی تاریخ: 3rd, February 2026 GMT
پاکستان ٹیلی وژن کے سینیئر اداکار راشد محمود نے حال ہی میں ایک ویڈیو کے ذریعے ڈیجیٹل پلیٹ فارمز پر ان کے انٹرویوز کو توڑ مروڑ کر پیش کرنے پر برہمی کا اظہار کیا ہے اور قانونی کارروائی کی دھمکی بھی دی ہے۔
راشد محمود نے ایک ویڈیو بیان میں کہا کہ میرے پاس کوئی نہ آئے مجھے انٹرویو اور آپ کی مدد کی کوئی ضرورت نہیں ہے۔ آپ لوگ اپنے ویوز کے لیے میری باتوں کو توڑ مروڑ کر پیش کرتے ہیں اور ہیڈنگز ایسی بناتے ہیں جو حقیقت سے ہٹ کر ہیں۔ آئندہ کسی بھی انٹرویو کے لیے میرے پاس نہ آئیں۔
انہوں نے مزید کہا کہ آپ مجھے یتیم یا فقیر دکھا کر پیش کر رہے ہیں، جس سے میرے وقار کو نقصان پہنچا ہے اور میں اس معاملے پر بہت پریشان ہوں۔ براہ کرم مجھے فون نہ کریں، مجھے آپ سے کسی قسم کی مدد نہیں چاہیے۔ اگر آئندہ کوئی اس طرح کی کوشش کرے گا تو میں اس پر کیس کر دوں گا۔
گزشتہ دنوں انہوں نے اپنی صحت کے حوالے سے تفصیلات شیئر کی تھیں اور مداحوں سے دعاؤں کی اپیل کی تھی۔ ان کا کہنا تھا کہ ’میں ایک محنت کش انسان ہوں اور اپنے خاندان کی کفالت کے لیے محنت کرتا ہوں تب ہی میرا گھر چلتا ہے۔ میں آپ سب سے دعا کی درخواست کرتا ہوں براہِ کرم میری صحت کے لیے دعا کریں۔ اگر میں صحتیاب ہو گیا تو میں اپنے خاندان کے لیے کما سکوں گا‘۔
یہ بھی پڑھیں: صحتیاب ہوا تو خاندان کے لیے کما سکوں گا، سینیئر اداکار راشد محمود کی مداحوں سے دعا کی اپیل
واضح رہے کہ راشد محمود کا شمار پاکستان کی فلم اور ٹی وی انڈسٹری کے سینیئر اداکاروں میں ہوتا ہے، اداکار پی ٹی وی کے ساتھ ایک طویل عرصے تک وابستہ رہے، ان کے مقبول ڈراموں میں شاہین، کاجل گھر، مرزا غالب، ریاست، محبت روٹھ جائے تو، ضرار اور دیگر شامل ہیں۔ وہ زیادہ تر منفی کردار ادا کرنے کے حوالے سے مشہور ہیں۔ راشد محمود ان مشہور شخصیات میں شمار ہوتے ہیں جو سماجی، سیاسی اور میڈیا سے متعلق معاملات پر کھل کر اپنی رائے کا اظہار کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
راشد محمود راشد محمود صحت راشد محمود ویڈیو.
ذریعہ
ذریعہ: WE News
کلیدی لفظ: راشد محمود ویڈیو سینیئر اداکار کے لیے
پڑھیں:
خانیوال پل حادثے کی انکوائری مکمل‘پاکستان ریلویز نے دو افسران کو ملازمت سے فارغ کر دیا
اسلام آباد (اُردو پوائنٹ اخبارتازہ ترین - آن لائن۔ 02 جون2026ء) پاکستان ریلویز نے خانیوال پل حادثے کی انکوائری مکمل ہونے کے بعد ذمہ دار افسران کے خلاف سخت کارروائی کرتے ہوئے دو افسران کو ملازمت سے فارغ کر دیا ہے۔ریلوے حکام کے مطابق سابق ڈویژنل انجینئر(ڈی ای این)ملتان عابد رزاق کو ملازمت سے برطرف کر دیا گیا ہے جبکہ سابق اسسٹنٹ انجینئر (اے ای این)خانیوال راجا یوسف کو بھی سروس سے برخاست کر دیا گیا ہے۔یاد رہے کہ خانیوال پل حادثے میں ایک شخص جاں بحق جبکہ متعدد افراد زخمی ہوئے تھے۔ واقعے کے بعد وفاقی وزیر ریلوے محمد حنیف عباسی نے ذمہ داروں کے خلاف سخت کارروائی کا اعلان کرتے ہوئے واضح کیا تھا کہ عوامی جانوں کے نقصان پر کسی قسم کی رعایت نہیں برتی جائے گی۔وزیر ریلوے کی ہدایت پر حادثے کی جامع انکوائری شروع کی گئی تھی۔(جاری ہے)
انکوائری رپورٹ میں متعلقہ افسران کی غفلت اور ذمہ داری کا تعین کیا گیا جس کی روشنی میں محکمانہ کارروائی عمل میں لائی گئی۔
ریلوے حکام کے مطابق وفاقی وزیر ریلوے اپنے زیرو ٹالرنس مقف پر قائم رہے اور حادثے کا کیس منطقی انجام تک پہنچایا گیا۔ وزارت ریلوے کا کہنا ہے کہ احتساب کا عمل جاری رہے گا اور غفلت، لاپروائی یا نااہلی پر کسی قسم کا سمجھوتہ نہیں کیا جائے گا۔وزیر ریلوے محمد حنیف عباسی نے اس عزم کا اعادہ کیا کہ مسافروں کے جان و مال کے تحفظ کو ہر صورت یقینی بنایا جائے گا اور ذمہ دار عناصر کے خلاف بلاامتیاز کارروائی جاری رہے گی۔
وزارت آئی ٹی نے 1.67 ارب روپے سے زاید کے فنڈز طلب کرلیے