فٹ ہونے کے باوجود رونالڈو سعودی النصر ٹیم سے باہر کیوں؟ پسِ پردہ کہانی سامنے آگئی
اشاعت کی تاریخ: 3rd, February 2026 GMT
data-id="863a0a8" data-element_type="widget" data-widget_type="theme-post-content.default">
سعودی فٹبال کلب النصر کے اسٹار کھلاڑی کرسٹیانو رونالڈو آئندہ لیگ میچ میں الریاض کے خلاف شرکت نہیں کریں گے، حالانکہ وہ مکمل طور پر فٹ ہیں۔
معروف فٹبال صحافی فابریزیو رومانو کے مطابق رونالڈو کی غیر موجودگی کی وجہ کسی قسم کی انجری یا فٹنس مینجمنٹ نہیں ہے۔ پرتگالی اور برازیلین میڈیا رپورٹس میں بھی بتایا گیا ہے کہ رونالڈو کلب کی ٹرانسفر پالیسی اور سعودی پبلک انویسٹمنٹ فنڈ کی سرمایہ کاری حکمتِ عملی سے مطمئن نہیں۔
اطلاعات کے مطابق رونالڈو کا خیال ہے کہ حریف کلب الہلال کو زیادہ مضبوط بنایا جا رہا ہے جبکہ النصر کو نظر انداز کیا جا رہا ہے۔ رپورٹس میں یہ بھی کہا جا رہا ہے کہ الہلال اپنی ٹیم کو مزید تقویت دینے کے قریب ہے اور کریم بینزیما کی ممکنہ شمولیت کی خبریں زیر گردش ہیں۔
ترک صحافی یاغیز سبنجی اوغلو کے مطابق رونالڈو اس ممکنہ ٹرانسفر کے بھی مخالف ہیں اور اسے لیگ میں مسابقتی توازن کے خلاف قرار دیتے ہیں۔ دوسری جانب کریم بینزیما اپنے موجودہ کلب الاتحاد کے ساتھ معاہدے میں توسیع کے مالی معاملات پر اختلافات کے باعث میچز سے دور ہیں، جبکہ الہلال، الاتحاد اور لیگ حکام کے درمیان بات چیت جاری ہے۔
دلچسپ امر یہ ہے کہ النصر کے پاس پہلے ہی ایک مضبوط اسکواڈ موجود ہے جس میں سادیو مانے، کنگزلی کومان، سیمیکان، انیگو اور ژاؤ فیلکس جیسے نمایاں کھلاڑی شامل ہیں، جبکہ کوچ جارج جیزس بھی لیگ ٹائٹل جیتنے کا وسیع تجربہ رکھتے ہیں۔ اس کے باوجود رپورٹس کے مطابق رونالڈو چاہتے ہیں کہ ٹیم کو مزید مضبوط کیا جائے تاکہ لیگ ٹائٹل کی دوڑ میں واضح برتری حاصل کی جا سکے۔
ذریعہ
ذریعہ: Jasarat News
کلیدی لفظ: کے مطابق رونالڈو
پڑھیں:
کراچی میں گیس سلینڈر دھماکے سے تباہی، 1 جاں بحق
شہر قائد کے علاقے صفورا چورنگی سندھ گرین ہوٹل واٹر ہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکے کے نتیجے میں ایک شخص جاں بحق اور5 افراد زخمی ہو گئے۔
تفصیلات کے مطابق ملیر کینٹ تھانے کے علاقے صفورا چورنگی سندھ گرین ہوٹل واٹرہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکےمیں 6 افراد جھلس کر زخمی ہو گئے جنہیں فوری طور پرجناح اسپتال منتقل کیا گیا۔
اسپتال منتقلی کے بعد جھلس کر زخمی ہونے والا ایک شخص دوران علاج دم توڑ گیا، جس کی شناخت 35 سالہ وقاص کے نام سے ہوئی۔
حادثے میں زخمی ہونے والے دیگر افراد میں 10 سالہ سکندر، 40 سالہ اویس اور 30 سالہ عبدالحنان اورعابد شامل ہیں جبکہ ایک زخمی کی شناخت تاحال نہیں ہوسکی۔
ایس ایچ او ملیر کینٹ آغا عبدالرشید کے مطابق دھماکے میں جاں بحق ہونے والا وقاص پنکچرکی دکان کا مالک تھا۔ انہوں نے مزید بتایا کہ پنکچر کی دکان سے متصل گاڑیوں کے سینسر گیس ویلڈنگ کے ذریعے مرمت کاکام بھی ہوتا تھا جہاں ایک چھوٹا سلنڈر موجود تھا جوروز داردھماکے سے پھٹ گیا جس کے نتیجے میں ایک شخص جاں بحق اور 5 افراد زخمی ہوئے جنہیں فوری طورپراسپتال منتقل کردیا گیا۔
عینی شاہدین کے مطابق دھماکہ اتنا شدید تھا کہ دکان مکمل طور پرتباہ ہوگئی۔
وزارت آئی ٹی نے 1.67 ارب روپے سے زاید کے فنڈز طلب کرلیے