عمران خان کی رہائی چاہیے علاج کی فراہمی نہیں، علیمہ خان
اشاعت کی تاریخ: 3rd, February 2026 GMT
بانی چیئرمین پی ٹی آئی عمران خان کی ہمشیرہ علیمہ خان نے واضح کیا ہے کہ ان کا مطالبہ عمران خان کی رہائی ہے نہ کہ محض علاج کی فراہمی۔
یہ بھی پڑھیں: عمران خان کی بہن علیمہ خان کے ناقابل ضمانت وارنٹ گرفتاری جاری
اڈیالہ جیل کے باہر میڈیا سے گفتگو کرتے ہوئے علیمہ خان نے پی ٹی آئی سینیٹر مشال یوسفزئی کو شدید تنقید کا نشانہ بناتے ہوئے کہا کہ مشال یوسفزئی جن کی ہدایات کے تحت بیانات دے رہی ہیں وہ اسی کے مطابق اپنا کردار ادا کر رہی ہیں اور لگتا نہیں ہے کہ وہ عمران خان کی خیر خواہ ہیں۔
علیمہ خان نے دعویٰ کیا کہ مشال یوسفزئی اور شیر افضل مروت کو ان کے خلاف بیانات دینے کا ٹاسک دیا گیا ہے۔ انہوں نے کہا کہ عمران خان نے جیل میں واضح طور پر ہدایت دی تھی کہ ان افراد کو پیغام پہنچا دیا جائے کہ استعمال کے بعد انہیں سیاسی طور پر ختم کر دیا جائے گا۔
بانی پی ٹی آئی کی صحت کے حوالے سے بات کرتے ہوئے علیمہ خان نے کہا کہ انہیں گزشتہ منگل کو اڈیالہ جیل آ کر عمران خان کی میڈیکل رپورٹ کے بارے میں علم ہوا۔
انہوں نے سوال اٹھایا کہ یہ خبر کس نے اور کیسے لیک کی؟ ان کا کہنا تھا کہ یہ خبر جان بوجھ کر اصل معاملے سے توجہ ہٹانے کے لیے سامنے لائی گئی۔
مزید پڑھیے: علیمہ خان کے خلاف کون سے مقدمات زیر سماعت ہیں، کیا ان کی گرفتاری کا امکان ہے؟
صحافیوں کے سوال کے جواب میں علیمہ خان نے کہا کہ سہیل آفریدی نے جمعرات کے دھرنے کا فیصلہ خود کیا تھا اور انہوں (علیمہ خان) نے کسی کو کوئی ہدایات نہیں دی تھیں۔
ان کے مطابق اس اقدام کا مقصد 8 فروری کے پروگرام سے عوام کی توجہ ہٹانی تھی۔
علیمہ خان نے کہا کہ اگر دباؤ برقرار نہ رکھا گیا تو ایسے ہتھکنڈے استعمال ہوتے رہیں گے۔
مزید پڑھیں: 8 فروری کو احتجاج کی کال عمران خان کی طرف سے نہیں، علیمہ خان نے واضح کردیا
ان کا کہنا تھا کہ عمران خان کی ملاقاتوں پر پابندیاں اس بات کا ثبوت ہیں کہ متعلقہ حلقے دباؤ میں ہیں اس لیے وہ رہائی کے مطالبے سے بچنے کی کوشش کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
علیمہ خان عمران خان عمران خان کا علاج عمران خان کی رہائی.
ذریعہ
ذریعہ: WE News
کلیدی لفظ: علیمہ خان عمران خان کا علاج عمران خان کی رہائی عمران خان کی علیمہ خان نے نے کہا کہ
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار