’عدالتی مداخلت کی ضرورت نہیں‘، وفاقی آئینی عدالت نے ارشد شریف قتل کیس نمٹا دیا
اشاعت کی تاریخ: 3rd, February 2026 GMT
وفاقی آئینی عدالت نے سینیئر صحافی ارشد شریف کے قتل سے متعلق ازخود نوٹس اور تمام دائر درخواستیں نمٹاتے ہوئے فیصلہ جاری کر دیا ہے۔ عدالت نے قرار دیا کہ پاکستان اور کینیا کی حکومتیں اس معاملے پر مناسب اور مؤثر اقدامات کر رہی ہیں، اس لیے اس مرحلے پر عدالتی مداخلت کی ضرورت نہیں۔
وفاقی آئینی عدالت کے فیصلے میں کہا گیا ہے کہ ارشد شریف قتل کیس میں پاکستان اور کینیا کے درمیان باہمی قانونی معاونت کے معاہدے (ایم ایل اے) پر دستخط ہو چکے ہیں اور دونوں ممالک اس کیس میں تعاون کر رہے ہیں۔ عدالت کے مطابق تحقیقات کا عمل متعلقہ حکومتی اور قانونی فورمز پر جاری ہے، جس میں عدالتی مداخلت فی الوقت ضروری نہیں۔
فیصلے میں کہا گیا کہ عدالت صحافتی برادری اور عوام کے اس دکھ اور تشویش کو سمجھتی ہے جو ارشد شریف کے قتل کے باعث پیدا ہوئی، تاہم آئینی دائرہ اختیار کے تحت عدالت اس نتیجے پر پہنچی ہے کہ کیس میں مزید کارروائی کے لیے حکومتی اقدامات ہی موزوں راستہ ہیں۔
عدالت نے واضح کیا کہ ارشد شریف کے ورثا کسی بھی مرحلے پر اپنے قانونی حقوق کے تحفظ کے لیے متعلقہ عدالتوں یا فورمز سے رجوع کر سکتے ہیں۔ اس کے ساتھ ہی عدالت نے ازخود نوٹس سمیت تمام متعلقہ درخواستیں نمٹا دینے کا حکم دے دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
وفاقی بجٹ 5 جون کو پیش نہیں کیا جائیگا
وفاقی دارالحکومت اسلام آباد سے بڑی سیاسی اور معاشی پیش رفت سامنے آئی ہے. جہاں حکومت نے آئندہ مالی سال کے وفاقی بجٹ کی تاریخ تبدیل کرنے کا فیصلہ کیا ہے۔ذرائع کے مطابق وفاقی بجٹ اب 5 جون کو پیش نہیں کیا جائے گا۔اس تاخیر کی بنیادی وجہ قومی اقتصادی کونسل (NEC) کا اہم ترین اجلاس ملتوی ہونا ہے، جو پہلے 3 جون کو شیڈول تھا۔حکومت کی جانب سے اس اجلاس کی منسوخی کا باقاعدہ نوٹیفکیشن بھی جاری کر دیا گیا ہے۔ذرائع کا بتانا ہے کہ فی الحال وفاعل بجٹ پیش کرنے کی کسی حتمی نئی تاریخ کا تعین تو نہیں ہو سکا.تاہم اب بجٹ 8 یا 12 جون کو پارلیمنٹ میں پیش کیے جانے کا قوی امکان ہے۔سرکاری نوٹیفکیشن کے مطابق، قومی اقتصادی کونسل کے اس اہم اجلاس کی نئی تاریخ کا اعلان بعد میں کیا جائے گا. جس کے بعد ہی بجٹ کی حتمی تاریخ سامنے آ سکے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ