چاند کی کھوج میں نیا قدم، سائنس دانوں نے جدید روبوٹک مشن متعارف کرا دیا
اشاعت کی تاریخ: 3rd, February 2026 GMT
خلائی تحقیق میں ایک اہم پیشرفت کے طور پر یورپی سائنس دانوں نے چاند کے لیے ایک نئے روبوٹک مشن کا اعلان کیا ہے، جس کا مقصد زیرِ زمین لاوا سرنگوں کی کھوج اور مستقبل میں انسانی اڈوں کے امکانات کا جائزہ لینا ہے۔
یہ بھی پڑھیں:رواں سال میں آسمان پر رنگوں کی داستان، اسنو مون کے بعد بلڈ مون کا جادو
ماہرین کے مطابق جدید اور خودکار روبوٹس نہ صرف خلائی مشنز کو آسان بنا سکتے ہیں بلکہ چاند اور مریخ پر طویل مدتی قیام کی راہ بھی ہموار کر سکتے ہیں۔
حالیہ برسوں میں روبوٹک ٹیکنالوجی نے دنیا کے مختلف شعبوں میں نمایاں ترقی کی ہے، اور اب یہی ٹیکنالوجی خلائی مشنز میں بھی نئے اہداف حاصل کرنے کے لیے تیار ہے۔ تازہ پیشرفت میں یورپی سائنس دانوں کی ایک ٹیم نے چاند کے لیے ایک نیا روبوٹک مشن پیش کیا ہے، جسے مستقبل کی خلائی تحقیق کے لیے اہم قرار دیا جا رہا ہے۔
اس منصوبے میں اسپین کی یونیورسٹی آف ملاگا کے اسپیس روبوٹکس لیب سے وابستہ محققین بھی شامل ہیں، جنہوں نے اسپین کے آتش فشانی جزیرے لانزاروٹے پر تین مختلف روبوٹس کی جانچ اور آزمائش کی۔
یہ بھی پڑھیں:نایاب فلکیاتی مظہر بلیک مون کب اور کیوں رونما ہوتا ہے؟
ماہرین کے مطابق یہ روبوٹس باہمی تعاون کے ساتھ کام کرتے ہوئے انتہائی مشکل اور خطرناک زیرِ زمین ماحول کو خودکار انداز میں دریافت کرنے کی صلاحیت رکھتے ہیں۔
سائنس دانوں کا کہنا ہے کہ 3 ذہین روبوٹس پر مشتمل یہ نظام چاند اور مریخ پر موجود لاوا سرنگوں کو دریافت کرنے میں کلیدی کردار ادا کر سکتا ہے۔ یہ سرنگیں مستقبل میں انسانی بیس کیمپ کے لیے موزوں سمجھی جا رہی ہیں، کیونکہ یہ خلا بازوں کو خطرناک شعاعوں اور شہابی پتھروں سے قدرتی تحفظ فراہم کر سکتی ہیں۔
حالیہ تجربات کے دوران روبوٹک نظام نے غاروں کے داخلی راستوں کی نقشہ سازی کی، سینسرز نصب کیے، ایک اسکاؤٹ روور کو نیچے اتارا اور سرنگوں کے اندرونی حصے کے تفصیلی تھری ڈی نقشے تیار کیے۔ ماہرین کے مطابق اگرچہ ان مقامات تک رسائی دشوار ہے، تاہم یہ نئی ٹیکنالوجی ان چیلنجز سے نمٹنے کی صلاحیت رکھتی ہے۔
یہ بھی پڑھیں:روبوٹ کے ذریعے گردے کی کامیاب سرجری، یہ انسانوں سے بہتر ثابت ہوں گے، ماہرین
یہ مشن 4 مراحل پر مشتمل ہے، جن میں علاقے کی نقشہ سازی، ابتدائی پیمائش کے لیے سینسرز کی تنصیب، اندرونی حصے تک روور کی رسائی اور آخر میں مکمل تھری ڈی نقشہ تیار کرنا شامل ہے۔
تحقیقی ٹیم کے مطابق یہ منصوبہ جرمن ریسرچ سینٹر فار آرٹیفیشل انٹیلیجنس کی قیادت میں تیار کیا گیا، جس میں یونیورسٹی آف ملاگا اور ہسپانوی کمپنی جی ایم وی نے بھی تعاون کیا۔
ماہرین نے تصدیق کی ہے کہ یہ مشن تکنیکی طور پر قابلِ عمل ہے اور مستقبل میں چاند اور مریخ کی کھوج میں روبوٹک ٹیموں کا کردار مزید بڑھ سکتا ہے۔
یہ تحقیق حال ہی میں سائنسی جریدے سائنس روبوٹکس میں شائع ہوئی ہے، جبکہ ماہرین مستقبل میں خلائی مشنز کو مزید مؤثر اور درست بنانے کے لیے جدید روبوٹک ٹیکنالوجی پر کام جاری رکھنے کے خواہاں ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکاؤٹ روور چاند ربورٹ مون.
ذریعہ
ذریعہ: WE News
کلیدی لفظ: اسکاؤٹ روور چاند کے مطابق کے لیے
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار