بسنت پر حکومتِ پنجاب نے شہریوں کو خصوصی ماحولیاتی ریلیف فراہم کیا ہے: مریم اورنگزیب
اشاعت کی تاریخ: 3rd, February 2026 GMT
سینئر صوبائی وزیر مریم اورنگزیب—فائل فوٹو
سینئر صوبائی وزیر مریم اورنگزیب نے کہا ہے کہ بسنت کے موقع پر حکومتِ پنجاب نے شہریوں کو خصوصی ماحولیاتی ریلیف فراہم کیا ہے۔
لاہور سے جاری کیے گئے بیان میں انہوں نے کہا ہے کہ لاہور میں ہوا کی رفتار سست ہے، ایئر کوالٹی انڈیکس 192ریکارڈ کیا گیا ہے جبکہ جدید ڈیٹا، سائنسی ماڈلز اور ٹیکنالوجی سے اسموگ کنٹرول میں پیش رفت ہوئی ہے۔
مریم اورنگزیب نے بتایا ہے کہ بسنت کےموقع پر حکومتِ پنجاب نے لاہور کے شہریوں کے لیے 3 دن 6 سے 8 فروری تک مفت پبلک ٹرانسپورٹ کی سہولت فراہم کی ہے، انہیں بس، میٹرو بس اور اورنج لائن میٹرو ٹرین 3 دن بلا معاوضہ دستیاب ہوں گی۔
وزیر اطلاعات پنجاب عظمیٰ بخاری کا کہنا ہے کہ پنجاب حکومت نے بسنت سے متعلق کوئی ایونٹ کینسل نہیں کیا۔
انہوں نے ذاتی گاڑیوں کے کم استعمال کی اپیل کرتے ہوئے شہریوں سے کہا ہے کہ اجتماعی سفر کو ترجیح دی جائے۔
مریم اورنگزیب نے بتایا ہے کہ ٹریفک کے دباؤ کم کرنے اور فضائی آلودگی گھٹانے کے لیے مشترکہ اقدامات کر رہے ہیں، آلودگی کے ہاٹ اسپاٹس کی نشاندہی کے لیے آرٹیفیشل انٹیلیجنس سسٹمز فعال ہیں۔
سینئر صوبائی وزیر نے یہ بھی بتایا ہے کہ ڈرون سرویلنس سے فیکٹریوں، بھٹوں اور گاڑیوں کی سخت نگرانی کی جا رہی ہے۔
ذریعہ
ذریعہ: Jang News
کلیدی لفظ: مریم اورنگزیب
پڑھیں:
حضرت داتا گنج بخش ؒ کا سالانہ عرس; انتظامات کے حوالے سے خصوصی اجلاس
سٹی 42: خصوصی مشیر وزیر اعلیٰ علی ڈارکی زیر صدارت خصوصی اجلاس ہوا۔ جس میں علی ڈار نے داتاؒ دربار عرس کیلئے انتظامات کا تفصیلی جائزہ لیا
صوبائی وزیر بلال یاسین، وائس چیئرمین ایل ڈی اے میاں مرغوب احمد شریک ہوئے ۔ سیکرٹری اوقاف ڈاکٹر احسان بھٹہ، ڈپٹی کمشنر لاہور محمد علی اعجاز،ڈی آئی جی آپریشنز فیصل کامران، ڈی جی ایل ڈی اے طاہر فاروق و دیگر شریک ہوئے ۔
بریفنگ میں بتایا گیا کہ حضرت داتا گنج بخش ؒ کا تین روزہ سالانہ عرس 2 تا4 اگست کو منعقد ہوگا،خطیب داتا ؒدربار مولانا ندیم مختار نے سیرت و صوفی کانفرنسز سے متعلق آگاہ کیا۔محافل، قرأت اور نعت خوانی کے مقابلوں کے انعقاد سے متعلق بریفنگ دی گئی۔
علی ڈار نے کہا داتاؒ دربار تعمیراتی منصوبہ عہد ساز اور تاریخی نوعیت کا حامل ہے،عرس میں دنیا بھر سے زائرین حاضری کی سعادت حاصل کریں گے،زیرِ تعمیر انڈر پاس اور متعلقہ سڑکیں عرس سے قبل کھولی جائیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار